ନୂଆଦିଲ୍ଲୀ,୩୧/୮ : କ୍ରିକେଟ ଏକ ଅନିଶ୍ଚିତତା ଖେଳ । ରୋମାଞ୍ଚ ଏବଂ ଅଜବ-ଗଜବ ନିୟମର ଏକ ଖେଳ । କ୍ରିକେଟରେ କେବେ ବି ଏବଂ କୌଣସି ସମୟରେ କିଛି ବି ହୋଇପାରେ । ଯାହା ହୋସ ଉଡ଼ାଇଦେବ । କ୍ରିକେଟ ଇତିହାସରେ ୫ଧୁରଂଧର ଖେଳାଳୀ ଏଭଳି ରହିଛନ୍ତି ଯେଉଁମାନେ କେବେ ବି ଟେଷ୍ଟ ଫର୍ମାଟରେ ରନ୍ ଆଉଟ୍ ହୋଇନାହାନ୍ତି । ଏହି ଲିଷ୍ଟରେ ଜଣେ ଭେଟରାନ୍ ଭାରତୀୟ କ୍ରିକେଟ ଖେଳାଳୀ ବି ସାମିଲ ଅଛନ୍ତି । ଆସନ୍ତୁ ଜାଣିବା ଏଭଳି ୫କ୍ରିକେଟରଙ୍କ ଉପରେ ।
ପିଟର ମେ
ଇଂଲଣ୍ଡର ପୂର୍ବତନ ଅଧିନାୟକ ଏବଂ ଧୁଆଁଧାର ବ୍ୟାଟର ପିଟର ମେ ନିଜ ପୂରା କ୍ୟାରିୟରରେ କେବେ ବି ରନ୍ ଆଉଟ ହୋଇନାହାନ୍ତି । ସେ ବହୁତ କ୍ଲାସିକ ବ୍ୟାଟର ଏବଂ ଭଲ ଅଧିନାୟକ ଥିଲେ । ପିଟର ମେ ଇଂଲଣ୍ଡ ଲାଗି ୧୯୫୧ରେ ସାଉଥ ଆଫ୍ରିକା ବିପକ୍ଷରେ ନିଜ ଟେଷ୍ଟ ଡେବ୍ୟୁ କରିଥିଲେ । ପିଟର ମେ ଇଂଲଣ୍ଡ ଲାଗି ୬୬ଟେଷ୍ଟ ମ୍ୟାଚରେ ୪୫୩୭ରନ୍ କରିଥିଲେ । ଯେଉଁଥିରେ ୧୩ଶତକ ସାମିଲ ଅଛି ।
ଗ୍ରାହମ ହିକ
ଜିମ୍ବାଓ୍ବେରେ ଜନ୍ମିତ ଗ୍ରାହମ ହିକ ଇଂଲଣ୍ଡ ତରଫରୁ କ୍ରିକେଟ ଖେଳିଛନ୍ତି । ସେ ଇଂଲଣ୍ଡ ଲାଗି ୬୫ଟେଷ୍ଟ ଏବଂ ୧୨୦ଦିନିକିଆ ମ୍ୟାଚ୍ ଖେଳିଥିଲେ ଏବଂ ଉଭୟ ଫର୍ମାଟରେ ୩୦୦୦ରୁ ଅଧିକ ରନ୍ କରିଥିଲେ । ତାଙ୍କ ବ୍ୟାଟିଂକୁ ଦେଖି ଫ୍ୟାନ୍ସ ଅଧିକ ଖୁସି ହେଉଥିଲେ । ଗ୍ରାହମ ତାଙ୍କ କ୍ୟାରିୟରରେ କେବେ ବି ରନ୍ ଆଉଟ୍ ହୋଇନାହାନ୍ତି ।
ମୁଦସ୍ସର ଜର
ପାକିସ୍ତାନ ପୁରା ବିଶ୍ବକୁ ବହୁ ବଡ଼ ବଡ଼ ଖେଳାଳୀ ବୋଲର ଦେଇଛି କିନ୍ତୁ ପାକିସ୍ତାନର ଜଣେ ଏଭଳି ବ୍ୟାଟର ଅଛନ୍ତି ଯିଏ ନିଜ ପୂରା କ୍ୟାରିୟରରେ କେବେ ବି ରନ ଆଉଟ ହୋଇନାହାନ୍ତି । ତାଙ୍କ ନାଁ ମୁଦସ୍ସର ନଜର । ସେ ପାକିସ୍ତାନ ଲାଗି ୭୬ଟେଷ୍ଟ ମ୍ୟାଚରେ ୪୧୧୪ରନ୍ କରିଥିଲେ । ଯେଉଁଥିରେ ୧୦ ଶତକ ସାମିଲ ଥିଲା, ସେହିଭଳି ୧୨୨ଦିନିକିଆ ଖେଳିଥିବା ନଜର ୨୬୫୩ରନ୍ କରିଥିଲେ ।
କପିଲ ଦେବ
କପିଲ ଦେବ ଭାରତୀୟ ଫ୍ୟାନ୍ସଙ୍କ ହୃଦୟରେ ସବୁବେଳେ ରହିଛନ୍ତି । କପିଲ ଦେବଙ୍କ ଅଧିନାୟକତ୍ବରେ ଟିମ୍ ଇଣ୍ଡିଆ ୧୯୮୩ରେ ଓ୍ବେଷ୍ଟଇଣ୍ଡିଜ୍ ଟିମକୁ ହରାଇ ପ୍ରଥମ ଦିନିକିଆ ବିଶ୍ବକପରେ କବଜା ଜମାଇଥିଲେ । କପିଲ ଜିମ୍ବାଓ୍ବେ ବିପକ୍ଷରେ ୧୭୫ରନର ପାଳି ଖେଳିଥିଲେ। ସେ ନିଜ କ୍ୟାରିୟରରେ କେବେ ରନ୍ ଆଉଟ ହୋଇନଥିଲେ ।
ପାଉଲ କଲିଂଉଡ଼
ଇଂଲଣ୍ଡ ତରଫରୁ ୩ଫର୍ମାଟରେ ଖେଳିଥିବା ପାଉଲ କଲିଂଉଡ଼ ବହୁତ ଭଲ ବ୍ୟାଟର ଥିଲେ । ସେ ଇଂଲଣ୍ଡ ଟିମ୍ ତରଫରୁ ୬୮ଟେଷ୍ଟ ମ୍ୟାଚରେ ୪ହଜାରରୁ ଅଧିକ ରନ୍ କରିଥିଲେ । ସେ ନିଜ ଆକ୍ରମକ ପାଳି ଲାଗି ମନେ ପଡ଼ିଥାନ୍ତି । ନିଜ ପୂରା ଟେଷ୍ଟ କ୍ୟାରିୟର ସମୟରେ ସେ କେବେ ବି ରନ୍ ଆଉଟ ହୋଇନଥିଲେ ।
