ନୂଆଦିଲ୍ଲୀ: ଗତ ସାତ ମାସ ଧରି ହାମାସ ଏବଂ ଇସ୍ରାଏଲ ମଧ୍ୟରେ ଯୁଦ୍ଧ ଜାରି ରହିଛି । ଏହି ସଂଘର୍ଷରେ ଏପର୍ଯ୍ୟନ୍ତ ୩୦ ହଜାରରୁ ଅଧିକ ଲୋକଙ୍କର ମୃତ୍ୟୁ ହୋଇଛି । ଏହି ଯୁଦ୍ଧରେ ଆମେରିକା କ୍ରମାଗତ ଭାବରେ ଇସ୍ରାଏଲକୁ ସମର୍ଥନ କରୁଛି । ଏବେ ପୁଣି ଥରେ ଆମେରିକାର ରାଷ୍ଟ୍ରପତି ଜୋ ବାଇଡେନ ଇସ୍ରାଏଲକୁ ନିଜର ସମର୍ଥନ ଜଣାଇଛନ୍ତି । ଜିହୁଦୀ ଆମେରିକୀୟ ହେରିଟେଜ୍ ମାସ୍ ପାଇଁ ସେ ହ୍ବାଇଟ୍ ହାଉସରେ ଏକ ସମାରୋହ ଆୟୋଜନ କରିଥିଲେ । ଏଥି ସହ ସେ ସେ କହିଛନ୍ତି ଯେ ଗାଜାରେ ଯାହା ଘଟୁଛି ତାହା ନରସଂହାର ନୁହେଁ । 

ସୂଚନାଥାଉକି, ଜିହୁଦୀ ଆମେରିକୀୟ ହେରିଟେଜ୍ ମାସ (JAHM) ହେଉଛି ମେ ମାସରେ ଆମେରିକାରେ ଆମେରିକୀୟ ଯିହୁଦୀମାନଙ୍କ ସଫଳତା ଏବଂ ଯୋଗଦାନର ଏକ ବାର୍ଷିକ ମାନ୍ୟତା ଏବଂ ଉତ୍ସବ। 

ରୋଜ ଗାର୍ଡନରେ ଅନୁଷ୍ଠିତ ସମାରୋହରେ ଅତିଥି ମାନେ ଏକତ୍ରିତ ହୋଇଥିଲେ । ଏହି ସମୟରେ, ବାଇଡେନ ଗାଜାରେ ଇସ୍ରାଏଲ ଘଟାଇଥିବା ହତ୍ୟାକାଣ୍ଡ ଦାବିକୁ ପ୍ରତ୍ୟାଖ୍ୟାନ କରିଥିଲେ । ଏଥ ସହ ଅନ୍ତରାଷ୍ଟ୍ରୀୟ ଅପରାଧିକ ଅଦାଲତ ପକ୍ଷରୁ ଇସ୍ରାଏଲ ନେତାଙ୍କ ବିରୋଧରେ ଯୁଦ୍ଧ ଅପରାଧ ପାଇଁ ୱାରେଣ୍ଟ ଜାରି କରିବା ଅନୁରୋଧକୁ ସେ ସମାଲୋଚନା କରିଛନ୍ତି । ଏହା ବ୍ୟତୀତ ହାମାସ ବିରୁଦ୍ଧରେ ଯୁଦ୍ଧରେ ଇସ୍ରାଏଲକୁ ସମର୍ଥନ କରିବାକୁ ପ୍ରତିଶୃତି ଦେଇଛନ୍ତି ।