ମୋରଡା, ୧୦।୬ : ମୟୁରଭଞ୍ଜ ଜିଲ୍ଲା ମୋରଡା ବ୍ଲକ ଅନ୍ତର୍ଗତ ଗଡିଆ ପଞ୍ଚାୟତ ଅଧୀନ ଫୁଟୁକିଶୋଳ ଗ୍ରାମରେ ମାଛ ଧରିବାକୁ ଯାଇ ଜଣେ ମତ୍ସ୍ୟଜୀଵୀ ଚାଙ୍ଗୁଆ ବନ୍ଧରେ ବୁଡି ମୃତ୍ୟୁ ଘଟିଛି।
ମିଳିଥିବା ସୂଚନା ଅନୁସାରେ ଫୁଟିକିଶୋଳ ଗ୍ରାମର ଲକ୍ଷ୍ମଣ ମହାକୁଡ଼ ପ୍ରତିଦିନ ଭଳି ଆଜି ମଧ୍ୟ ବନ୍ଧକୁ ମାଛ ଧରିବା ପାଇଁ ଯାଇ କୌଣସି କାରଣବଶତଃ ପାଣିରେ ବୁଡି ଯାଇଥିଲେ। ତେବେ ଅପରାହ୍ନ ସମୟରେ ଲକ୍ଷ୍ମଣଙ୍କ ଶବ ପାଣିରେ ଭାସୁଥିବାର ଦେଖି ଗ୍ରାମବାସୀ ଲକ୍ଷ୍ମଣଙ୍କ ପରିବାରଙ୍କୁ ଖବର ଦେବାସହ ପୋଲିସ ଓ ଅଗ୍ନିଶମ ବିଭାଗକୁ ଖବର ଦେଇଥିଲେ। ସଙ୍ଗେ ସଙ୍ଗେ ଚିତ୍ରଡା ଅଗ୍ନିଶମ ବିଭାଗର କର୍ମଚାରୀ ମାନେ ଆସି ସ୍ଥାନୀୟ ସରପଞ୍ଚ ଓ ଗ୍ରାମବାସୀଙ୍କ ଉପସ୍ଥିତିରେ ମୃତଦେହକୁ ପାଣିରୁ ଉଦ୍ଧାର କରିଥିଲେ। ଖବର ପାଇଁ ଚିତ୍ରଡା ଫାଣ୍ଡି ଅଧିକାରୀ ନିରଞ୍ଜନ ସୋରେନ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରି ଶବକୁ ବ୍ୟବଚ୍ଛେଦ ପାଇଁ ବାରିପଦା ହସ୍ପିଟାଲକୁ ପଠେଇବା ସହ ଏକ ଅପମୃତ୍ୟୁ ମାମଲା ରୁଜୁ କରି ଅଧିକ ତଦନ୍ତ ଜାରିରଖିଛନ୍ତି।
