ମୁମ୍ବାଇ,୧୩।୧୧: ମୁମ୍ବାଇରେ ଏନସିବି ଏକ ଆନ୍ତର୍ଜାତୀୟ ଡ୍ରଗ୍ ସିଣ୍ଡିକେଟର ପର୍ଦାଫାଶ କରିଛି। ମୁମ୍ବାଇର ଏକ ହୋଟେଲରେ ଜାମ୍ବିଆ ନାଗରିକଙ୍କଠାରୁ ଦୁଇ କିଲୋଗ୍ରାମ କୋକେନ ଜବତ କରାଯାଇଛି। ଜଣେ ଏନସିବି ଅଧିକାରୀ ଏ ସମ୍ପର୍କରେ ସୂଚନା ଦେଇଛନ୍ତି। ଅଧିକାରୀ ଜଣକ କହିଛନ୍ତି, ସାମଗ୍ରୀ ଆଣିଥିବା ଜଣେ ତାଞ୍ଜାନିଆ ମହିଳା ମଧ୍ୟ ଦିଲ୍ଲୀରୁ ଧରାପଡିଛନ୍ତି। ଜବତ ହୋଇଥିବା କୋକେନର ମୂଲ୍ୟ ପ୍ରାୟ ୧୫ କୋଟି ଟଙ୍କା।

ମାମଲା ସମ୍ପର୍କରେ ସୂଚନା ଦେଇ ଅଧିକାରୀ ଜଣକ କହିଛନ୍ତି, ନିର୍ଦ୍ଦିଷ୍ଟ ସୂଚନାକୁ ଆଧାର କରି ଏନସିବି ମୁମ୍ବାଇ ଟିମ୍ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏକ ହୋଟେଲରେ ଚଢାଉ କରାଯାଇଥିଲା, ଯେଉଁଥିରେ ଡ୍ରଗ୍ ଡିଲର ଥିବା ଜାମ୍ବିଆର ନାଗରିକ ଏଲଏ ଗାଲିମୋରଙ୍କୁ ଗିରଫ କରାଯାଇଥିଲା। ଏହି ଅଧିକାରୀ କହିଛନ୍ତି, ବ୍ୟକ୍ତି ଜଣକ ଜାମ୍ବିଆର ଲୁସାକା ଠାରୁ ଆଦିସ ଆବାବା (ଇଥିଓପିଆର ରାଜଧାନୀ) କୁ ଡ୍ରଗ୍ସ ପଠାଇବା ପାଇଁ ଯାଇଥିଲା।

ସୂଚନା ଦେଇ ଅଧିକାରୀ କହିଛନ୍ତି, ବିମାନ ଯୋଗେ ମୁମ୍ବାଇରେ ପହଞ୍ଚିବା ପରେ ଅଭିଯୁକ୍ତମାନେ ଏକ ହୋଟେଲରେ ପ୍ରବେଶ କରିଥିଲେ। ଏହି ଅବଧି ମଧ୍ୟରେ, ସୂଚନା ପାଇବା ପରେ, ଏନସିବି ଦଳ କ୍ରମାଗତ ଭାବରେ ତାଙ୍କର ସମସ୍ତ କାର୍ଯ୍ୟକଳାପ ଉପରେ ତୀକ୍ଷ୍ଣ ନଜର ରଖିଥିଲେ। ସେମାନଙ୍କ ସହ ଏକ ବ୍ୟାଗ ମିଳିଥିବା ବେଳେ ଖୋଲିବା ସମୟରେ ଦୁଇ କିଲୋ କୋକିନ୍ ଦୁଇଟି ପ୍ୟାକେଡ୍‌ରୁ ଜବତ କରାଯାଇଥିଲା। ପଚରା ଉଚରାରେ ବେଳେ  ଉକ୍ତ ବ୍ୟକ୍ତି ଡ୍ରଗ୍ କାରବାରରେ ସମ୍ପୃକ୍ତ କିଛି ହାଣ୍ଡେଲରଙ୍କ ବିଷୟରେ ଏନସିବି ଅଧିକାରୀଙ୍କୁ ସୂଚନା ଦେଇଥିଲେ। ଜଣେ ହ୍ୟାଣ୍ଡଲରଙ୍କ ଦ୍ୱାରା ତାଙ୍କୁ ଗାଇଡ୍‌କରାଯାଉଥିବା ଅଧିକାରୀ ଜଣକ କହିଛନ୍ତି।