କେସିଙ୍ଗା,୧୦|୨: କଟକ ସ୍ଥିତ ରେଭେନ୍ସା ବିଶ୍ଵବିଦ୍ୟାଳୟ ରେ ଆନ୍ତଃ ବିଶ୍ବବିଦ୍ୟାଳୟ ସ୍ତରୀୟ ଖେଳ ପ୍ରତିଯୋଗୀତା ଚାଲିଛି। ଏଥିରେ କଳାହାଣ୍ଡି ଜିଲ୍ଲାର ମାଁ ମାଣିକେଶ୍ଵରୀ ବିଶ୍ବବିଦ୍ୟାଳୟର ଛାତ୍ରମାନେ ଭଲିବଲ ଖେଳ ପ୍ରତିଯୋଗୀତାରେ ଭାଗନେଇ ଖେଳୁଥିବା ଜଣାପଡିଛି । ଭଲିବଲ ଖେଳ ପ୍ରତିଯୋଗୀତାରେ ମାଁ ମାଣିକେଶ୍ଵରୀ ବିଶ୍ବବିଦ୍ୟାଳୟ ତରଫରୁ କେସିଙ୍ଗା ମହାବିଦ୍ୟାଳୟର ୫ ଜଣ ଛାତ୍ର ମନୋନୀତ ହୋଇ ଆନ୍ତଃ ବିଶ୍ବବିଦ୍ୟାଳୟ ଭଲିବଲ ପ୍ରତିଯୋଗୀତାରେ ପ୍ରଶଂସନୀୟ ଖେଳ ପ୍ରଦର୍ଶନ କରୁଥିବା ନେଇ କେସିଙ୍ଗା କଲେଜ କର୍ତୃପକ୍ଷ ଠାରୁ ମିଳିଥିବା ସୂଚନା ଅନୁସାରେ ପ୍ରକାଶ। 

     ସୂଚନାଯୋଗ୍ୟ ଯେ ଆନ୍ତଃ ବିଶ୍ବବିଦ୍ୟାଳୟ ସ୍ତରୀୟ ଭଲିବଲ ଖେଳ ପ୍ରତିଯୋଗୀତା ପାଇଁ କଳାହାଣ୍ଡି ଜିଲ୍ଲା ମା’ ମାଣିକେଶ୍ଵରୀ ବିଶ୍ବବିଦ୍ୟାଳୟରୁ ମନୋନୀତ ହୋଇଛନ୍ତି ୧୦ ଜଣ ଛାତ୍ର। ସେମାନଙ୍କ ମଧ୍ୟରୁ କେବଳ କେସିଙ୍ଗା କଲେଜରେ ଅଧ୍ୟୟନ କରୁଥିବା ୫ ଜଣ ଛାତ୍ର ମନୋନୀତ ହୋଇଥିବାରୁ ଅଞ୍ଚଳ ପାଇଁ ଗୌରବର ବିଷୟ । ସେମାନେ ହେଉଛନ୍ତି ଯୁକ୍ତ ତିନି ଦ୍ବିତୀୟ ବର୍ଷ ବାଣିଜ୍ୟ ବିଭାଗର ଛାତ୍ର ପ୍ରିୟାଶୁ୍° କରୁଆ,ଶିବା ନାଏକ,ଯୁକ୍ତ ତିନି ଦ୍ବିତୀୟ ବର୍ଷ କଳା ବିଭାଗର ଛାତ୍ର ସୌମ୍ୟରଞ୍ଜନ ପାଣିଗ୍ରାହୀ,ଖଗେଶ୍ବର ମାଝୀ ଓ ଶେଷ ବର୍ଷ ବିଜ୍ଞାନ ବିଭାଗ ଛାତ୍ର ରାଜ କୁମାର । ଆନ୍ତଃ ବିଶ୍ବବିଦ୍ୟାଳୟ ଭଲିବଲ ପ୍ରତିଯୋଗୀତାରେ କେସିଙ୍ଗା କଲେଜର  ୫ ଜଣ ଛାତ୍ର ଙ୍କ ପ୍ରଶଂସନୀୟ ଭଲିବଲ ଖେଳକୁ ନେଇ କେସିଙ୍ଗା କଲେଜ ଗୌରବାନ୍ନିତ ବୋଲି କଲେଜ ଅଧ୍ୟକ୍ଷ ସୁଶାନ୍ତ କୁମାର ପାଢ଼ୀ  କହିଛନ୍ତି। 

ଆହୁରି ପଢନ୍ତୁ : ଗଛରେ ପିଟି ହେଲା ବାଇକ, ଯୁବକ ମୃତ