ନୂଆଦିଲ୍ଲୀ,୨୫/୦୮: ୨୩ ଲକ୍ଷ କେନ୍ଦ୍ରୀୟ କର୍ମଚାରୀଙ୍କୁ ବଡ଼ ସୁବିଧା ପ୍ରଦାନ କରି ମୋଦୀ ସରକାର ଏକ ନୂତନ ପେନ୍‌ସନ୍‌ ଯୋଜନା ଆରମ୍ଭ କରିଛନ୍ତି। ୟୁନିଫାଏଡ୍ ପେନ୍ସନ୍ ସ୍କିମ୍ (UPS) ୧ ଏପ୍ରିଲ୍ ୨୦୨୫ ରୁ କାର୍ଯ୍ୟକାରୀ ହେବ। ଜାତୀୟ ପେନ୍ସନ୍ ସ୍କିମ୍ ଗ୍ରାହକମାନେ ବର୍ତ୍ତମାନ UPS କୁ ପରିବର୍ତ୍ତନ ହେବାର ବିକଳ୍ପ ପାଇବେ। ଏଥିରେ ସରକାରୀ କର୍ମଚାରୀମାନେ ଅବସର ପରେ ପେନ୍‌ସନ୍‌ ପାଇବେ। କହିରଖୁଛୁ ଯେ, ଏନ୍‌ପିଏସ୍‌ରେ ପରିବର୍ତ୍ତନ ଆଣିବାକୁ ସରକାରଙ୍କ ଯୋଜନା ଅନେକ ଅଣ-ବିଜେପି ରାଜ୍ୟର ଡିଏ ସହ ଜଡ଼ିତ ପୁରୁଣା ପେନ୍ସନ୍ ସ୍କିମ୍ (ଓପିଏସ୍) କୁ ପୁନଃ ଲାଗୁ କରିବାର ନିଷ୍ପତ୍ତି ଏବଂ ଅନ୍ୟ କେତେକ ରାଜ୍ୟରେ କର୍ମଚାରୀ ସଂଗଠନ ଦ୍ବାରା ଦାବି ଉଠିବା ପରେ ଆସିଛି।

ଏକିକୃତ ପେନ୍‌ସନ୍‌ ଯୋଜନା (ୟୁନିଫାଏଡ୍‌ ପେନ୍‌ସନ୍‌ ସ୍କିମ୍‌):

ଫିକ୍ସଡ୍‌ ପେନ୍‌ସନ୍‌: 

ଅବସର ପୂର୍ବରୁ ଗତ ୧୨ ମାସ ମଧ୍ୟରେ ହାରାହାରି ମୌଳିକ ବେତନର ୫୦%

ଅତି କମରେ ୨୫ ବର୍ଷ ଧରି ନିୟୋଜିତ ଥିବା କର୍ମଚାରୀମାନେ ହିଁ ଏହି ସୁବିଧା ପାଇବେ

ପାରିବାରିକ ପେନ୍ସନ୍ ନିଶ୍ଚିତ

କର୍ମଚାରୀ ମୃତ୍ୟୁର ଠିକ୍‌ ପୂର୍ବରୁ ପାଉଥିବା ପେନ୍‌ସନ୍‌ର ୬୦% ପାଇବେ ପରିବାର ଲୋକ

ସର୍ବନିମ୍ନ ପେନ୍ସନ୍ ନିଶ୍ଚିତ

ସର୍ବନିମ୍ନ ୧୦ ବର୍ଷ ସେବା କରିଥିବା କର୍ମଚାରୀ ଅବସର ସମୟରେ ମାସକୁ ୧୦ ହଜାର ଟଙ୍କା ପେନ୍‌ସନ୍ ପାଇବେ

ମୁଦ୍ରାସ୍ଫୀତି ସୂଚକାଙ୍କ ଲାଭ ପାଇବେ

ମୁଦ୍ରାସ୍ଫୀତି ଅନୁଯାୟୀ ଏହି ତିନୋଟି ପେନ୍ସନ୍ ଉପରେ ଡିଆର ଟଙ୍କା ଦିଆଯିବ। ଏହା ଇଣ୍ଡଷ୍ଟ୍ରିଆଲ୍ ଶ୍ରମିକମାନଙ୍କ ପାଇଁ ଅଲ ଇଣ୍ଡିଆ ଗ୍ରାହକ ମୂଲ୍ୟ ସୂଚକାଙ୍କ ଉପରେ ଆଧାରିତ ହେବ

ଗ୍ରାଚ୍ୟୁଟି: 

କର୍ମଚାରୀ ତାଙ୍କ ଚାକିରିର ଶେଷ ୬ ମାସର ବେତନ ଏବଂ ଭତ୍ତା ଏକ ଆନୁମାନିକ ପରିମାଣ ପାଇବେ। ଏହା କର୍ମଚାରୀଙ୍କ ଶେଷ ମୌଳିକ ବେତନ ବା ବେସିକ୍‌ ସାଲାରୀର ୧/୧୦ ହେବ।

ରାଷ୍ଟ୍ରୀୟ ପେନ୍‌ସନ୍‌ ସ୍କିମ୍‌ ବା ରାଷ୍ଟ୍ରୀୟ ପେନ୍‌ସନ୍‌ ଯୋଜନା: 

ସରକାରୀ ଅବଦାନ ବା କଣ୍ଟ୍ରିବ୍ୟୁସନ୍‌

କର୍ମଚାରୀ ଏବଂ ସରକାରଙ୍କ ଅବଦାନ ଉପରେ ଆଧାର କରି ଏନ୍‌ପିଏସ୍ ପେନ୍‌ସନ୍ ପ୍ରତିଶୃତି ଦେଇଛି

ଏଥିପାଇଁ କେନ୍ଦ୍ର ସରକାରୀ କର୍ମଚାରୀଙ୍କ ବେସିକ୍‌ ସାଲାରୀର ୧୦ ପ୍ରତିଶତ ଏବଂ ସରକାରଙ୍କ ଠାରୁ ୧୪ ପ୍ରତିଶତ ଅବଦାନ ଆବଶ୍ୟକ ଥିଲା।

ୟୁପିଏସରେ କର୍ମଚାରୀଙ୍କ ଅବଦାନ କେବଳ ୧୦ ପ୍ରତିଶତ ରହିବ, ସରକାରୀ ଅବଦାନ ୧୮.୫ ପ୍ରତିଶତକୁ ବୃଦ୍ଧି ପାଇବ

ପେନ୍‌ସନ୍‌ ରାଶି: 

ଏନ୍‌ପିଏସ୍‌ରେ ପେନ୍‌ସନ୍ ରାଶି ସ୍ଥିର ହୋଇନାହିଁ କାରଣ ଏହା ଏକ ବଜାର ସହିତ ଜଡ଼ିତ ସ୍କିମ୍ । ଏହି ପରିପ୍ରେକ୍ଷିରେ, ୟୁପିଏସ୍ ଏକ ସୁନିଶ୍ଚିତ ପେନ୍‌ସନ୍ ପ୍ରଦାନ କରେ, ଯାହା ୧ ଜାନୁଆରୀ ୨୦୦୪ ପରେ ସେବାରେ ଯୋଗ ଦେଇଥିବା ଲୋକଙ୍କ ପାଇଁ ବେତନର ୫୦% ଅଟେ।

ପାରିବାରିକ ପେନ୍‌ସନ୍‌: 

NPS ଅଧୀନରେ ପାରିବାରିକ ପେନ୍‌ସନ୍‌, ପେନ୍‌ସନ୍ ପାଣ୍ଠିରେ ଜମା ହୋଇଥିବା ପରିମାଣ ଏବଂ ଅବସର ସମୟରେ ମନୋନୀତ ବାର୍ଷିକ ଯୋଜନା ଉପରେ ନିର୍ଭର କରେ

ସରକାରୀ ଓ ବେସରକାରୀ କର୍ମଚାରୀଙ୍କ ପାଇଁ: 

୧ ଜାନୁଆରୀ ୨୦୦୪ ରେ କିମ୍ବା ପରେ କେନ୍ଦ୍ର ସରକାରରେ ଯୋଗଦେଉଥିବା ସଶସ୍ତ୍ର ବାହିନୀର କର୍ମଚାରୀଙ୍କ ବ୍ୟତୀତ ସମସ୍ତ ସରକାରୀ କର୍ମଚାରୀଙ୍କ ପାଇଁ NPS ଲାଗୁ କରାଯାଇଛି। ଏହା ଘରୋଇ କ୍ଷେତ୍ରର କର୍ମଚାରୀଙ୍କ ପାଇଁ ମଧ୍ୟ ପ୍ରଯୁଜ୍ୟ।

ପୁରୁଣା ପେନ୍‌ସନ୍‌ ଯୋଜନା (ଓଲ୍ଡ ପେନ୍‌ସନ୍‌ ଯୋଜନା) :

ଓପିଏସ୍ ଅଧୀନରେ ଅବସରପ୍ରାପ୍ତ ସରକାରୀ କର୍ମଚାରୀମାନେ ମାସିକ ପେନ୍ସନ୍ ଭାବରେ ସେମାନଙ୍କର ଶେଷ ବେତନର ୫୦ ପ୍ରତିଶତ ପାଉଥିଲେ।

ଡିଏ ହାରରେ ବୃଦ୍ଧି ସହିତ ଏହି ପରିମାଣ ବୃଦ୍ଧି ପାଉଛି।

କର୍ମଚାରୀମାନେ ଅବସର ସମୟରେ ସର୍ବାଧିକ ୨୦ ଲକ୍ଷ ଟଙ୍କା ଗ୍ରାଚ୍ୟୁଟି ଅଧିକାର ପାଇଥିଲେ।

ଯଦି ଜଣେ ଅବସରପ୍ରାପ୍ତ କର୍ମଚାରୀଙ୍କର ଦାହାନ୍ତ ହୋଇଯାଏ, ତେବେ ତାଙ୍କ ପରିବାର କ୍ରମାଗତ ପେନ୍‌ସନ୍ ସୁବିଧା ପାଉଥିଲେ।

ଅଧିକନ୍ତୁ, NPS ପରି, OPS ଅଧୀନରେ ପେନ୍ସନ୍ ଗ୍ରାଚ୍ୟୁଟି ପାଇଁ କର୍ମଚାରୀଙ୍କ ବେତନରୁ କୌଣସି ରିହାତି ଦିଆଯାଇନଥାଏ 

ହିମାଚଳ ପ୍ରଦେଶ, ରାଜସ୍ଥାନ, ଛତିଶଗଡ଼ ଏବଂ ପଞ୍ଜାବ ଭଳି ରାଜ୍ୟଗୁଡ଼ିକ ପୁରୁଣା ପେନସନ୍ ଯୋଜନା (ଓପିଏସ୍) କୁ ଫେରିଛନ୍ତି