ନୂଆଦିଲ୍ଲୀ, ୨୯/୦୨: ଏକୁଟିଆ ଜୀବନ ନା ଦାମ୍ପତ୍ୟ ଜୀବନ, ଅଧିକ ଶାନ୍ତି ଓ ଖୁସି କେଉଁଠି ପାଇବେ । ବୈବାହିକ ଜୀବନରେ ଖୁସି ତ ମିଳିବ । ଏସବୁ ପ୍ରଶ୍ନର ଉତ୍ତର ମିଳିଛି ସର୍ଭେରୁ । ସର୍ଭେ ଅନୁସାରେ, ବିବାହ ପରେ ଏକ ହସଖୁସିର ଜୀବନ କେବଳ ପରୀ କାହାଣୀ ନୁହେଁ ବରଂ ବାସ୍ତବ ଦୁନିଆରେ ସମ୍ଭବ ।
ଆମେରିକୀୟ କମ୍ପାନୀ ଗ୍ୟାଲପ ପୋଲ୍ ପକ୍ଷରୁ ଏହି ସର୍ଭେ ହୋଇଛି । ୨୦୦୮ରୁ ୨୦୨୩ ମଧ୍ୟରେ ଗ୍ୟାଲପ ୨, ୫୭୮, ୩୪୨ ଆମେରିକୀୟ ବୟସ୍କଙ୍କ ତଥ୍ୟକୁ ଏକାଠି କରିଥିଲା । ୨୦୨୦ ମାର୍ଚ୍ଚରୁ ୨୦୨୩ ନଭେମ୍ବର ମଧ୍ୟରେ ୱେବରେ ୫୬ ହଜାର ୬୫୩ ଜଣଙ୍କ ପ୍ରତିକ୍ରିୟା ନେଇଥିଲା କମ୍ପାନୀ ।
ସର୍ଭେରେ ପ୍ରଥମ ପର୍ଯ୍ୟାୟରେ ଲୋକଙ୍କୁ ୦ରୁ ୧୦ ମଧ୍ୟରେ ଏକ ଅଙ୍କ ଭାବିବାକୁ କୁହା ଯାଇଥିଲା । ସେହି ହିସାବରେ ବୈବାହିକ ଜୀବନର ଖୁସିକୁ ନମ୍ବର ଦେବାର ଥିଲା । ଯେତେ ଅଧିକ ରେଟିଂ ବୈବାହିକ ଜୀବନକୁ ନେଇ ସେତେ ଅଧିକ ଖୁସି । ଦ୍ୱିତୀୟ ପର୍ଯ୍ୟାୟରେ ସମସ୍ତଙ୍କୁ ପଚରା ଯାଇଥିଲା ଆପଣ ୫ ବର୍ଷ ପରେ ନିଜକୁ କେଉଁଠି ଦେଖିବାକୁ ଚାହୁଁଛନ୍ତି ।
ଏହି ପ୍ରଶ୍ନ ପାଇଁ ୨ଟି ବିକଳ୍ପ ଥିଲା- ସବୁଠୁ ଖରାପ ଓ ଯାହା ସମ୍ଭବ । ସର୍ଭେରେ ବିବାହିତ ଲୋକ ଅବିବାହିତଙ୍କ ତୁଳନାରେ ସେମାନେ ଅଧିକ ଖୁସି ଥିବା କହିଥିଲେ । ଖୁସିର ସ୍ତର ୧୨ରୁ ୨୪ ପ୍ରତିଶତ ଅଧିକ । ବିବାହିତ ବୟସ୍କ ସବୁଠୁ ଅଧିକ ଖୁସି ବୋଲି ଜଣା ଯାଇଛି ।