ଲକ୍ଷ୍ନୌ: ନିଜ ହତ୍ୟା ମାମଲାରେ ସାକ୍ଷୀ ହୋଇ ସୁପ୍ରିମକୋର୍ଟରେ ପହଞ୍ଚି ସମସ୍ତଙ୍କୁ ଚିକିତ କରିଦେଇଛି ଜଣେ ୧୧ ବର୍ଷ ବାଳକ । କୋର୍ଟରେ ତାର ହତ୍ୟା ହୋଇଥିବା ନେଇ ମାମଲାର ଶୁଣାଣି ଚାଲୁଥିବା ବେଳେ ସେ ହଠାତ ସେଠାରେ ପହଞ୍ଚି ଏବେ ବି ବଞ୍ଚିଛି ବୋଲି କହିଥିଲା । ଏହା ପରେ ଜଜଙ୍କ ସମେତ କୋର୍ଟ ରୁମରେ ଥିବା ପ୍ରତ୍ୟେକଟି ବ୍ୟକ୍ତି ଆଶ୍ଚର୍ଯ୍ୟ ହୋଇଥିଲେ।  ତେବେ ପୀଡ଼ିତଙ୍କ ବାପା ତାଙ୍କର ମାମୁଁମାନଙ୍କୁ ଫସାଇବା ପାଇଁ ମିଥ୍ୟା ମାମଲା କରିଥିବା ଜଣାପଡ଼ିଛି । ୧୧ ବର୍ଷୀୟ ବାଳକ ଅଭାଇ କୁମାର ସୁପ୍ରିମକୋର୍ଟରେ କହିଥିଲେ ଯେ, ତାଙ୍କ ଅଜା ଏବଂ ୪ ମାମୁଁଙ୍କୁ ଫସାଇବାକୁ ତାଙ୍କ ବାପା ଏହି ମାମଲା କରିଛନ୍ତି । 

ଅସୁସ୍ଥ ପତ୍ନୀଙ୍କୁ ଦେଖିବାକୁ ତିହାର ଜେଲରୁ ଆସି ଘରେ ପହଞ୍ଚିଲେ ସିସୋଦିଆ, କୋର୍ଟ ଦେଇଛନ୍ତି ୭ ଘଣ୍ଟାର ସମୟ

ଉତ୍ତର ପ୍ରଦେଶର ପିଲିଭିଟର ଏହି ବାଳକଙ୍କ ଆବେଦନ ଶୀର୍ଷ ଅଦାଲତ ଗ୍ରହଣ କରିଥିବା ବେଳେ ପରବର୍ତ୍ତୀ ଶୁଣାଣି ଯାଏ ଆବେଦନକାରୀଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ହୋଇପାରିବ ନାହିଁ ବୋଲି କହିଛନ୍ତି । ଏହା ସହ ମାମଲାରେ ଅଧିକ ତଦନ୍ତ କରିବା ଲାଗି ପିଲିଭିଟର ଏସପି ଏବଂ ଅନ୍ୟ ତଦନ୍ତ ଏଜେନ୍ସିକୁ ଟପ୍‌ କୋର୍ଟ ନିର୍ଦ୍ଦେଶ ମଧ୍ୟ ଦେଇଛନ୍ତି ।

ମାମଲାରେ ଅଧିକ ତଥ୍ୟ ଦେଇ ବାଳକ ପକ୍ଷରୁ ନିଯୁକ୍ତ ଓକିଲ କୁଲଦୀପ ଜଉହାରି କହିଛନ୍ତି ଯେ, ୨୦୧୩ରୁ ଅଭାଇ କୁମାର ତାଙ୍କ ମାମୁଁଙ୍କ ଘରେ ରହିଆସୁଛି । ଅଭାଇର ବାପା ତା ମା’ଙ୍କୁ ଯୌତୁକ ନିର୍ଯାତନା ଦେଉଥିଲେ ।  ଏପରିକି ଅଭାଇର ବାପାଙ୍କ ମାଡ଼ରେ ହିଁ ତାଙ୍କ ମାଁଙ୍କ ମୃତ୍ୟୁ ହୋଇଥିଲା । ତେବେ ଏନେଇ ଅଭାଇଙ୍କ ଅଜା ନିଜ ଜ୍ବାଇଁଙ୍କ ବିରୁଦ୍ଧରେ ଥାନାରେ ଏତଲା ଦେଇଥିଲେ ଏବଂ ନାତିକୁ ନିଜ ପାଖକୁ ନେଇଯାଇଥିଲେ । ହେଲେ ଅଭାଇକୁ ତାଙ୍କ ପାଖରେ ରଖିବାକୁ ଜିଦ ଧରିଥିଲେ ବାପା । ଯେଉଁଥିପାଇଁ ଦୁଇ ପରିବାର ମଧ୍ୟ ତିକ୍ତତା ଆହୁରି ବୃଦ୍ଧିପାଇଥିଲା। 

ଦୁଇ ପକ୍ଷ ପରଷ୍ପର ବିରୁଦ୍ଧରେ ଥାନାରେ ଏକାଧିକ ଏତଲା ଦେଇଥିଲେ । ପରେ ଅଭାଇକୁ ତାଙ୍କ ଅଜା ଏବଂ ଚାରି ମାମୁଁ ହତ୍ୟା କରିଥିବା ନେଇ ତା ବାପା ଥାନାରେ ଅଭିଯୋଗ କରିଥିଲେ। ଏହା ପରେ ଅଭାଇଙ୍କ ଅଜା ଅହ୍ଲାବାଦ ହାଇକୋର୍ଟର ଦ୍ବାରସ୍ଥ ହୋଇଥିଲେ ହେଲେ କିଛି ଲାଭ ମିଳିନଥିଲା । ଶେଷରେ କିଛି ଉପାୟ ନପାଇ ଅଭାଇଙ୍କୁ ନେଇ ତାଙ୍କ ଅଜା ସୁପ୍ରିମକୋର୍ଟରେ ପହଞ୍ଚିଥିଲେ ବୋଲି ଜଉହାରି କହିଛନ୍ତି  । ତେବେ ଏହି ମାମଲାର ପରବର୍ତ୍ତି ଶୁଣାଣି ଜାନୁଆରି ୨୦୨୪ରେ ହେବ ।   

ଚାନ୍ଦିନୀ ଚୌକରେ ପୁଣି ଅଗ୍ନିକାଣ୍ଡ, ସ୍ଥାନୀୟ ଲୋକେ ଆତଙ୍କିତ