ଫିରିଙ୍ଗିଆ,୨୮/୮ : କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ର ଜାଜେସପାଙ୍ଗା ପଂଚାୟତ ଅଧୀନରେ ଥିବା ଉପରଦାମୀଙ୍ଗିଆ ଠାରେ ଚାଲିଥିବା ୯ମ ବାର୍ଷିକ ଆଞ୍ଚଳିକ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି I ପ୍ରତ୍ୟେକ ବର୍ଷ ଭଳି ଚଳିତ ବର୍ଷ ମଧ୍ୟ୍ୟ ଏହି ଟୁର୍ଣ୍ଣାମେଣ୍ଟକୁ ଉପରଦାମିଙ୍ଗିଆଠାରେ ଥିବା ଶ୍ରୀରାମ କ୍ଲବ ଆୟୋଜନ କରିଥିବାବେଳେ ୪ ଦିନ ଧରି ଚାଲିଥିବା ଏହି ଟୁର୍ଣ୍ଣାମେଣ୍ଟରେ ଫିରିଙ୍ଗିଆ ବ୍ଲକର ବିଭିନ୍ନ ଗ୍ରାମାଞ୍ଚଳରୁ ଆସିଥିବା ୧୬ଟି ଫୁଟବଲ ଟିମ ଭାଗ ନେଇଥିବାବେଳେ ଦାମାରେଜୁ ଓ ଲାଇଜଡି ମଧ୍ୟରେ ଫାଇନାଲ ଖେଳ ଅନୁଷ୍ଠିତ ହୋଇଥିଲା I 

ଏଥିରେ ଦାମାରେଜୁକୁ ଦୁଇ ଶୂନ ଗୋଲରେ ହରାଇ ଲଇଯୋଡି ଚାମ୍ପିୟନ ହୋଇଥିଲା I ତେବେ ଏହି ଟୁର୍ଣ୍ଣାମେଣ୍ଟର ଉଦଯାପନୀ ଉତ୍ସବରେ ଜାଜେସପାଙ୍ଗା ସମିତି ସଭ୍ୟ ପଣ୍ଡିକ କହଁରଙ୍କ ସହ ଗୋଛାପଡା ସରପଞ୍ଚ ଯୁଗାନ୍ତ କହଁର, ପୂର୍ବତନ ସରପଞ୍ଚ ଗୁପ୍ତେଶ୍ୱର କହଁର ପ୍ରମୁଖ ଅତିଥି ଭାବରେ ଯୋଗଦେଇଥିଲେ I ଅନ୍ୟପଟେ ୩ ଦିନ ଧରି ଏହି କାର୍ଯ୍ୟକ୍ରମକୁ କ୍ଲବର ସଭାପତି ଗୋବିନ୍ଦ କହଁର, ସମ୍ପାଦକ ନବକିଶୋର କହଁର, ସହସମ୍ପାଦକ ଗୁରୁଦେବ କହଁର, ସଦସ୍ୟ ପାଣ୍ଡବ କହଁର, ହାରିବନ୍ଧୁ କହଁର, ସୁଧୀର କହଁର, ସଞ୍ଜୟ କହଁର, ସାମନ୍ତ କହଁର, ଟହଁମା କହଁର,ସେମ ଦିଗାଲ, ଲୁକାସ ଦିଗାଲ ଓ ଅନ୍ୟ ସଦସ୍ୟମାନେ ଉପସ୍ଥିତ ରହି ପରିଚାଳନା କରିଥିଲେ ।

ଅଂଚଳର ଜଣାଶୁଣା ଖେଳ ପରିଚାଳକ ତ୍ରିନାଥ ମଳିକଙ୍କ ସହ ହେମନନ୍ଦ ମଳିକ ଓ ଦିଲୀପ ମଳିକ ରେଫରୀ ଭାବେ ଖେଳ ପରିଚାଳନା କରିଥିଲେ I କାର୍ଯ୍ୟକ୍ରମ ଶେଷରେ ଉଭୟ ବିଜେତା ଓ ଉପବିଜେତା ଦଳର ଖେଳାଳିମାନଙ୍କୁ ଟ୍ରଫି ପ୍ରଦାନ କରାଯାଇ ପୁରସ୍କୃତ କରାଯାଇଥିଲା I