ନୀଳଗିରି,୪/୧୧ : ନୀଳଗିରି ବ୍ଲକ ଅଧିନ ଚତର ଅଞ୍ଚଳରେ ଥିବା ଉମା ଅର୍ଜ୍ଜୁନ ବାଳିକା ଉଚ୍ଚ ବିଦ୍ୟାଳୟ ଭିତରୁ ୧୦ କୁଇଣ୍ଟାଲ ଚାଉଳ ଓ ଜାଳେଣି କାଠ ଚୋରୀ ହୋଇଥିବା ଅଭିଯୋଗ ହୋଇଛି। ଗତ ଦୁର୍ଗାପୂଜା ଛୁଟିରେ ହଷ୍ଟେଲରେ ଥିବା ଛାତ୍ରୀମାନେ ଘରକୁ ଯାଇଥିଲେ। ୩୦ ତାରିଖରେ ଛୁଟି ଖୋଲିବା ପରେ ବିଦ୍ୟାଳୟ ଖୋଲିବା ପରେ ପ୍ରଧାନ ଶିକ୍ଷୟିତ୍ରୀ ଦାୟିତ୍ୱରେ ଥିବା ପୁଷ୍ପାଞ୍ଜଳି ଶତପଥୀ ଆସି ବିଦ୍ୟାଳୟ ଖୋଲିବା ପରେ ୧୦ କୁଇଣ୍ଟାଲ ଚାଉଳ ଥିବା ଜାଣିବାକୁ ପାଇଥିଲେ । ଏପରିକି ଗଛିତ ଜାଳେଣି କାଠ ମଧ୍ୟ ନଥିଲା।ସିସି ଟିଭି ବନ୍ଦ କରାଯାଇ ଅତି ଚତୁରତାର ସହ ଏଭଳି ଚୋରି ହୋଇଥିବା ଜଣାପଡିଛି। ଏ ନେଇ ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ଶତପଥୀ ନୀଳଗିରି ଥାନାରେ ଲିଖିତ ଅଭିଯୋଗ କରିଥିବା ଜଣାପଡ଼ିଛି । ପୋଲିସ ଘଟଣା ଉପରେ ତଦନ୍ତ ଆରମ୍ବ କରିଥିବା ଜଣାପଡିଛି । ତେବେ ଘଟଣାଟି ବିଳମ୍ବରେ ଲୋକ ଲୋଚନକୁ ଆସିବା ପରେ ଘଟଣା ପଛରେ କାହାର ହାତ ଅଛି ସାମ୍ନାକୁ ଆଣିବାକୁ ଦାବି ହୋଇଛି।