ନୂଆଦିଲ୍ଲୀ,୯।୬:  ଦିଲ୍ଲୀରେ ଜଳ ସଙ୍କଟ ସମ୍ପର୍କରେ ଜଳ ମନ୍ତ୍ରୀ ଆତିଶି ହରିୟାଣାର ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି। ଦିଲ୍ଲୀକୁ ଅତିରିକ୍ତ ପାଣି ଛାଡ କରିବାକୁ ସେ ସିଏମଙ୍କୁ ଦାବି କରିଛନ୍ତି। ଆପ୍ ମନ୍ତ୍ରୀ କହିଛନ୍ତି, ଦିଲ୍ଲୀର ସାତୋଟି ଜଳ ବିଶୋଧନାଗାର ମୁନାକର ପାଣି ଉପରେ ନିର୍ଭର କରେ। ଯଦି ଆଜି ପାଣିର ପରିମାଣ ବୃଦ୍ଧି ନହୁଏ ତେବେ ଆଗାମୀ ଦିନରେ ଦିଲ୍ଲୀରେ ଜଳ ସଙ୍କଟ ଆହୁରି ଗଭୀର ହେବ।

ଏହାପୂର୍ବରୁ ଶନିବାର ଜଳ ମନ୍ତ୍ରୀ ଆତିଶି ମୁନକ କେନାଲର ଦୁଇଟି ଉପ-କେନାଲ ପରିଦର୍ଶନ କରିବା ପାଇଁ ବାୱାନାରେ ପହଞ୍ଚିଥିଲେ।ଏଠାରେ ଯାଞ୍ଚ ସମୟରେ ‌ ସେ ଜାଣିବାକୁ ପାଇଥିଲେ ଯେ, ଗତ ସାତ ଦିନ ଧରି ହରିୟାଣା କ୍ରମାଗତ ଭାବରେ କମ୍ ପରିମାଣର ଜଳ ପଠାଉଛି। ଦିଲ୍ଲୀର ମୁନାକ କେନାଲରୁ ୧୦୫୦ କ୍ୟୁସେକ୍ ଜଳ ମିଳିଥାଏ, କିନ୍ତୁ ବର୍ତ୍ତମାନ ଏହା ୮୪୦ କ୍ୟୁସେକକୁ ହ୍ରାସ ପାଇଛି।

ନିରୀକ୍ଷଣ ପରେ ପ୍ରେସ କନଫ୍ରେନ୍ସ କରି ଆତିଶି କହିଛନ୍ତି, ମୁନକ ନାଳରୁ କେବଳ ୮୪୦ କ୍ୟୁସେକ୍ ପାଣି ମିଳୁଛି, ସେଭଳି ୧୦୫୦ କ୍ୟୁସେକ୍ ପାଣି ମିଳିବା ଦରକାର। ମୁନକ ନାଳରୁ ଯଦି ଦିଲ୍ଲୀକୁ ସେ ହିସାବରେ ପାଣି କମ୍ ମିଳିବ ତେବେ ଏହାର ପ୍ରଭାବ ଦିଲ୍ଲୀର ୭ଟି ଓ୍ବାଟର ଟ୍ରିଟମେଣ୍ଟ ଫ୍ଲାଣ୍ଟ ଉପରେ ପଡିବ। ଏଭଳି ହେବେ ସହରକୁ ଆଗାମୀ କିଛି ଦିନରେ ପାଣିର ସମସ୍ୟା ଆହୁରି ଗମ୍ଭୀର ହୋଇଯିବ। ଭୀଷଣ ଜରମରେ ଦିଲ୍ଲୀର ଲୋକଙ୍କୁ ହଇରାଣରେ ପକାଇବା ପାଇଁ ହରିୟାଣା ସରକାର ରାଜନୀତି ବନ୍ଦ କରନ୍ତୁ ଓ ଦିଲ୍ଲୀକୁ ତା’ ଭାଗର ପାଣି ଦିଅନ୍ତୁ। ଦିଲ୍ଲୀର ଘରୋଇ ଉପଯୋଗୀ ପାଣି ପାଇଁ ସମ୍ପୂର୍ଣ୍ଣ ଭବରେ ଯମୁନା ନଦୀ ଉପରେ ନିର୍ଭର କରୁଛି। ଦିଲ୍ଲୀର ୭ଟି ଓ୍ବାଟର ଟ୍ରିଟମେଣ୍ଟ ପ୍ଲାଣ୍ଟରୁ ଦିଲ୍ଲୀର ଘର ଗୁଡିକରେ ପାଣି ପହଁଞ୍ଚାଯାଏ।