ୱାଶିଂଟନ : ୩ ଦିନିଆ ଆମେରିକା ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସେ ଏହି ସମୟରେ କ୍ୱାଡ୍ ସମ୍ମିଳନୀର ବୈଠକର ଯୋଗ ଦେବେ। ଏହାସହ, ଆମେରିକୀୟ ରାଷ୍ଟ୍ରପତି ଜୋ ବାଇଡେନଙ୍କୁ ସହ ମଧ୍ୟ ସାକ୍ଷାତ୍ କରିବେ। ୨୦୧୪ରେ ପ୍ରଧାନମନ୍ତ୍ରୀ ହେବା ପର ଠାରୁ ନରେନ୍ଦ୍ର ମୋଦି ଅନେକ ଥର ଆମେରିକା ଗସ୍ତରେ ଯାଇ ସାରିଛନ୍ତି।
ମୋଦି ୨୦୧୪ ମସିହାରେ ଆମେରିକାକୁ ଯେବେ ଯାତ୍ରା କରିଥିଲେ, ସେତେବେଳେ ସେଠାରେ ରାଷ୍ଟ୍ରପତି ବାରାକ୍ ଓବାମା ଥିଲେ। ଏହି ଯାତ୍ରା ସହ ଜଡ଼ିତ ଏକ କଥା ଏବେ ସାମନାକୁ ଆସିଛି।
ଉଲ୍ଲେଖନୀୟ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତତ୍କାଳୀନ ଆମେରିକାର ରାଷ୍ଟ୍ରପତି ବାରାକ୍ ଓବାମାଙ୍କୁ କହିଥିଲେ ଯେ , ତାଙ୍କର ଲିମୋଜିନ କାରର ଆକାରର ପାଖାପାଖି ସେହି ଘର , ଯେଉଁଥିରେ ତାଙ୍କ (ମୋଦି) ମାଆ ରୁହନ୍ତି। ସଂଯୁକ୍ତ ରାଷ୍ଟ୍ରରେ ଭାରତର ଦୂତ ବିନୟ କ୍ୱାତ୍ରା ଏହି ସୂଚନା ଦେଇଛନ୍ତି।
କ୍ୱାତ୍ରା କହିଛନ୍ତି ଯେ, ଏଥିରୁ ସାଧାରଣ ପୃଷ୍ଠଭୂମି ଥିବା ଉଭୟ ନେତାଙ୍କ ମଧ୍ୟରେ ଗଭୀର ସମ୍ୱନ୍ଧ ବିକଶିତ ହେବାରେ ସାହାଯ୍ୟ ମିଳିଥିଲା। ପୂର୍ବତନ ବିଦେଶ ସଚିବ କ୍ୱାତ୍ରା ପ୍ରଧାନମନ୍ତ୍ରୀଙ୍କ ସହ ସମ୍ୱନ୍ଧିତ ଘଟଣା ଗୁଡ଼ିକର ବିବରଣୀ ଦେଉଥିବା ସୋସିଆଲ ମିଡ଼ିଆ ହ୍ୟାଣ୍ଡଲ ମୋଦି ଷ୍ଟୋରୀ କୁ କହିଛନ୍ତି ଯେ, ଉଭୟ ନେତାଙ୍କ ମଧ୍ୟରେ ଉକ୍ତ କଥାବାର୍ତ୍ତା ସେହି ସମୟରେ ହୋଇଛି , ଯେବେ ସେ ଔପଚାରିକ ଆଲୋଚନା ପରେ ମାର୍ଟିନ ଲୁଥର କିଙ୍ଗ ଜୁନିୟର ସ୍ମାରକ ପାଇଁ ଏକାଠି ଯାଉଥିଲେ।
କ୍ୱାତ୍ରା କହିଛନ୍ତି ଯେ ,ଯେବେ ମୋଦି ୧୦-୧୨ ମିନିଟ୍ର ଯାତ୍ରା ପାଇଁ ଓବାମାଙ୍କର ଲିମୋଜିନ କାରରେ ତାଙ୍କ ସାଥିରେ ବସିଥିଲେ , ଉଭୟଙ୍କ ମଧ୍ୟରେ ପରିବାର ବିଷୟରେ କଥାବାର୍ତ୍ତା ହୋଇଥିଲା। ଏକ ବନ୍ଧୁତ୍ୱପୂର୍ଣ୍ଣ କଥାବାର୍ତ୍ତାରେ ଓବାମା ମୋଦିଙ୍କ ମାଆଙ୍କ ବିଷୟରେ ପଚାରି ଥିଲେ। ହସି ହସି ପ୍ରଧାନମନ୍ତ୍ରୀ ଏକ ସ୍ପଷ୍ଟ ଓ ଅପ୍ରତ୍ୟାଶିତ ଜବାବ ଦେଇଥିଲେ। କହିଥିଲେ - ରାଷ୍ଟ୍ରପତି ଓବାମା , ବୋଧହୁଏ ଆପଣଙ୍କୁ ଏହା ବିଶ୍ୱାସ ହୋଇ ନପାରେ , କିନ୍ତୁ ଆପଣଙ୍କ କାର୍ର ଆକାର ପାଖାପାଖି ସେହି ଘରର ଆକାର , ଯେଉଁଥିରେ ମୋ ମାଆ ରୁହନ୍ତି।
କହି ରଖୁଛୁ କି , ଏହି ଯାତ୍ରା ବେଳେ କ୍ୱାତ୍ରା ଅନୁବାଦକ ଭାବେ ସେଠାରେ ଉପସ୍ଥିତ ଥିଲେ। କ୍ୱାତ୍ରା କହିଛନ୍ତି କି ମୋଦିଙ୍କ କଥା ଆମେରିକାର ରାଷ୍ଟ୍ରପତିଙ୍କୁ ଆଶ୍ଚର୍ଯ୍ୟ କରିଦେଲା । ସେ କହିଲେ ଯେ, ଏଥିରେ ତାଙ୍କୁ ମୋଦିଙ୍କ ସାଧାରଣ ଲାଳନ ପାଳନର ଏକ ଝଲକ ମିଳିଥିଲା। ୨୦୧୪ମସିହାରେ ପ୍ରଧାନମନ୍ତ୍ରୀ ହେବା ପରେ ମୋଦିଙ୍କର ଏହା ପ୍ରଥମ ଆମେରିକା ଯାତ୍ରା ଥିଲା। ମୋଦିଙ୍କ ମାଆଙ୍କର ୨୦୨୨ରେ ପରଲୋକ ଘଟିଥିଲା। ସେ ଗୁଜରାଟରେ ନିଜର ପୁରୁଣା ଘରେ ହିଁ ରହୁଥିଲେ।
