ପ୍ରମୁଖ ଖବର
  • ମୟୂରଭଞ୍ଜ ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ରାଇରଙ୍ଗପୁର ଏବଂ ବାରିପଦାରେ ଦଳୀୟ ପ୍ରାର୍ଥୀଙ୍କ ପାଇଁ କରିବେ ପ୍ରଚାର
  • ||
  • ନିର୍ବାଚନ ପାଇଁ ଦୁଇ ଦିନ ମଦ ଦୋକାନ ଏବଂ ବାର୍‌ ବନ୍ଦ, ଭୋଟ୍‌ ଗଣତି ଦିନ ରାଜ୍ୟସାରା ମଦ ଦୋକାନ ବନ୍ଦ
  • ||
  • ଶନିବାର ତୃତୀୟ ପର୍ଯ୍ୟାୟ ମତଦାନ: ୬ ଲୋକସଭା, ୪୨ ବିଧାନସଭା ସିଟ୍‌ରେ ୪୪୭ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା
  • ||
  • ରଥଖଳା ହାଲ୍‌ଚାଲ୍‌...ସିଙ୍ଗଡ଼ା ବାଡ଼ିଆ, ପହି ବିନ୍ଧ ଅନୁକୂଳ...
  • ||
  • IPL 2024: ଦ୍ୱିତୀୟ କ୍ୱାଲିଫାୟରରେ ମୁହାଁମୁହିଁ ହେବେ ରୟାଲ୍ସ- ସନରାଇଜର୍ସ, ଟ୍ରାଭିସେକ ଯୋଡ଼ିଙ୍କୁ ଅଟକାଇବେ ସ୍ପିନ୍‌ ଟାଇଟନ
  • ||
  • ଦାନା ବାନ୍ଧୁଛି ବାତ୍ୟା ‘ରେମାଲ୍‌’: ୨୫ରେ ବାତ୍ୟା ରୂପ ନେବ, ୨୬ରେ ଭୀଷଣ ବାତ୍ୟାରେ ହେବ ପରିଣତ
  • ||

ନବବିବାହିତାଙ୍କ ମୃତଦେହ ଉଦ୍ଧାର , ହତ୍ୟା ଅଭିଯୋଗ ଆଣିଲେ ପରିବାର ଲୋକେ

ଫିରିଙ୍ଗିଆ,୨।୫ :  କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଭୃଙ୍ଗିଯୋଡି ପଞ୍ଚାୟତ ଅଧୀନରେ ଥିବା କଡୁରାହା ପଙ୍ଗାପଡା ଗାଁ ରେ ଗୁରୁବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି I ଗାଁ ର ଏକ ଘର ଭିତରୁ ଜଣେ ନବବିବାହିତଙ୍କ ମୃତଦେହକୁ ପୋଲିସ ଜବତ କରିଛି I ତେବେ ମୃତ ଯୁବତୀ ଜଣକ ଫିରିଙ୍ଗିଆ ବ୍ଲକ ଗୋଛାପଡା ଥାନା କଟରିଙ୍ଗିଆ ପଞ୍ଚାୟତ ନେଡିପଦର ଗାଁର ପବିତ୍ର କହଁର ଙ୍କ ଝିଅ କବିତା କହଁର I 

ଯୁବତୀଙ୍କ ପରିବାର ଲୋକଙ୍କ ସୂଚନା ଅନୁସାରେ ଗତ କିଛିଦିନ ତଳେ ମୃତ ଯୁବତୀଙ୍କୁ ଜଣେ ଯୁବକ ଜୋର ଜବରଦସ୍ତ ଅପହରଣ କରିନେଇଥିଲା । ପରିବାର ଲୋକେ ବହୁ ଖୋଜାଖୋଜି କଲାପରେ ଫିରିଙ୍ଗିଆ ଥାନା ଭୃଙ୍ଗିଯୋଡି ପଂଚାୟତ କଡୁରାହା ପଙ୍ଗାପଡା ଗାଁର ଵାଲେ କହଁରଙ୍କ ପୁଅ ସତ୍ୟବାନ କହଁର ଅପହରଣ କରିନେଇଥିବା ଜାଣିବାକୁ ପାଇଥିଲେ I ତେବେ ଅପହରଣକାରୀ ଯୁବକ ଜଣକ ନିଜ ଜାତିର ହୋଇଥିବାରୁ ପରିବାର ଲୋକେ କିଛି କହି ନ ଥିଲେ I ଗତ ୧୩ ତାରିଖରେ  ଯୁବତୀ ଜଣକ ତାଙ୍କୁ ତାଙ୍କ ସ୍ୱାମୀ ସତ୍ୟବାନ କହଁର ଓ ତାଙ୍କ ପରିବାର ନିର୍ଯାତନା ଦେଉଛନ୍ତି କହି ଲୁଚିଛପି ତାଙ୍କ ବାପା ଘର କଟରିଙ୍ଗିଆ ନେଡିପାଙ୍ଗାକୁ ଚାଲିଆସିଥିଲେ I ଗତ ୧୬ ତାରିଖରେ ପୁଣି ଯୁବକ ଓ ତାଙ୍କ ପରିବାର ଲୋକେ ଝିଅକୁ ବୁଝା ସୁଝା କରି ନିଜ ଘରକୁ ନେଇ ଯାଇଥିଲେ I ତେବେ କବିତା ତାଙ୍କ ଶଶୁର ଘର କଡୁରାହା ପଙ୍ଗାପଡାକୁ ଆସିବାର ମାତ୍ର ପନ୍ଦର ଦିନ ନପୂରୁଣୁ   ହଠାତ ତାର ମୃତ୍ୟୁ ହେବା ସହଜରେ ଗ୍ରହଣ କରିପାରୁନାହାନ୍ତି ଯୁବତୀଙ୍କ ପରିବାର ଲୋକେ I ଘଟଣାକୁ ନେଇ କବିତାଙ୍କ  ପିତା ତାଙ୍କ ଝିଅକୁ ଶାଶୁଘର ଲୋକେ ଯୌତୁକ ନିର୍ଯାତନା ଦେଇ ହତ୍ୟା କରିଥିବା ନେଇ ଫିରିଙ୍ଗିଆ ଥାନାରେ ଲିଖିତ ଏତଲା ଦେଇଛନ୍ତି I ଏତଲା ଅଧାରେ ଫିରିଙ୍ଗିଆ ଥାନା ଅଧିକାରୀ ଗୋପୀନାଥ ପ୍ରଧାନଙ୍କ ସହ ଏକ ଟିମ ଘଟଣା ସ୍ଥଳରେ ପହଂଚି ଯୁବତୀଙ୍କ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠେଇ ତଦନ୍ତ କରୁଛନ୍ତି। ଏହି ଘଟଣାକୁ ନେଇ ଫିରିଙ୍ଗିଆ ଥାନାରେ ଏକ ହତ୍ୟା ମାମଲା ରୁଜୁ କରି ଯୁବତୀଙ୍କ ସ୍ୱାମୀ ସତ୍ୟବାନ କହଁରକୁ ଥାନାରେ ଅଟକ ରଖି ପଚରା ଉଚୁରା ଜାରି ରଖିଥିବା ଥାନା ଅଧିକାରୀ ଗୋପୀନାଥ ପ୍ରଧାନ ସୂଚନା ଦେଇଛନ୍ତି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.