ବଲାଙ୍ଗିର, ୦୪/୦୩ : ଭିଜିଲାନ୍ସ ଜାଲରେ ବଲାଙ୍ଗିର ଜିଲ୍ଲା ଆଗଲପୁର ତହସିଲର ଅମିନ ସଦାନନ୍ଦ ସାହୁ। ଲାଞ୍ଚ ନେଇ ଧରାପଡିଛନ୍ତି ଅମିନ ବାବୁ। ଜମିପଟ୍ଟା କରାଇ ଦେବାକୁ କହି ଅଭିଯୋଗକାରୀଙ୍କ ଠାରୁ ନେଉଥିଲେ ଲାଞ୍ଚ।
ସୂଚନାନୁଯାୟୀ, ଆଗଲପୁର ତହସିଲର ଅମିନ ସଦାନନ୍ଦ ସାହୁ ଜମି ମ୍ୟୁଟେସନ କରାଇ ଦବାକୁ କହି ଜଣେ ବ୍ୟକ୍ତିଙ୍କୁ ଲାଞ୍ଚ ମାଗିଥିଲେ। ଆଜି ଅଭିଯୋଗକାରୀଙ୍କ ଠାରୁ ୫ ହଜାର ଟଙ୍କା ଲାଞ୍ଚ ନେବା ବେଳେ ସେ ଧରା ପଡିଛନ୍ତି। ଧରାପଡିବା ପରେ ସଦାନନ୍ଦଙ୍କ ଦୁଇଟି ଠିକଣାରେ ଭିଜିଲାନ୍ସ ପକ୍ଷରୁ ଚଢାଉ କରାଯାଇଛି। ଏନେଇ ଅଧିକ ତଦନ୍ତ ଜାରି ରହିଛି।