ଭୁବନେଶ୍ୱର, ୨୭।୫: ଅନେକ ସମୟରେ ଆମର ଆକସ୍ମିକ ମୁଣ୍ଡବିନ୍ଧା ହୋଇଥାଏ । ଅଧିକ କାମର ଚାପ, ଡିହାଇଡ୍ରେସନ୍, ରାତିଦିନ ନଶୋଇ କାମ କରିବା ଦ୍ୱାରା ଆକସ୍ମିକ ଭାବରେ ମୁଣ୍ଡବିନ୍ଧା ଆରମ୍ଭ ହୋଇଥାଏ । ଏହା ଆପଣଙ୍କୁ ବ୍ୟସ୍ତ ବିବ୍ରତ କରିଦେଇଥାଏ । ଏଥିରୁ ବଞ୍ଚିବା ପାଇଁ ୪ଟି ଘରୋଇ ଉପାୟ ଆପଣଙ୍କ ପାଇଁ ସହାୟକ ହୋଇପାରିବ । ଯାହା ସାହାଯ୍ୟରେ ଆପଣଙ୍କୁ ମୁଣ୍ଡବିନ୍ଧାରୁ ବହୁ ମାତ୍ରାରେ ଆରାମ ମିଳିପାରିବ । ଜାଣିରଖନ୍ତୁ ଏହି ୪ଟି ଘରୋଇ ଉପାୟ...
ତୁଳସୀ ଏବଂ ଅଦାର ଜୁସ୍ :
ମୁଣ୍ଡବିନ୍ଧାରେ ତୁଳସୀ ଓ ଅଦାର ଜୁସ୍ ବହୁତ ଲାଭପ୍ରଦ । ତୁଳସୀ ଏବଂ ଅଦାର ରସ ବାହାର କରି, ଅଳ୍ପ ପାଣିରେ ମିଶାଇ ଦିଅନ୍ତୁ । ଏହାକୁ ଫୁଟାଇ ପିଇଲେ ମୁଣ୍ଡବିନ୍ଧାରୁ ଆରାମ ମିଳିଥାଏ ।
ବରଫର ସେକ ଦିଅନ୍ତୁ :
କିଛି ବରଫଖଣ୍ଡକୁ ନେଇ ଏକ ପଲିଥିନ୍ ବା କପଡ଼ାରେ ରଖି ମୁଣ୍ଡରେ ଘସନ୍ତୁ । ଏହାଦ୍ୱାରା ଆପଣଙ୍କୁ ବହୁତ ଆରାମ ମିଳିବ । କିନ୍ତୁ, ଏହାକୁ ୧୦ ମିନିଟ୍ରୁ ଅଧିକ କରନ୍ତୁ ନାହିଁ ।
ପାଣି ପିଅନ୍ତୁ :
କମ୍ ପାଣି ପିଇବା ମଧ୍ୟ ମୁଣ୍ଡବିନ୍ଧାର ଏକ କାରଣ ହୋଇପାରେ । ଏପରି ଅବସ୍ଥାରେ ଆପଣ ଅଧିକରୁ ଅଧିକ ପାଣି ପିଅନ୍ତୁ । ଏହାଛଡ଼ା ଚା’ ଓ କଫିର ଅଧିକ ସେବନ ମଧ୍ୟ ମୁଣ୍ଡବିନ୍ଧାର କାରଣ ହୋଇଥାଏ । ତେବେ ଏସବୁର ସେବନ କମ୍ କରନ୍ତୁ ।
ନିଦ ପୂରଣ କରନ୍ତୁ :
ଯଦି ଆପଣ ୮ଘ ଣ୍ଟାରୁ କମ୍ ଶୋଉଛନ୍ତି, ତେବେ ଏହା ମଧ୍ୟ ମୁଣ୍ଡବିନ୍ଧାର କାରଣ ହୋଇଥାଏ । ଏଥିପାଇଁ ନିଜ ନିଦକୁ ସମ୍ପୂର୍ଣ୍ଣ କରନ୍ତୁ । ଏସବୁ କରିବା ଦ୍ୱାରା ଆପଣ ମୁଣ୍ଡବିନ୍ଧାରୁ ରକ୍ଷା ପାଇପାରିବେ ।