ବାରଙ୍ଗ,୧୦/୧୧: ନନ୍ଦନକାନନ ପ୍ରାଣୀ ଉଦ୍ୟାନର ୨୯(ଖ) ଖୁଆଡ଼ରେ ରହୁଥିବା ଆଫ୍ରିକୀୟ ସିଂହୀ ‘ବିନି’ର ଗୁରୁବାର ମୃତ୍ୟୁ ଘଟିଛି । ମୃତ୍ୟୁର କାରଣ ଜଣାପଡ଼ିନାହିଁ । ଶୁକ୍ରବାର ଓୟୁଏଟିର ଡାକ୍ତରୀ ଟିମ ମୃତଦେହ ବ୍ୟବଚ୍ଛେଦ କରିବା ପରେ ନମୁନାକୁ ପରୀକ୍ଷା ପାଇଁ ପଠାଇଛନ୍ତି ।
କିଛି ଦିନ ହେବ ସିଂହୀ ‘ବିନି’ ଅସୁସ୍ଥ ଥିଲା । ଠିକ୍ ଭାବରେ ସେ ଖାଦ୍ୟ ଗ୍ରହଣ କରୁନଥିଲା । ପ୍ରାଣୀ ଚିକିତ୍ସାଳୟର ଡାକ୍ତରୀ ଟିମ ତା’ର ଚିକିତ୍ସା କରିଥିଲେ । ସ୍ୱାସ୍ଥ୍ୟରେ ପରିବର୍ତ୍ତନ ନହେବାରୁ ଓୟୁଏଟି ଡାକ୍ତରୀ ଦଳଙ୍କ ସାହାଯ୍ୟ ନିଆଯାଇଥିଲା । ମାତ୍ର ଦୁଇ ଡାକ୍ତରୀ ଟିମର ଚିକିତ୍ସା ସତ୍ତେ୍ୱ ‘ବିନି’ ଆଖି ବୁଜିଥିଲା । ସିଂହୀ ବିନିର ମୃତ୍ୟୁ ପରେ ପ୍ରାଣୀ ଉଦ୍ୟାନରେ ସିଂହ ସଂଖ୍ୟା ୨୧କୁ ଖସିଆସିଛି ।
