ପ୍ରମୁଖ ଖବର
  • ଗଗନ ଯାନ ମିଶନ ପାଇଁ ୪ ମହାକଶଚାରୀଙ୍କ ନାଁ ଘୋଷଣା କଲା ଇସ୍ରୋ, ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ନାଁ ଘୋଷଣା ହୋଇଛି
  • ||
  • ମିଶନ ଶକ୍ତି ବଜାର ଶୁଭାରମ୍ଭ, ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ
  • ||
  • ଆଜି ଓୟୁଟିଆର୍‌ରେ ପ୍ରଥମ ସମାବର୍ତ୍ତନ ଉତ୍ସବ, ସଭାପତିତ୍ୱ କରିବେ ରାଜ୍ୟପାଳ
  • ||
  • ମଙ୍ଗଳବାର ୟୁପି ରାଜ୍ୟସଭା ନିର୍ବାଚନ, ବିଜେପିକୁ ସମର୍ଥନ କରିବେ ରାଜା ଭୈୟା
  • ||
  • ବିନିକାରୁ ଅପହୃତ ବ୍ୟବସାୟୀ ବୁର୍ଲାରୁ ଉଦ୍ଧାର, ପୁଲିସର ବ୍ଲକିଂ ଦେଖି ଗୋଲଗୁଣ୍ଡା ପାଖରେ ଛାଡ଼ି ଅପହର୍ତ୍ତା ଫେରାର
  • ||
  • ୨୯ରେ ଶ୍ରୀମନ୍ଦିର ପରିଚାଳନା କମିଟି ବୈଠକ, ଉପସ୍ଥାପିତ ହେବ ରତ୍ନଭଣ୍ଡାର ଲେଜର ସ୍କାନିଂ ରିପୋର୍ଟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସ ୯ ଓ୍ବିକେଟ୍ ବିଜୟୀ, ୟୁପି ୱାରିୟର୍ସର ଦ୍ୱିତୀୟ ପରାଜୟ
  • ||
  • ବୁଧବାରଠୁ ୪ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ରାଷ୍ଟ୍ରପତି, ଆଜି କାର୍‌କେଡ୍‌ ରିହର୍ସାଲ କରିବ ଓଡ଼ିଶା ପୁଲିସ୍‌
  • ||
  • ଶନିବାର ବାରବାଟୀ ଷ୍ଟାଡିୟମ୍‌ ପ୍ରକଳ୍ପର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ, ୪୧ଟି କ୍ରିକେଟ୍‌ ଏକାଡେମୀ ହେବ ଲୋକାର୍ପଣ
  • ||
  • ଆସନ୍ତା ୩ ତାରିଖ ଯାଏ ବର୍ଷା ସମ୍ଭାବନା, ବିଭିନ୍ନ ଜିଲ୍ଲାକୁ ଆଲର୍ଟ ଜାରି
  • ||

ଆବାସ ଯୋଜନା କାହା ପାଇଁ , ପ୍ରଶ୍ନ କରୁଛନ୍ତି ହାତଭାଗିନୀ ଗୁରୁବାରୀ : ବ୍ଲକ ପ୍ରଶାସନ ପାଖରେ ଖବର ନାହିଁ

କୋକସରା - ତାଙ୍କର ନିଜର ବୋଲି ଆଉ କେହି ନାହାନ୍ତି। ସ୍ୱାମୀ ଓ ପୁଅ ୨୦ବର୍ଷ ତଳେ ଆର ପାରିକୁ ଯିବା ପରେ ନିଜ ଭାଗ୍ୟକୁ ଆଦରି ଭଙ୍ଗା ଇଟା କୁଡିଆରେ ପଡି ରହିଛନ୍ତି ବୃଦ୍ଧା ଗୁରୁବାରୀ ମାଝ। କୋକସରା ବ୍ଲକ ଲଡୁଗାଁ ପଞ୍ଚାୟତ ଆଇଲି ଗାଁରେ ରହୁଛନ୍ତି ଗୁରୁବାରୀ ମାଝୀ, ବୟସ ପାଖାପାଖି ୬୬ ହେବ। ସ୍ୱାମୀ ରାମ ମାଝୀ ଓ ପୁଅଙ୍କୁ ଦଇବ ଛଡାଇ ନେବାପରେ ଅତି ଦୁର୍ବିସହ ଜୀବନ କାଟୁଛନ୍ତି ବୃଦ୍ଧା ଜଣକ। ଓଳିଏ ଖାଇଲେ ଓଳିଏ ଓପାସ। ସ୍ୱାମୀ ଓ ପୁଅକୁ ହରାଇ ସେ ଖରା ବର୍ଷାରେ ମୁଣ୍ଡ ଗୁଞ୍ଜିବାକୁ ଭଲ ଘରଟିଏ ମଧ୍ୟ ନାହିଁ। ଯେଉଁ ଭଙ୍ଗା ଦଦରା ଘର ବଖରାଟିଏ ଅଛି ତାର ଅବସ୍ଥା ଆପଣମାନେ ଦେଖିଲେ ହିଁ ଜାଣି ପାରିବେ।

ବାରମ୍ବାର ପଞ୍ଚାୟତରେ ଆବାସ ଘର ଖଣ୍ଡିଏ ପାଇଁ ଆବେଦନ କରିଛନ୍ତି, ହେଲେ ବିଧବା ଗୁରୁବାରୀଙ୍କ ପାଇଁ ପଞ୍ଚାୟତ ସରପଞ୍ଚ ଓ କର୍ମଚାରୀଙ୍କ ଦରଦ ବା କାହୁଁ ଆସିବ। ଥିଲା ବାଲା ଲୋକଙ୍କୁ ଆବାସ ଘରେ ସାମିଲ କରୁଥିବା ବେଳେ ଗୁରୁବାରୀଙ୍କ ପରି ଦୁଃଖୀଙ୍କ ପାଇଁ ଆଖି ବୁଜି ଦେଇଛି ପ୍ରଶାସନ।

ଏଇ ଅସହାୟ ବୃଦ୍ଧା ଗୁରୁବାରିଙ୍କ ସମ୍ପତ୍ତି କହିଲେ ଖଣ୍ଡେ ଦିଖଣ୍ଡ ଭଙ୍ଗା ଦଦରା ଟିଣ ବାକ୍ସ, ଆଉ ଅଧା ଖଣ୍ଡିଆ ଭଙ୍ଗା ଘର, ଦିନରେ ସୂର୍ଯ୍ୟ ଓ ରାତିରେ ତାରା ଦେଖାଯାଉଛି ଭଙ୍ଗା ଘର ଥିବା ଫାଙ୍କରୁ। ବେଳେ ବେଳେ ନିଜ ଭାଗ୍ୟକୁ ନିନ୍ଦି କାନ୍ଦନ୍ତି ଗୁରୁବାରୀ। 

ସେପଟେ ଯୋଜନାରୁ ବଞ୍ଚିତ ହୋଇଥିବା ଜାଣି ମନରେ ପ୍ରଶ୍ନ ଉଠେ ସରକାରଙ୍କ ଏ ବିଚିତ୍ର ବ୍ୟବସ୍ଥା ଉପରେ। ଏନେଇ କୋକସରା ବିଡ଼ିଓ ସ୍ନେହାପ୍ରଭା ମାଝୀଙ୍କ ପ୍ରତିକ୍ରିୟା ନେବାରୁ ସେ କହିଥିଲେ - ତଦନ୍ତ କରି ଆବାସ ଯୋଜନାରେ ତାଙ୍କ ନାଁ ରହିଛି କି ନାହିଁ, ତାହା ଦେଖିବା ପରେ ଯଦି କୌଣସି ଅନିୟମିତତା ରହିଛି ତାହେଲେ ତାଙ୍କୁ ଶୀଘ୍ର ଆବାସ ଯୋଜନାରେ ସାମିଲ କରି ପରବର୍ତ୍ତୀ ସମୟରେ ଘର ଦିଆଯିବ। ଆଶା ବିଡ଼ିଓ ମହାଶୟା , ବୃଦ୍ଧା ଗୁରୁବାରୀଙ୍କର ଅସହାୟତାକୁ ହୃଦୟଙ୍ଗମ କରି ଆବାସ ଘର ଯୋଗାଇ ଦେଇ ଜୀବନର ଅପରାହ୍ନରେ ପହଞ୍ଚି ଥିବା ଗୁରୁବାରୀଙ୍କ ମୁହଁରେ ହସ ଫୁଟାଇବେ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.