ଜଳେଶ୍ବର,୧୨।୮ :  ଡକାୟତି ପାଇଁ  ଯୋଜନା କରୁଥିବା ବେଳେ ୭ ଜଣ ଡକାୟତଙ୍କୁ  ଜଳେଶ୍ବର ପୋଲିସ ଗିରଫ କରିଛି । ସେମାନଙ୍କ ନିକଟରୁ ଦୁଇଟି ପିସ୍ତଲ, ଗୋଟିଏ ଦେଶୀ  ବନ୍ଧୁକ, ଗୁଳି,ଗୋଟିଏ କାର, ୩ ଟି ବାଇକ, ଗୋଟିଏ ଗ୍ୟାସ କଟର ସହ ସିଲିଣ୍ତର, ଲୁହା ରଡ୍, ଲଙ୍କା ଗୁଣ୍ଡ ପ୍ୟାକେଟ, ଗ୍ଲୋବ୍ସ,  ମଙ୍କି କ୍ୟାପ ,ନଗଦ ଟଙ୍କା ସମେତ ୬ ଟି ମୋବାଇଲ ପୋଲିସ ଜବତ କରିଛି । 

ଜଳେଶ୍ବର ଥାନା ଅନ୍ତର୍ଗତ ଗୋବରଘଟା ପଞ୍ଚାୟତ ସ୍ଥିତ ଦଶହରା ପଡିଆ ନିକଟରେ ରବିବାର ରାତିରେ ଏକ ବଡ ଧରଣର ଡକାୟତି ପାଇଁ ଯୋଜନା ପ୍ରସ୍ତୁତି ଚାଲି ଥିଲା। ଏହି ସମୟରେ  କୌଣସି ସୂତ୍ରରୁ ଖବର ପାଇ ଜଳେଶ୍ବର ପୋଲିସ ଅତର୍କିତ ଭାବେ ଚଢାଉ  କରିଥିଲା। ସେଠାରୁ ୭ ଜଣଙ୍କୁ ଗିରଫ କରିଥିଲା। ଗିରଫ ଅଭିଯୁକ୍ତଙ୍କ ମଧ୍ୟରୁ ୪ଜଣଙ୍କ ଘର ପଶ୍ଚିମବଙ୍ଗରେ  ହୋଇଥିବା ବେଳେ ଜଣଙ୍କ ଘର ଓଡିଶାରେ ଏବଂ ଅନ୍ୟ ଜଣଙ୍କ ଘର ଦିଲ୍ଲୀରେ ବୋଲି ଜଣା ପଡିଛି। ଏହି ଡକାୟତି ଗ୍ୟାଙ୍ଗ ବିଭିନ୍ନ ଅପରାଧିକ କାର୍ଯ୍ୟକଳାପଏବଂ ଲୁଟ ଘଟଣାରେ ସାମିଲ ଥିବା ନେଇ ଜଳେଶ୍ବର ଥାନା ପରିସରରେ ଆୟୋଜିତ ସାମ୍ବାଦିକ ସମ୍ମିଳନୀରେ ବାଲେଶ୍ବର ଏସପି ସାଗରିକା ନାଥ ସୂଚନା ଦେଇଛନ୍ତି ।  ଏସଡିପିଓ ଦିଲୀପ କୁମାର ସାହୁ, ଆଇଆଇସି ରଞ୍ଜନ କୁମାର ସେଠୀ  ପ୍ରମୁଖ ଉପସ୍ଥିତ ଥିଲେ।