କଟକ,୦୫/୧୧: ଓଡ଼ିଶା ଲୋକସେବା ଆୟୋଗ (ଓପିଏସ୍‌ସି) ପକ୍ଷରୁ ଡିସେମ୍ବର  ୩ ତାରିଖ ରବିବାର ଦିନ ଆୟୁର୍ବେଦିକ ମେଡ଼ିକାଲ ଅଫିସର ଏବଂ ହୋମିଓପାଥିକ ମେଡ଼ିକାଲ ଅଫିସର ଲିଖିତ ପରୀକ୍ଷା  କରାଯିବ । ପେପର-୧ ପରୀକ୍ଷା ପୂର୍ବାହ୍ଣ ୧୦ଟାରୁ ଆରମ୍ଭ ହୋଇ ୧୧ଟା ୩୦ରେ ଶେଷ ହେବ । ଦିବ୍ୟାଙ୍ଗ ପରୀକ୍ଷାର୍ଥୀଙ୍କ ପାଇଁ  ଆଉ ୩୦ ମିନିଟ୍‌ ଅଧିକ ସମୟ ଦିଆଯିବ । ପେପର-୨ ପରୀକ୍ଷା ଅପରାହ୍ଣ ୨ଟାରୁ ଆରମ୍ଭ  ହୋଇ ଅପରାହ୍ଣ ୩ଟା ୩୦ରେ ଶେଷ ହେବ।  ଦିବ୍ୟାଙ୍ଗ ପରୀକ୍ଷାର୍ଥୀଙ୍କୁ ମଧ୍ୟ ସେହିପରି  ଆଉ ୩୦ ମିନିଟ୍‌ ଅଧିକ ସମୟ ଦିଆଯିବ ।  

ଆୟୁର୍ବେଦିକ୍‌ ମେଡ଼ିକାଲ ଅଫିସର ଲିଖିତ ପରୀକ୍ଷା ଭୁବନେଶ୍ୱରର ବିଭିନ୍ନ କେନ୍ଦ୍ରରେ  କରାଯିବ। ହୋମିଓପାଥିକ ମେଡ଼ିକାଲ  ଅଫିସର ଲିଖିତ ପରୀକ୍ଷା କଟକର ବିଭିନ୍ନ  କେନ୍ଦ୍ରରେ କରାଯିବ । ପରବର୍ତ୍ତୀ ସମୟରେ  ଓପିଏସ୍‌ସି ପକ୍ଷରୁ ପରୀକ୍ଷା କେନ୍ଦ୍ର ସଂପର୍କରେ  ପରୀକ୍ଷାର୍ଥୀଙ୍କୁ ୱେବ୍‌ସାଇଟ୍‌ରେ ଜଣାଇ  ଦିଆଯିବ ବୋଲି ବିଜ୍ଞପ୍ତିରେ କୁହାଯାଇଛି।