ପ୍ରମୂଖ ଖବର
  • କେନ୍ଦୁଝର : ଚୋରା କାଠ ଚାଲାଣ ବେଳେ ମାଡ଼ି ବସିଲା ବନ ବିଭାଗ, ୭ ଟ୍ରିପରୁ ଉର୍ଦ୍ଧ୍ଵ କାଠ ଜବତ
  • ||
  • ଯାଜପୁର : ଶୌଚ ହେବାକୁ ଯାଇ କେନାଲରେ ଭାସିଗଲେ ନାବାଳକ
  • ||
  • ଭୁବନେଶ୍ଵର : ୨୭ରେ ବସିବ ନୀତି ଆୟୋଗ ବୈଠକ, ଯୋଗଦେବେ ମୁଖ୍ୟମନ୍ତ୍ରୀ
  • ||

ଆଇସକ୍ରିମ୍‌ରୁ ବାହାରିଲା ମଣିଷ ଆଙ୍ଗୁଳି, ଅନ୍‌ଲାଇନ୍‌ରେ ଅର୍ଡର କରିଥିଲେ ମହିଳା

ମୁମ୍ବାଇ: ଅନଲାଇନ୍‌ରେ ଆଇସକ୍ରିମ୍‌ ମଗାଇ ହଟହଟ୍ଟା ହେଲେ ମହିଳା । ଆଇସକ୍ରିମ୍‌ ଖୋଲି ଖାଇବା ବେଳକୁ ଏଥିରେ ବାହାରିଲା ମଣିଷ ଆଙ୍ଗୁଳି । ଆଇସକ୍ରିମ୍‌ରେ ମଣିଷର କଟା ଆଙ୍ଗୁଳି ଦେଖି ଆଶ୍ଚର୍ଯ୍ୟ ହୋଇଯାଇଥିଲେ ମହିଳା । ଏପରିକି ଏହାକୁ ନେଇ ପୋଲିସ ଷ୍ଟେସନରେ ସେ ଅଭିଯୋଗ କରିଛନ୍ତି ।  

ସୂଚନା ଅନୁସାରେ,ମୁମ୍ବାଇର ମାଲଦା ଉପକଣ୍ଠରେ ଜଣେ ମହିଳା ‘ୟୁମୋ’ ଆଇସକ୍ରିମ ଦୋକାନରୁ ଏକ କୋନ୍ ଆଇସକ୍ରିମ ଅର୍ଡର୍ କରିଥିଲେ । ଅର୍ଡରର କିଛି ସମୟ ପରେ ଆଇସକ୍ରିମ ଡେଲିଭର ହୋଇଥିଲା । କିନ୍ତୁ ଖାଇବା ପାଇଁ ଯେତେବେଳେ ଆଇସକ୍ରିମକୁ ଖୋଲିଥିଲେ ଆଶ୍ଚର୍ଯ୍ୟ ହୋଇ ଯାଇଥିଲେ। ଆଇସକ୍ରିମ ଭିତରେ ଏକ କଟା ଆଙ୍ଗୁଳି ଥିବା ସେ ଅଭିଯୋଗ କରିଛନ୍ତି । ଏହା ପରେ ମହିଳା ଆଇସକ୍ରିମର ଫଟୋ ମଧ୍ୟ ସୋସିଆଲ ମିଡିଆରେ ପୋଷ୍ଟ କରିଛନ୍ତି । ଆଇସକ୍ରିମ ଉପରି ଭାଗରେ ଏକ ମଣିଷ ଆଙ୍ଗୁଠି ଦେଖାଯାଉଥିବା ଜଣାପଡ଼ିଛି । 

ମହିଳା ଜଣଙ୍କ ଭୟଭୀତ ହେବା ସହ ପୋଲିସର ଦ୍ୱାରସ୍ଥ ହୋଇଛନ୍ତି । ମାଲଦା ପୋଲିସ ଷ୍ଟେସନରେ ଅଭିଯୋଗ ହେବା ପରେ ପୋଲିସ କମ୍ପାନୀ ବିରୁଦ୍ଧରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଏହା ସହ କମ୍ପାନିର ଆଇସକ୍ରିମ୍‌କୁ ଫରେନ୍ସିକ୍‌ ଲ୍ୟାବକୁ ପଠାଯାଇଛି ।  

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.