ଭୁବନେଶ୍ୱର,୦୬/୧୧: ଦକ୍ଷିଣ ଓଡ଼ିଶାରେ ବର୍ଷା ହେବ । ୭ ତାରିଖ ଯାଏ ବିଭିନ୍ନ ସ୍ଥାନରେ ବର୍ଷିବ । ଅନେକ ସ୍ଥାନରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ସହ ବିଜୁଳି ଓ ଘଡ଼ଘଡ଼ି ବି ହୋଇପାରେ । ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ଏହି ପୂର୍ବାନୁମାନ କରିଛି । 

ପାଣିପାଗ ବିଭାଗର ପୂର୍ବାନୁମାନ ଅନୁସାରେ, ପଶ୍ଚିମା ଝଡ଼ ପ୍ରଭାବରେ ରାଜ୍ୟରେ ବର୍ଷା ହେଉଛି । ମାଲକାନଗିରିର କୋରୁକୁଣାରେ ଆଜି ୬୦ମିମି  ବର୍ଷା ହୋଇଛି । କୋରାପୁଟରେ ୫୩, ରେଢ଼ାଖୋଲରେ ୩୯, କନ୍ଧମାଳ  କୋଟଗଡ଼ରେ ୩୮, ଯାଜପୁରରେ ୩୫.୫, ନୟାଗଡ଼ ଭାପୁରରେ ୩୪ମିମି ବର୍ଷା  ହୋଇଛି । ରବିବାର ଟିଟିଲାଗଡ଼ରେ ସର୍ବାଧିକ ୩୫.୫ ମିମି ବର୍ଷା ରେକର୍ଡ ହୋଇଛି । 

୬ ତାରିଖରେ ଦକ୍ଷିଣ ଉପକୂଳ ଓଡ଼ିଶା, କୋରାପୁଟ, ମାଲକାନଗିରି, ରାୟଗଡ଼ା ଜିଲ୍ଲାର ବିଭିନ୍ନ ସ୍ଥାନରେ ବର୍ଷା ସମ୍ଭାବନା ଅଛି । ୭ରେ ଗଜପତି,  ରାୟଗଡ଼ା, କୋରାପୁଟ ଓ ମାଲକାନଗିରି ଜିଲ୍ଲାର ବିଭିନ୍ନ ସ୍ଥାନରେ ସ୍ୱଳ୍ପରୁ ମଧ୍ୟମ  ଧରଣର ବର୍ଷା ହୋଇପାରେ । ଆଗାମୀ ୨ ଦିନ ଯାଏ ରାତି ତାପମାତ୍ରାରେ  ବିଶେଷ ପରିବର୍ତ୍ତନର ସମ୍ଭାବନା ନାହିଁ । ଏହାପରେ ରାତି ତାପମାତ୍ରା ତଳକୁ  ଖସିବ ବୋଲି ଆକଳନ କରାଯାଇଛି ।