ପ୍ରମୁଖ ଖବର
  • ଚଣ୍ଡିଗଡ଼ ମେୟର ନିର୍ବାଚନ: ଆପ୍‌ ପ୍ରାର୍ଥୀ ବିଜୟୀ , ଫଳାଫଳ ଘୋଷଣା କଲେ ସୁପ୍ରିମକୋର୍ଟ
  • ||
  • ଭାରତ-ଇଂଲଣ୍ଡ ଚତୁର୍ଥ ଟେଷ୍ଟ: ଇଣ୍ଡିଆନ୍ ସ୍କ୍ବାର୍ଡକୁ ଫେରିବେ କେ.ଏଲ୍‌ ରାହୁଲ
  • ||
  • କଣ୍ଟାବାଞ୍ଜି ବିଧାୟକଙ୍କୁ ହତ୍ୟା ଧମକ ଘଟଣା, ନଗର କଂଗ୍ରେସ କମିଟି ପକ୍ଷରୁ ୧୨ ଘଣ୍ଟିଆ ବନ୍ଦ ପାଳନ
  • ||
  • ମଙ୍ଗଳବାର ଦିନିକିଆ ସମ୍ବଲପୁର ଗସ୍ତରେ ଆସୁଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଲୋକାର୍ପଣ ହେବ ସ୍କିଲ୍‌ ଇଣ୍ଡିଆ ସେଣ୍ଟର
  • ||
  • ମାଟ୍ରିକ୍ ପରୀକ୍ଷା ପୂର୍ବରୁ ଝୁଲିପଡିଲେ ଛାତ୍ର, ମୃତ୍ୟୁର କାରଣ ଅସ୍ପଷ୍ଟ
  • ||
  • ଶ୍ରୀମନ୍ଦିର ପ୍ରଶାସନ ପକ୍ଷରୁ ୨୦୨୪-୨୫ ପର୍ବପର୍ବାଣୀ ତାଲିକା ପ୍ରକାଶ: ଜୁନ୍‌ ୨୨ରେ ସ୍ନାନ ଯାତ୍ରା, ଜୁଲାଇ ୭ରେ ଶ୍ରୀଗୁଣ୍ଡିଚା
  • ||
  • ରାଜ୍ୟର ୯୬ ଲକ୍ଷ ପରିବାରକୁ ମିଳିବ ହଜାରେ ଲେଖାଏଁ, ଆଜି ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ବୁର୍ଜା ଛକ ନିକଟରେ ଦୁଇ ବାଇକ୍ ମୁହାଁମୁହିଁ ଧକ୍କା: ଚାଲିଗଲା ଦୁଇ ଜୀବନ, ୨ ଆହତ
  • ||
  • ମଙ୍ଗଳବାର ବରଗଡ଼ ଗସ୍ତରେ ଯିବେ ମୁଖ୍ୟମନ୍ତ୍ରୀ, ଗଙ୍ଗାଧର ସେଚ ପ୍ରକଳ୍ପର କରିବେ ଲୋକାର୍ପଣ
  • ||
  • ମାଘରେ ବଢ଼ୁଛି ତାତି: ଟିଟଲାଗଡ଼ ପାଲଟିଲାଣି ତତଲା ସହର, ୩୬ ଡିଗ୍ରୀ ପାର୍ ତାପମାତ୍ରା, ୨୪ରୁ ଘଡଘଡି ସହ ବର୍ଷା ସମ୍ଭାବନା
  • ||
  • ମଙ୍ଗଳବାରଠୁ ମାଟ୍ରିକ ପରୀକ୍ଷା: ୫ଲକ୍ଷ ୫୧ ହଜାର ୬୨୧ଛାତ୍ରଛାତ୍ରୀ ଦେବେ ପରୀକ୍ଷା, କପି ଜଗିବ AI କ୍ୟାମେରା
  • ||

ଘୃଣାର ବଜାରରେ ପ୍ରେମର ଦୋକାନ ଖୋଲିବାକୁ ଆସିଛି: ରାହୁଲ

ରାଉରକେଲା/ବୀରମିତ୍ରପୁର, ୬।୦୨: ଓଡ଼ିଶା ଆସି ବହୁତ ଭଲ ଲାଗୁଛି । ଓଡ଼ିଶାବାସୀଙ୍କ ଏତେ ଭଲ ପାଇବା ଦେଖି ଖୁସି ଲାଗିଲା । ଏହି ସରଳ ବିଶ୍ୱାସୀ ଓଡ଼ିଶାବାସୀଙ୍କ ପାଇଁ ଲଢ଼ିବା ସହ ନ୍ୟାୟ ପ୍ରଦାନ ଦିଗରେ କାର୍ଯ୍ୟ କରିବି । କେନ୍ଦ୍ର ଓ ରାଜ୍ୟ ସରକାର ମିଳିତ ଭାବେ ସଲାସୁତରା ହୋଇ ଦୀର୍ଘ ବର୍ଷ ହେବ ଏଠାରେ ଦୁର୍ନୀତି, ଅନ୍ୟାୟ କରି ଆସୁଛନ୍ତି । ଏହା ବିରୋଧରେ ସ୍ୱର ଉଠାଇବାକୁ ଆସିଥିବା ବେଳେ ଏଥିପାଇଁ ଆପଣମାନଙ୍କ ସହଯୋଗ ଆବଶ୍ୟକ । ଏପରିକି ରାଜ୍ୟ ତଥା ଦେଶରେ ଚାଲିଥିବା ଘୃଣାର ବଜାରରେ ପ୍ରେମର ଦୋକାନ ଖୋଲିବାକୁ ଆସିଛି (ନଫ୍‌ରତ କି ଦୁନିଆମେଁ ପ୍ରେମ୍‌ କି ଦୁକାନ୍‌ ଖୋଲନେ ଆୟା ହୁଁ) ବୋଲି କଂଗ୍ରେସର ବରିଷ୍ଠ ନେତା ତଥା ସାଂସଦ ରାହୁଲ ଗାନ୍ଧି କହିଛନ୍ତି । ଝାଡ଼ଖଣ୍ଡର ସୀମଡେଗାରେ କାର୍ଯ୍ୟକ୍ରମ ସାରି ରାହୁଲ ଓଡ଼ିଶା ଅଭିମୁଖେ ବାହାରିଥିଲେ । ପ୍ରାୟ ୪୩ କିଲୋମିଟର ଅତିକ୍ରମ କରି ଓଡ଼ିଶାରେ ପ୍ରବେଶ କରିବା ପରେ ଦୀର୍ଘ ସମୟ ଧରି ଅପେକ୍ଷା କରି ରହିଥିବା ଉତ୍ସାହିତ ନେତା ଓ କର୍ମୀମାନେ ରାହୁଲ ଗାନ୍ଧି ଜିନ୍ଦାବାଦ, ସୋନିଆ ଗାନ୍ଧି ଜିନ୍ଦାବାଦ, ଆମେ ରାହୁଲଙ୍କ ସାଙ୍ଗରେ ଅଛୁ, ଜିତିବରେ ଭାଇ ଜିତିବ, କଂଗ୍ରେସ ଜିତିବ ଆଦି ସ୍ଲୋଗାନ ଦେଇଥିଲେ । ଓଡ଼ିଶାରୁ ଝାଡ଼ଖଣ୍ଡକୁ ଲମ୍ବିଥିବା ୧୪୩ ନମ୍ବର ଜାତୀୟ ରାଜପଥର ବୀରମିତ୍ରପୁର ସୀମା ଅଞ୍ଚଳ ଲୋକାରଣ୍ୟ ଥିଲା । ନେତା ଓ କର୍ମୀମାନେ ହାତରେ କଂଗ୍ରେସ ପତାକା ଧରି ରାହୁଲଙ୍କୁ ସ୍ୱାଗତ କରିଥିଲେ । 

ଫଳରେ ରାଜପଥରେ ଗାଡ଼ି ଚଳାଚଳ ଏକପ୍ରକାର ବନ୍ଦ ହୋଇଯାଇଥିଲା ।  ବୀରମିତ୍ରପୁର ସୀମାରେ ଭାରତ ଯୋଡ଼ୋ ନ୍ୟାୟ ଯାତ୍ରା ପହଞ୍ଚିବା ପରେ ଝାଡ଼ଖଣ୍ଡ କଂଗ୍ରେସ ପକ୍ଷରୁ ପିସିସି ସଭାପତିଙ୍କୁ ପତାକା ହସ୍ତାନ୍ତର କରାଯାଇଥିଲା । ଏହା ପରେ ପିସିସି ସଭାପତି ଶରତ ପଟ୍ଟନାୟକ ରାହୁଲଙ୍କୁ ଶ୍ରୀଜଗନ୍ନାଥଙ୍କ ଖଣ୍ଡୁଆ ପ୍ରଦାନ କରି ସ୍ୱାଗତ କରିଥିଲେ । ଓଡ଼ିଶା ପ୍ରଚାର କମିଟି ଅଧ୍ୟକ୍ଷ ବିଜୟ କୁମାର ପଟ୍ଟନାୟକ ରାହୁଲଙ୍କୁ ଉତ୍ତରୀୟ ଦେଇ ମଞ୍ଚ ଉପରକୁ ପାଛୋଟି ନେଇଥିଲେ । ଏହି ଅବସରରେ ହଜାର ହଜାର ଜନସାଧାରଣଙ୍କୁ ଉଦ୍‌ବୋଧନ ଦେଇ ରାହୁଲ କହିଥିଲେ, ଝାଡ଼ଖଣ୍ଡରୁ ଆସି ଓଡ଼ିଶା ପହଞ୍ଚିବା ବେଳେ ଏତେ ସଂଖ୍ୟାର ଜନତାଙ୍କ ଭଲ ପାଇବା ଦେଖି ଖୁସି ଲାଗୁଛି । ଭାରତ ଯୋଡ଼ୋ ଯାତ୍ରାର ଆଭିମୁଖ୍ୟ ବିଷୟରେ କହିବା ସହ ଦେଶକୁ ଯୋଡ଼ିବା ହେଉଛି ଏହି ଯାତ୍ରାର ମୂଳ ଲକ୍ଷ୍ୟ ବୋଲି କହିଥିଲେ । ପୂର୍ବଥର କନ୍ୟାକୁମାରୀ ଠାରୁ ପଦଯାତ୍ରା ଆରମ୍ଭ କରି କାଶ୍ମୀର ପର୍ଯ୍ୟନ୍ତ ଯାଇଥିବା ବେଳେ ସେଥିରେ ଝାଡ଼ଖଣ୍ଡ, ଓଡ଼ିଶା ସମେତ ଅନ୍ୟ ରାଜ୍ୟର ଜନତା ମଧ୍ୟ ଯୋଗ ଦେଇଥିଲେ । ସେହି ସମୟରେ ଅନ୍ୟ ରାଜ୍ୟରେ ଦୁର୍ନୀତି, କୁଶାସନ, ଅନ୍ୟାୟ ହେଉଥିବା କଥା ଜଣାଇଥିଲେ । ଯାହାକି ଅନ୍ୟ ରାଜ୍ୟକୁ ମଧ୍ୟ ଏହି ଯାତ୍ରା କରି ଅନ୍ୟାୟ, ଦୁର୍ନୀତି ବିରୋଧରେ ଲଢ଼ିବା ପାଇଁ ସେ ଆହ୍ୱାନ ଦେଇଥିଲେ ।  

ତେଣୁ ଦ୍ୱିତୀୟ ପର୍ଯ୍ୟାୟରେ ମଣିପୁରରୁ ଆରମ୍ଭ କରି ମହାରାଷ୍ଟ୍ର ପର୍ଯ୍ୟନ୍ତ ନ୍ୟାୟ ଯାତ୍ରା ହେବ । ତେବେ ଗରିବ, ଦଳିତ, କୃଷକ ଓ ମହିଳାଙ୍କ ପ୍ରତି ହେଉଥିବା ଅନ୍ୟାୟ ପ୍ରତିବାଦରେ ଏହି ଯାତ୍ରା ଜାରି ରହିବ ବୋଲି ସେ କହିଥିଲେ । ଓଡ଼ିଶାରେ ଆଜି ପହଞ୍ଚିଥିବା ବେଳେ ପ୍ରାୟ ୨ଦିନ ପର୍ଯ୍ୟନ୍ତ ରହି ଲୋକଙ୍କ କଥା ଓ ଅଭିଯୋଗ ଶୁଣିବା ସହ ନ୍ୟାୟ ପ୍ରଦାନ ଦିଗରେ ପଦକ୍ଷେପ ନେବି ବୋଲି କହିଥିଲେ । ପୂର୍ବରୁ ବିଧାୟକ ସୁରେଶ ରାଉତରାୟ ଓ ତାରାପ୍ରସାଦ ବାହିନୀପତି ଉପସ୍ଥିତ ଜନତା ଓ ଯୁବପିଢ଼ିଙ୍କୁ ରାଜ୍ୟ ଓ କେନ୍ଦ୍ର ସରକାରଙ୍କ ମିଳିତ କୁଶାସନ ବିରୋଧରେ ଲଢ଼ିବା ପାଇଁ ଆହ୍ୱାନ ଦେଇଥିଲେ । ଏହି କାର୍ଯ୍ୟକ୍ରମରେ ଅଖିଳ ଭାରତୀୟ କଂଗ୍ରେସ କମିଟି ଓ ପ୍ରଦେଶ କଂଗ୍ରେସ କମିଟିର ସଦସ୍ୟମାନେ ଉପସ୍ଥିତ ଥିଲେ । ଆଜି ଅର୍ଥାତ୍‌ ୭ ତାରିଖ ସକାଳ ୮.୪୫ରେ ରାହୁଲ ଗାନ୍ଧି ଶିବିର ଛାଡ଼ି ବେଦବ୍ୟାସ ଶୈବପୀଠକୁ ଯାଇ ସେଠାରେ ମହାଦେବଙ୍କ ଦର୍ଶନ କରିଛନ୍ତି । ସେଠାରୁ ବାହାରି ସକାଳ ୯ଟା ୩୦ରେ ରାଉରକେଲା ଉଦିତନଗର ଏସ୍‌ପି ଅଫିସ୍‌ ସମ୍ମୁଖ ଛକରେ ପହଞ୍ଚି ସେଠାରୁ ପଦଯାତ୍ରା ଆରମ୍ଭ କରିବେ । ଏହି ପଦଯାତ୍ରା ପାନପୋଷ ଛକ ଠାରେ ସକାଳ ପ୍ରାୟ ୧୧ଟାରେ ପହଞ୍ଚିବ । ସେଠାରେ ରାହୁଲ ଉପସ୍ଥିତ ଜନସାଧାରଣଙ୍କୁ ଉଦ୍‌ବୋଧନ ଦେବେ । 

ଏହାପରେ ଆଗକୁ ବଢ଼ି ରାଜଗାଙ୍ଗପୁରର ରାଣୀବନ୍ଧ ନିକଟ ବିର୍ସା ମୁଣ୍ଡା ପଡ଼ିଆଠାରେ ମଧ୍ୟାହ୍ନଭୋଜନ କରିବେ । ଅପରାହ୍ନ ୨ଟାରେ ରାଣୀବନ୍ଧ ଠାରୁ ପୁଣି ଯାତ୍ରା ଆରମ୍ଭ କରିବେ ଏବଂ କୁତ୍ରାରେ ସେ ଜନସାଧାରଣଙ୍କୁ ଉଦ୍‌ବୋଧନ ଦେବେ । ବଡ଼ଗାଁ ଠାରେ ମଧ୍ୟ ସେ ଜନସାଧାରଣଙ୍କୁ ଉଦ୍‌ବୋଧନ ଦେବାର କାର୍ଯ୍ୟକ୍ରମ ରହିଛି । ବଡ଼ଗାଁରୁ ବାହାରିବା ପରେ ସୁନ୍ଦରଗଡ଼ ବସଷ୍ଟାଣ୍ଡ ଛକରେ ଅପରାହ୍ନ ସାଢ଼େ ୪ଟାରେ ପହଞ୍ଚି ପଦଯାତ୍ରା କରିବେ । ଏହି ପଦଯାତ୍ରା ଷ୍ଟାଡିୟମ ଛକ ଓ ସୁନ୍ଦରଗଡ଼ ଏସ୍‌ବିଆଇ ଛକ ହୋଇ ଯିବ । ସେଠାରୁ ଝାରସୁଗୁଡ଼ା ଅଭିମୁଖେ ଯାଇ ଅମଲିପାଲି ଠାରେ ରାହୁଲ ରାତ୍ରିଯାପନ କରିବେ ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.