କୋକସରା, ୩୧/୦୧ : ପ୍ରତି ପଞ୍ଚାୟତରେ ଏବେ ନବୀନ ଓଡ଼ିଶା ସଚେତନତା କାର୍ଯ୍ୟକ୍ରମ ଜୋରସୋରରେ ଆୟୋଜନ ହେଉଛି। ଏହି କ୍ରମରେ ମଙ୍ଗଳବାର କୋକସରା ବ୍ଲକ ମୂଷାପାଳି ପଞ୍ଚାୟତରେ ନବୀନ ଓଡ଼ିଶା ସଚେତନତା କାର୍ଯ୍ୟକ୍ରମ ହୋଇଛି। ଏହି କାର୍ଯ୍ୟକ୍ରମରେ ଧର୍ମଗଡ଼ ବିଧାୟକ ମୋୖଷଧି ବାଗ, ବିଡିଓ ସ୍ନେହାପ୍ରଭା ମାଝୀ ଓ ସରପଞ୍ଚ ଅକ୍ଷୟ ନାଏକ ଯୋଗ ଦେଇଥିଲେ। ଏହି ସମୟରେ ଧର୍ମଗଡ଼ ବିଧାୟକ, ବିଡିଓ ଓ ସରପଞ୍ଚ ଲୋଇସିଙ୍ଗା ବଜାସାଲ କଳାକାରଙ୍କ ଏକଡା ଏକଡା ରା... ଗୀତର ତାଳେ ତାଳେ ମଞ୍ଚ ଉପରେ କଳାକାରଙ୍କ ସହ ନାଚୁଥିବା ଦେଖିବାକୁ ମିଳିଛି। 

ସେପଟେ କିଛି ଦିନ ପୂର୍ବେ ଜୁନାଗଡ଼ ବିଧାୟକ ଦିବ୍ୟଶଙ୍କର ମିଶ୍ର ନିଜ ପଞ୍ଚାୟତର ବିଭିନ୍ନ ମଞ୍ଚରେ ରସ ଜାମୁଡାଲି ସମ୍ବଲପୁରୀ ଗୀତରେ ନାଚି ଧୂମ ମଚାଉଥିବା ଦେଖିବାକୁ ମିଳିଥିଲା। ତାଙ୍କ ନାଚ ଦେଖି ଉପସ୍ଥିତ ଦଳୀୟ କର୍ମୀ ନିଜକୁ ସମ୍ଭାଳି ନପାରି ନାଚୁଥିବା ଦେଖିବାକୁ ମିଳିଥିଲା। ଏହି କାର୍ଯ୍ୟକ୍ରମରେ ପଶ୍ଚିମ ଓଡ଼ିଶାର ସୁନାମ ଧନ୍ୟ ଗାୟକ ସର୍ବେଶ୍ଵର ଭୋଇ ଯୋଗ ଦେଇ ନିଜ ଗୀତରେ ଦଳୀୟ କର୍ମୀଙ୍କୁ ମତୁଆଲା କରିଥିଲେ।