ନୂଆଦିଲ୍ଲୀ – ଭିନେଶ ଫୋଗାଟଙ୍କ ଅଲିମ୍ପିକ ବିବାଦକୁ ନେଇ ମହାନ କ୍ରିକେଟର ସଚିନ ତେନ୍ଦୁଲକରଙ୍କ ପ୍ରତିକ୍ରିୟା। ଏହି କୁସ୍ତି ଯୋଦ୍ଧାଙ୍କୁ ଦେଲେ ସମର୍ଥନ। ପ୍ୟାରିସ୍ ଅଲିମ୍ପିକରେ ମହିଳା ୫୦ କି.ଗ୍ରା କୁସ୍ତି ପ୍ରତିଯୋଗିତାର ଫାଇନାଲରେ ପହଞ୍ଚିବା ପରେ ଅଧିକ ଓଜନ କାରଣରୁ ଭିନେଶ ଫୋଗାଟଙ୍କୁ ଅଯୋଗ୍ୟ କରାଯାଇ ଥିଲା। ଏହାକୁ ଦୃଢ ସମାଲୋଚନା କରି ଏହି କୁସ୍ତିଯୋଦ୍ଧାଙ୍କୁ ରୌପ୍ୟ ପଦକ ପାଇବା ଯୋଗ୍ୟ କହିଲେ ତେନ୍ଦୁଲକର। କହି ରଖୁଛୁ କି, ଭିନେଶଙ୍କୁ ପ୍ୟାରିସ୍ ଅଲିମ୍ପିକରେ ୫୦ କି.ଗ୍ରା ବର୍ଗର ପ୍ରତିଯୋଗିତାରେ ସ୍ୱର୍ଣ୍ଣ ପଦକ ମୁକାବିଲା ପୂର୍ବରୁ ,ଓଜନ ମାପିବା ବେଳେ ୧୦୦ ଗ୍ରାମ୍ ଅଧିକ ଥିଲେ, ଯେଉଁଥିରେ ତାଙ୍କୁ ଅଯୋଗ୍ୟ ଘୋଷିତ କରାଯାଇଥିଲା।
#VineshPhogat #Paris2024 #Olympics @WeAreTeamIndia pic.twitter.com/LKL4mFlLQq
— Sachin Tendulkar (@sachin_rt) August 9, 2024
ଭିନେଶ ଏହି ନିଷ୍ପତ୍ତି ବିରୋଧରେ ସ୍ପୋର୍ଟ କୋର୍ଟର ଦ୍ୱାରସ୍ଥ ହୋଇଛନ୍ତି। ତେନ୍ଦୁଲକର କହିଛନ୍ତି , ଖେଳରେ ନିୟମ ଉପରେ ସମୟ ଅନ୍ତରରେ ସମୀକ୍ଷା କରାଯିବା ଉଚିତ୍।
ସଚିନ ତେନ୍ଦୁଲକର ଶୁକ୍ରବାର ଏକ୍ସରେ ପୋଷ୍ଟ କରି କହିଛନ୍ତି , ପ୍ରତି ଖେଳ ପଛରେ କିଛି ନିୟମ ଥାଏ ଏବଂ ଏହି ନିୟମ ଗୁଡ଼ିକୁ ଭଲଭାବେ ଦେଖିବାର ଅଛି, ବୋଧହୁଏ କେବେ କେବେ ଏହା ଉପରେ ଆଉ ଥରେ ଧ୍ୟାନ ଦେବା ଉଚିତ୍ । ସେ ଲେଖିଛନ୍ତି , ଭିନେଶ ଫୋଗାଟ୍ ନିରପେକ୍ଷତା ଭାବେ ଫାଇନାଲ ପାଇଁ କ୍ୱିଲିଫାଇ କରିଥିଲେ। ଓଜନ ଆଧାରରେ ତାଙ୍କର ଅଯୋଗ୍ୟତା ଫାଇନାଲ ପୂର୍ବରୁ ହୋଇଥିଲା ଏବଂ ଏଥିରେ ତାଙ୍କର ରୌପ୍ୟ ପଦକ ଛଡ଼େଇ ନେବା ତର୍କ ଓ ଖେଳକୁ ବୁଝିବା ବାହାରେ ।
ମାଷ୍ଟର ବ୍ଲାଷ୍ଟର କହିଛନ୍ତି , ଯଦି ଖେଳାଳି ଅନୈତିକ ଜିନିଷର ବ୍ୟବହାର କରିବେ , ତାଙ୍କୁ ଅଯୋଗ୍ୟ ଘୋଷିତ କରିବା ଯଥାର୍ଥ । କିନ୍ତୁ ଭିନେଶଙ୍କ ମାମଲାରେ ଏମିତି କିଛି ହୋଇନାହିଁ। ସେ କହିଛନ୍ତି , ଏହା ବୁଝା ପଡ଼ି ଥାନ୍ତା , ଯଦି କୌଣସି ଆଥଲେଟ୍ଙ୍କୁ ପ୍ରଦର୍ଶନ ବଢାଇବାକୁ ଔଷଧର ବ୍ୟବହାର ଭଳି ନୈତିକ ଉଲ୍ଲଂଘନ ପାଇଁ ଅଯୋଗ୍ୟ ଘୋଷିତ କରି ଦିଆ ଯାଏ । ଏହି ସ୍ଥିତିରେ , କୌଣସି ବି ପଦକରେ ସମ୍ମାନିତ କରା ନଥିବା ଓ ଅନ୍ତିମ ସ୍ଥାନରେ ରଖାଯିବା ଉଚିତ ହେବ।
