ମାଲକାନଗିରି : ଇନ୍ଦିରା ଗାନ୍ଧୀ ଜାତୀୟ ମୁକ୍ତ ବିଶ୍ୱବିଦ୍ୟାଳୟ (ଇଗ୍ନୋ) ମାଲକାନଗିରି ମହାବିଦ୍ୟାଳୟ ଶିକ୍ଷlକେନ୍ଦ୍ର ତରଫରୁ ପୂର୍ବ ନିର୍ଦ୍ଧାରିତ କାର୍ଯ୍ୟକ୍ରମ ଅନୁସାରେ , ମାଲକାନଗିରି ଜିଲ୍ଲା ଆରକ୍ଷୀ ଅଧିକ୍ଷକଙ୍କ ସଭାଗୃହରେ ଏକ ପ୍ରୋତ୍ସାହନ ସଭା ଆୟୋଜନ ହୋଇଯାଇଛି। ଏହି ସଭାରେ ଜିଲ୍ଲା ଆରକ୍ଷୀ ଅଧିକ୍ଷକ ନୀତେଶ ୱାଧୱାନୀଙ୍କ ନିର୍ଦ୍ଦେଶ କ୍ରମେ ପୋଲିସ ଡି.ଏସ.ପି ଯଦୁନାଥ ଜେନା ସଭାରେ ମୁଖ୍ୟ ଅତିଥି ରୂପେ ଯୋଗ ଦେଇ ଥିଲେ। 

ମାଲକାନଗିରି ମହାବିଦ୍ୟାଳୟର ଇଗ୍ନୋ ଶିକ୍ଷା କେନ୍ଦ୍ରର କାର୍ଯ୍ୟକ୍ରମର ସଂଯୋଜକ ଅଶୋକ କୁମାର ଷଡ଼ଙ୍ଗୀ, ବାଣିଜ୍ୟ ବିଭାଗର ମୁଖ୍ୟ ଡକ୍ଟର ରଞ୍ଜନ କୁମାର ସ୍ବାଇଁ , ଇଗ୍ନୋର ପୂର୍ବତନ ସଂଯୋଜକ ଉମେଶ ଚନ୍ଦ୍ର ରାଉତ ଓ ଇଗ୍ନୋ ଶିକ୍ଷା କେନ୍ଦ୍ରର ସହକାରୀ ସୁଜିତ କୁମାର ପାଣିଗ୍ରାହୀ ସଭାରେ ଉପସ୍ଥିତ ରହି ଇଗ୍ନୋର ବିଭିନ୍ନ ବିଷୟବସ୍ତୁ , ନାମଲେଖା ପ୍ରଣାଳୀ, ଆଦିବାସୀ ଓ ହରିଜନ ଛାତ୍ର ଛାତ୍ରୀଙ୍କ ପାଇଁ ଦେୟ ଛାଡ଼ ବ୍ୟବସ୍ଥା ବିଷୟରେ ବିସ୍ତୃତ ଭାବେ ଆଲୋଚନା କରିଥିଲେ।

ଏହି କାର୍ଯ୍ୟକ୍ରମର ସଂରକ୍ଷିତ ପୋଲିସ ନିରୀକ୍ଷକ କୁମୁଦ ପ୍ରଧାନ ସହଯୋଗ କରିଥିଲେ। ଶତାଧିକ ପୋଲିସ କର୍ମଚାରୀ, ଗ୍ରାମରକ୍ଷୀ, ଥାନା କର୍ମଚାରୀ ଏହି ସଭାରେ ଉପସ୍ଥିତ ରହିଥିଲେ ଓ ଇଗ୍ନୋରେ ନାମ ଲେଖାଇବା ପାଇଁ ଇଛା ପ୍ରକଟ କରିଥିଲେ। 

ଇଗ୍ନୋର କୋରାପୁଟ ଆଞ୍ଚଳିକ ନିର୍ଦ୍ଦେଶକ ଡକ୍ଟର ଲତିକା ମିଶ୍ରଙ୍କ ପରାମର୍ଶ ଓ ମାର୍ଗ ଦର୍ଶନ ଅନୁସାରେ, ଏହି ପ୍ରୋତ୍ସାହନ କାର୍ଯ୍ୟକ୍ରମ ଆୟୋଜିତ ହୋଇଥିଲା। ପରିଶେଷରେ ଉମେଶ ଚନ୍ଦ୍ର ରାଉତ ଧନ୍ୟବାଦ ଅର୍ପଣ କରିଥିଲେ।