ଅମରୋହା – ବର୍ତ୍ତମାନ ସମୟରେ ଶିଶୁ , ଯୁବକ ଓ ଯୁବତୀଙ୍କ ଠାରେ ହୃଦଘାତ ମାମଲା ବୃଦ୍ଧି ପାଇବାରେ ଲାଗିଛି। ଉତ୍ତର ପ୍ରଦେଶର ଅମରୋହାରୁ ମଧ୍ୟ ଏକ ଏମିତି ହିଁ ମାମଲା ସାମନାକୁ ଆସିଛି। ଏଠାରେ ଏକ ସ୍କୁଲରେ ୟୁକେଜିର ଜଣେ ଛାତ୍ରୀଙ୍କର କ୍ଲାସ୍‌ରେ ହଠାତ୍‌ ସ୍ୱାସ୍ଥ୍ୟ ବିଗିଡ଼ି ଯାଇଥିଲା। ତାଙ୍କୁ ତୁରନ୍ତ ଗଜରୌଲାର ଏକ ଘରୋଇ ଚିକିତ୍ସା କେନ୍ଦ୍ରକୁ ନିଆ ଯାଇଥିଲା। ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ତାଙ୍କର ମୃତ୍ୟୁର କାରଣ ହୃଦଘାତ କୁହାଯାଇଛି। 

ଅନ୍ୟପଟେ କୁନି ଛାତ୍ରୀଙ୍କ ପରିବାରରେ ଦୁଃଖର ଛାୟା ଖେଳି ଯାଇଛି। ବିନା କୌଣସି ଆଇନଗତ କାର୍ଯ୍ୟାନୁଷ୍ଠାନରେ ମୃତଦେହକୁ ସମାଧି ଦିଆଯାଇଛି।

ଥାନା ରହରା କ୍ଷେତ୍ରର ଗାଁ ଶକରଗଡି ନିବାସୀ ତନବୀର ଅହମ୍ମଦଙ୍କ ୫ ବର୍ଷିୟା ଝିଅ ଇଫତ୍‌। ସେ ଏକ ପବ୍ଲିକ୍‌ ସ୍କୁଲରେ ୟୁକେଜିର ଛାତ୍ରୀ ଥିଲେ। ପ୍ରତିଦିନ ପରି ସେ ଶନିବାର ମଧ୍ୟ ସ୍କୁଲ୍‌ ଯାଇଥିଲେ। କ୍ଲାସ୍‌ ଚାଲୁ ଥିବା ବେଳେ ଇଫତ୍‌ଙ୍କ ସ୍ୱାସ୍ଥ୍ୟ ବିଗିଡ଼ି ଯାଇଥିଲା। ଖବର ପାଇବା କ୍ଷଣି ପରିବାର ଲୋକେ ଘଟଣା ସ୍ଥଳରେ ପହଞ୍ଚି ଥିଲେ। ଇଫତଙ୍କୁ ପ୍ରଥମେ ବୁରାଭଲି ଓ ଏହାପରେ ଗଜରୌଲୀର ଘରୋଇ ହସ୍ପିଟାଲକୁ ନିଆ ଯାଇଥିଲା। ଡାକ୍ତର ସେଠାରେ ତାଙ୍କୁ ଯାଞ୍ଚ କରି ମୃତ ଘୋଷଣା କରିଥିଲେ । ମୃତ୍ୟୁର କାରଣ ହୃଦଘାତ ଥିବା କୁହାଯାଇଛି।