ପ୍ରମୁଖ ଖବର
  • କଂଗ୍ରେସ ସ୍କ୍ରିନିଂ କମିଟି ବୈଠକ, ୧୫ ସୁଦ୍ଧା ଘୋଷେଣା ହେବ ପ୍ରାର୍ଥୀ ତାଲିକା
  • ||
  • କ୍ୟାପିଟାଲ ହସ୍ପିଟାଲରେ ମହିଳାଙ୍କୁ ଦୁର୍ବ୍ୟବହାର, ଧାରଣାରେ ବସିଲେ ସିକ୍କ୍ୟୁରିଟ୍ ଓ ସଫୋଇ କର୍ମୀ
  • ||
  • ବିଜେଡି ଛାଡିଲେ ପୂର୍ବତନ ରାଜ୍ୟ ଯୁବ ଉପସଭାପତି ରାକେଶ ନାୟକ
  • ||
  • ଆଜି ଆସିବ ବିଜେପି ଦ୍ବିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା, ଘୋଷଣା ହୋଇପାରେ ୨୫ ପ୍ରାର୍ଥୀଙ୍କ ନା
  • ||
  • ରୋଷେୟାକୁ ହାଣିଲା ହୋଟେଲ ମାଲିକ, ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ଅବକାରୀ ବିଭାଗ ହାଜତରେ ଥାର୍ଡ ଡିଗ୍ରୀ ! ମଦ ବ୍ୟବସାୟୀ ଗୁରୁତର, ହତ୍ୟା ଉଦ୍ୟମ ଅଭିଯୋଗ
  • ||
  • ବେଲଗାମ ବୟାନ ଉପରେ ଲାଗିବ ଅଙ୍କୁଶ, ନିର୍ବାଚନ କମିଶନ ଆଣିବେ ନୂଆ ମାର୍ଗଦର୍ଶିକା
  • ||
  • ମାର୍ଗଦର୍ଶିକା ଜାରି କଲେ କେନ୍ଦ୍ର ସରକାର ଇସ୍ରାଏଲ, ଇରାନକୁ ଯାତ୍ରା ବାରଣ
  • ||
  • ୭୭ବର୍ଷରେ ପାଦ ଦେଲା ସ୍ୱପ୍ନର ସହର ଭୁବନେଶ୍ୱର, ୧୯୪୮ ମସିହାରେ ହୋଇଥିଲା ଗଠନ
  • ||
  • IPL 2024: ପଞ୍ଜାବ କିଙ୍ଗ୍‌ସ- ରାଜସ୍ଥାନ ରୟାଲ୍ସ ମୁକାବିଲା, ମୁଲନପୁରରେ ହେବ ପେସ୍‌ ଟେଷ୍ଟ୍‌
  • ||
  • ଶନିବାରଠୁ ୬ ଦିନ ଜଳାଇବ ତାତି, ୬ରୁ ୮ ଡିଗ୍ରୀ ବଢ଼ିଯିବ ତାପମାତ୍ରା;୧୪ରୁ ପୁଣି ନିର୍ଘାତ ଖରା
  • ||

ମନ୍ଦିରରେ ସେବା ପାଇଁ ଛାଡ଼ିଲେ ଲଣ୍ଡନ ଚାକିରି, ଚର୍ଚ୍ଚାରେ ଭାରତୀୟ ବଂଶୋଦ୍ଭବ ବିଶାଲ ପଟେଲ

Image Courtesy: khaleejtimes

ନୂଆଦିଲ୍ଲୀ: ଭାରତୀୟ ବଂଶୋଦ୍ଭବ ବିଶାଲ ପଟେଲ ଲଣ୍ଡନର ବଡ଼ ଚାକିରି ଛାଡ଼ି ୟୁଏଇ ମନ୍ଦିରରେ ସେବା ଦେଉଛନ୍ତି । ସେ ୟୁଏଇରେ ନିର୍ମିତ ଭବ୍ୟ ହିନ୍ଦୁ ମନ୍ଦିରରେ ମୁଖ୍ୟ ଯୋଗାଯୋଗ ଅଧିକାରୀ ଭାବରେ ଯୋଗ ଦେଇଛନ୍ତି । କିଛି ଦିନ ପୂର୍ବରୁ ବିଶାଳ ପଟେଲ ଲଣ୍ଡନରୁ ୟୁଏଇକୁ ଆସିଛନ୍ତି । ଏହା ପୂର୍ବରୁ ସେ ଲଣ୍ଡନର ଏକ ମନ୍ଦିରରେ ମଧ୍ୟ କାର୍ଯ୍ୟ କରୁଥିଲେ । ଇନଭେଷ୍ଟମେଣ୍ଟ ବ୍ୟାଙ୍କର ବିଶାଲ ପଟେଲ ଦେଇଥିବା ଏକ ସାକ୍ଷାତକାରରେ କହିଛନ୍ତି, ପୂର୍ବରୁ ସେ ନିଜ କ୍ୟାରିୟରକୁ ଅଧିକ ଗୁରୁତ୍ବ ଦେଉଥିଲେ । ହେଲେ ତାଙ୍କର ବିଚାର ଏବେ ବଦଳିଯାଇଛି ।

୨୦୧୬ରୁ ୟୁଏଇରେ ତାଙ୍କ ପରିବାର ରହୁଛି । ସେଠାରେ ନିର୍ମିତ ହିନ୍ଦୁ ମନ୍ଦିର ତାଙ୍କ ଜୀବନକୁ ପ୍ରଭାବିତ କରିଛି  ବୋଲି ବିଶାଲ ପଟେଲ କହିଛନ୍ତି । ଏବେ ମନ୍ଦିରରେ ସେବା ଯୋଗାଇବାକୁ ସୁଯୋଗ ମିଳିଥିବାରୁ ଏହାକୁ ହାତଛଡ଼ା କରିବାକୁ ଚାହୁଁନଥିବା ସେ କହିଛନ୍ତି । ଏମିରେଟ ଟାଇମ୍ସରେ ପ୍ରକାଶିତ ଖବର ଅନୁସାରେ, ବିଶାଲ ପଟେଲ ଲଣ୍ଡନରେ ଥିବା ଏକ ମନ୍ଦିରରେ ଦୀର୍ଘ ବର୍ଷ ଧରି ଜଣେ ସ୍ବେଚ୍ଛାସେବୀ ଭାବେ କାର୍ଯ୍ୟ କରୁଥିଲେ । ଏହା ପରେ ସେ ଇନଭେଷ୍ଟମେଣ୍ଟ ବ୍ୟାଙ୍କର ଭାବେ କାର୍ଯ୍ୟ କରୁଥିଲେ । ଏବେ ପୁଣି ଥରେ ସେ ମନ୍ଦିରରେ ସେବା ଦେଉଛନ୍ତି । 

ଆବୁଧାବିରେ BAPS  ହିନ୍ଦୁ ମନ୍ଦିରକୁ ଫେବୃଆରୀ ୧୪ରେ ପ୍ରଧାନମନ୍ତ୍ରୀ ମୋଦି ଉଦଘାଟନ କରିଥିଲେ । ୨୦୧୮ରେ ଏହି ମନ୍ଦିରର ଶିଳାନ୍ୟାସ ମଧ୍ୟ ମୋଦି କରିଥିଲେ । ୟୁଏଇରେ ନିର୍ମିତ ଏହି ବିଶାଳ ହିନ୍ଦୁ ମନ୍ଦିରକୁ ନେଇ ସମଗ୍ର ବିଶ୍ବରେ ଚର୍ଚ୍ଚା ଲାଗି ରହିଛି । ଏହାକୁ ଭାରତ ଏବଂ ୟୁଏଇ ମଧ୍ୟରେ ଥିବା ସୁସମ୍ପର୍କକୁ ଦର୍ଶାଉଛି ବୋଲି କୁହାଯାଉଛି ।  ସେପଟେ ମନ୍ଦିର ନିର୍ମାଣ କାର୍ଯ୍ୟ ଆରମ୍ଭ ହେବା ପାଖରୁ ବିଶାଲ ପଟେଲ ସେବା ଦେଇଆସିଛନ୍ତି । ତାର ବାଡ଼ ଲଗାଇବା ପାଖରୁ ଉଦଘାଟନ ସମୟରେ ଅତିଥିଙ୍କ ଲାଗି ବ୍ୟବସ୍ଥା କରିବା ଯାଏଁ ସବୁକିଛି କରିଆସିଛନ୍ତି ବିଶାଲ । 

ସେ ଲଣ୍ଡନ ୟୁନିଭର୍ସିଟିରୁ ଅର୍ଥନୀତିରେ ଡିଗ୍ରି ହାସଲ କରିଛନ୍ତି । ପ୍ରଥମେ ସେଠାରେ ଏକ ମନ୍ଦିରରେ କାର୍ଯ୍ୟ କରିବା ପରେ ବ୍ୟାଙ୍କିଙ୍ଗ ସେକ୍ଟରରେ ପ୍ରବେଶ କରିଥିଲେ ବିଶାଲ । ଏଥିରେ ସଫଳତା ପାଇଥିଲେ ହେଁ ପୁଣି ଥରେ ଆଧ୍ୟାତ୍ମିକ ମାର୍ଗକୁ ଫେରିଆସିବାକୁ ନିର୍ଣ୍ଣୟ ନେଇଥିଲେ ବୋଲି ସେ କହିଛନ୍ତି । ବିଶାଲଙ୍କ ପରିବାର ଭାରତର ଗୁଜରାଟ ସହ ସଂପର୍କିତ କିନ୍ତୁ ସେ ଲଣ୍ଡନରେ ଜନ୍ମଗ୍ରହଣ କରିଥିଲେ । 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.