ଭୁବନେଶ୍ୱର,୦୧/୦୨: ଆସନ୍ତା ୩ ତାରିଖରୁ ଏଫ୍‌ଆଇଏଚ୍‌ ମହିଳା ପ୍ରୋ  ଲିଗ୍‌ ମ୍ୟାଚ୍‌ କଳିଙ୍ଗ ଷ୍ଟାଡିୟମରେ ଆରମ୍ଭ  ହେବ । ଏନେଇ କାଉଣ୍ଟରରେ  ଟିକେଟ୍‌ ବିକ୍ରି ଆରମ୍ଭ କରିଛି ହକି  ଇଣ୍ଡିଆ । ଷ୍ଟାଡିୟମର ଗେଟ୍‌ ନମ୍ବର ୯ରେ  ଦର୍ଶକଙ୍କ ପାଇଁ ପୂର୍ବାହ୍ନ ୧୧ଟାରୁ ସନ୍ଧ୍ୟା  ୬ଟା ପର୍ଯ୍ୟନ୍ତ ଟିକେଟ୍‌ ଉପଲବ୍ଧ ରହିଛି । ସର୍ବନିମ୍ନ ଟିକେଟ୍‌ ମୂଲ୍ୟ ୧୦୦ ଏବଂ  ସର୍ବାଧିକ ୫୦୦ ଟଙ୍କା ରଖାଯାଇଛି । 

ଷ୍ଟାଡିୟମର ପଶ୍ଚିମ ଷ୍ଟାଣ୍ଡର ପ୍ରଥମ  ଫ୍ଲୋର ୫୦୦, ପୂର୍ବଷ୍ଟାଣ୍ଡର ପ୍ରଥମ  ଫ୍ଲୋର ୨୦୦, ଉତ୍ତର ଷ୍ଟାଣ୍ଡର ପ୍ରଥମ  ଫ୍ଲୋର ୧୦୦ ଓ ଦକ୍ଷିଣ ଷ୍ଟାଣ୍ଡର ପ୍ରଥମ  ଫ୍ଲୋର ୧୦୦ ଟଙ୍କା ରଖାଯାଇଛି ।  ପୂର୍ବରୁ ଉଭୟ ପୁରୁଷ ଓ ମହିଳା ପ୍ରୋ  ଲିଗ୍‌ ମ୍ୟାଚ୍‌ ପାଇଁ ଭୁବନେଶ୍ୱର ଓ ରାଉରକେଲା ଭେନ୍ୟୁ ସକାଶେ ଟିକେଟ୍‌  ବିକ୍ରି ହେବା ବିଷୟ ହକି ଇଣ୍ଡିଆ ଘୋଷଣା  କରିଥିଲା । ଦର୍ଶକ ଅନ୍‌ଲାଇନରେ  ମଧ୍ୟ ଟିକେଟ୍‌ କିଣିପାରିବେ ।