ଭୁବନେଶ୍ୱର, ୪।୪: ଅନେକ ଲୋକ ସେମାନଙ୍କ ଅଫିସ୍ ଟେବୁଲ ବା ଡେସ୍କକୁ ସଜାଇବାକୁ ପସନ୍ଦ କରନ୍ତି । କେହି କେହି ଅଫିସ୍ ଟେବୁଲରେ ସଜାଇବାର ମୂର୍ତ୍ତି ରଖୁଥିବା ବେଳେ ଆଉ କେହି ବିଭିନ୍ନ ପ୍ରକାର ଗଛ ରଖିଥାନ୍ତି । ବାସ୍ତୁଶାସ୍ତ୍ର ଅନୁସାରେ, କିଛି ଗଛକୁ ଅଫିସ୍ ଡେସ୍କରେ ରଖିବା ଅନୁଚିତ୍ । ଯଦିଓ ଏହି ଗଛଗୁଡ଼ିକ ବେଶ୍ ସୁନ୍ଦର ଦେଖାଯାଏ, ତଥାପି ଏହା ଜଣକର ଉନ୍ନତିରେ ବାଧା ସୃଷ୍ଟି କରିଥାଏ । ଏଥିରୁ ବାହାରୁଥିବା ନକାରତ୍ମକ ଶକ୍ତି କ୍ୟାରିୟର୍ ଉପରେ ପ୍ରଭାବ ପକାଏ ।
ବାଉଁଶ :
ଅନେକ ଲୋକ ଅଫିସ୍ ଟେବୁଲରେ ବାଉଁଶ ଗଛ ରଖିଥାନ୍ତି । ବାସ୍ତୁଶାସ୍ତ୍ର ଅନୁସାରେ, ଟେବୁଲ ଉପରେ ବାଉଁଶ ଗଛ ରଖିବା ଦ୍ୱାରା ଜଣେ ଅବସାଦ ମଧ୍ୟରେ ଗତି କରନ୍ତି । ସହକର୍ମୀଙ୍କ ସହ ମନୋମାଳିନ୍ୟ ଦେଖାଯାଏ ।
କାକ୍ଟସ୍ :
କଣ୍ଟାଯୁକ୍ତ କାକ୍ଟସ୍କୁ କେବେ ବି ଅଫିସ୍ ଡେସ୍କରେ ରଖନ୍ତୁନି । ଏଥିରୁ ବାହାରୁଥିବା ନକାରତ୍ମକ ଶକ୍ତି ଦ୍ୱାରା ଜଣକର କାର୍ଯ୍ୟ ପ୍ରଭାବିତ ହୁଏ । ଏହାଦ୍ୱାରା କାମରେ ମନଲାଗେ ନାହିଁ । ବେଳେବେଳେ ସ୍ଥିତି ଏପରି ଉପୁଜେ, ଯାହା ଦ୍ୱାରା ଜଣେ ନିର୍ଦ୍ଦିଷ୍ଟ ସମୟ ମଧ୍ୟରେ କାମ ସାରିପାରନ୍ତି ନାହିଁ ।
ଘିକୁଆଁରୀ :
ଔଷଧୀୟ ଗୁଣଯୁକ୍ତ ଘି କୁଆଁରୀ ଗଛକୁ ଅଫିସ୍ ଟେବୁଲ୍ ଉପରେ ରଖିବା ଉଚିତ୍ ନୁହେଁ । ବାସ୍ତୁ ଅନୁସାରେ, ଏହାକୁ ଅଫିସ୍ ଡେସ୍କରେ ରଖିବା ଦ୍ୱାରା ଅନେକ ସମୟରେ କଳିଝଗଡ଼ା ସ୍ଥିତି ସୃଷ୍ଟି ହୋଇଥାଏ । ଜଣେ ଇଚ୍ଛା ନ କରି ମଧ୍ୟ ବାଦବିବାଦରେ ଶିକାର ହୋଇଥାନ୍ତି ।
ଗୋଲାପ :
ଗୋଲାପ ଫୁଲ ଦେଖିବାକୁ ଆକର୍ଷଣୀୟ ଲାଗୁଥିଲେ ସୁଦ୍ଧା ଏହାକୁ ସବୁବେଳେ ଘରେ ଲଗାଇବା ଉଚିତ୍ । ଅଫିସ୍ରେ ଗୋଲାପ ଗଛ ରଖନ୍ତୁ ନାହିଁ । ଏହି ଗଛକୁ ଅଫିସ୍ରେ ରଖିବା ଦ୍ୱାରା ମୁଡ୍ ସ୍ୱିଙ୍ଗ୍ ସମସ୍ୟା ଦେଖାଯାଏ । ଏଥିଯୋଗୁଁ ବେଳେବେଳେ ଜଣକର ମନରେ ନିରାଶ ଭାବ ଦେଖାଯାଇଥାଏ ।
