ଫିରିଙ୍ଗିଆ, ୨୪/୩ : ଫିରିଙ୍ଗିଆ ବ୍ଲକ କାଶିନୀପଦର ପଞ୍ଚାୟତର ଶାସିପଦର ଗାଁ କାଶିନୀ ପଦର ପଞ୍ଚାୟତ ର ୧ ନମ୍ବର ୱାର୍ଡର  ସିମୁଳି ସାହିରେ ଲୋକେ ଡହଳ ବିକଳ ହେଉଥିବା ଦେଖିବାକୁ ମିଳିଛି  l ଆଜି ପର୍ଯ୍ୟନ୍ତ ଏମାନଙ୍କ ପାଇଁ ଗୋପୀଙ୍ଗିଆ ଡ୍ୟାମ ତଳେ ଥିବା ବିଲ ନିକଟ ଚୁଆ ପାଣି ଭରସା l ଖରା ହେଉ କି ବର୍ଷା ବର୍ଷ ତମାମ ଏମାନେ ଚୁଆ ପାଣି ଉପରେ ଭରସା କରିଥାନ୍ତି l ଦୀର୍ଘ ବର୍ଷ ହେବ ସିମୁଳି ସାହି ଗାଁର ଲୋକେ ପାଣି ନ ଥିବା ଘଟଣାକୁ ନେଇ ପଞ୍ଚାୟତଠାରୁ ଜିଲ୍ଲାପାଳଙ୍କ ଜନଶୁଣାଣି, ଫିରିଙ୍ଗିଆ ବିଡିଓ ଜଳ ଯୋଗାଣ ଅଧିକାରୀଙ୍କୁ ଲିଖିତ ଭାବରେ ଜଣାଇଥିବା ବେଳେ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଯାଇ ଲିଖିତ ଭାବେ ପାଣି ସମସ୍ୟା ନେଇ ଜଣାଇଥିଲେ l 

କିନ୍ତୁ ଆଜି ପର୍ଯ୍ୟନ୍ତ କୌଣସି ପାଣି ସମସ୍ୟାର ସମାଧାନ କରାଯାଇନଥିବାବେଳେ କାଗଜ କଲମରେ ସବୁ ସମସ୍ୟା ସମାଧାନ ହୋଇଥିବା କିଛି ସରକାରୀ କାଗଜପତ୍ର ରିପୋର୍ଟରୁ ଜଣା ପଡିଛି l ଗାଁରେ ଗୋଟିଏ ନଳକୂପ ଅଛି କିନ୍ତୁ ୨ ବାଲଟିରୁ ଅଧିକ ପାଣି ବାହାରୁ ନ ଥିବାବେଳେ ଗୋଳି ପାଣି ସହ ଭିତରୁ ଚେକା ଚେକା ହୋଇ ମଇଳା ବାହାରିବା ଦ୍ୱାରା ତାହା ପିଇବା ଏବଂ ରୋଷେଇ କରିବା ଉପଯୋଗୀ ହୋଇ ପାରୁନାହିଁ l କୂଅ କି ଅନ୍ୟାନ୍ୟ ବ୍ୟବସ୍ଥା ନଥିବା ବେଳେ କାଗଜ କଲମରେ ୩ଟି ନଳ କୂପ ଓ ୩ଟି କୂପ ଥିବା ଦର୍ଶାଯାଇଛି l ପାଣି ସମସ୍ୟାରେ ଏହି ଗ୍ରାମବାସୀ ସମୁଖୀନ ହେଉଥିବାବେଳେ ତୁରନ୍ତ ଗାଁରେ ପାଣି ଯୋଗାଇ ଦିଆ ନଗଲେ  ଆଗାମୀ ସାଧାରଣ ନିର୍ବାଚନରେ ଭୋଟ ବର୍ଜନ କରିବୁ ବୋଲି ସିମୁଳି ସାହିର ତିରିଶ ପରିବାର ଏବଂ ୧୫୦ରୁ ଉର୍ଦ୍ଧ୍ବ ଜନସାଧାରଣଙ୍କ ସହ ଗାଁର କେଶବ ଦିଗାଲ, ବିନୋଦ ଦିଗାଲ, ରାସପତି ଦିଗାଲ, ଦୁଃଶାସନ ଦିଗାଲ, କରମସିଂ ଦିଗାଲ, ସୁନାସିର ଦିଗାଲ, ଲିଲି ଦିଗାଲ, ନମିତା ଦିଗାଲ ଅନିତା ଦିଗାଲ ଝିଲି ଦିଗାଲ ସସ୍ମିତା ଦିଗାଲ ପ୍ରିୟା ଦିଗାଲ ଓ ଅନ୍ୟ ମାନେ କହିଛନ୍ତି l ଏହି ଘଟଣାକୁ ନେଇ ବିଭାଗୀୟ ସହକାରୀ ଯନ୍ତ୍ରୀ ଜି ଦେବହରି ପ୍ରଧାନ ଙ୍କୁ ପଚାରିବାରୁ ଏହି ଗାଁରେ ପାଣି ସମସ୍ୟା ରହିଛି ୨ ଦିନ ଭିତରେ ପାଣି ବ୍ୟବସ୍ଥା କରି ଦିଆଯିବ ବୋଲି କହିଛନ୍ତି l