ଖଣ୍ଡପଡ଼ା, ୦୮/୧୨ : ଭାପୁର ବ୍ଲକ ଗୋବର୍ଦ୍ଧନ ପ୍ରସାଦ ଗାଁରେ ଖଣ୍ଡପଡ଼ା ଅବକାରୀ ବିଭାଗର ଚଢାଉ। ଦେଶୀ ମଦ ସହ ବୋଲେରୋ ଗାଡି ଓ ମଦ ପାଉଚ ତିଆରି ମେସିନ୍ ଜବତ କଲା ଅବକାରୀ ବିଭାଗ। ଏହା ସହ ୩ ଅଭିଯୁକ୍ତ ଗିରଫ ହୋଇଛନ୍ତି।
ବିଭିନ୍ନ ସୂତ୍ରରୁ ଖବର ପାଇ ରାଜ୍ୟ ଅବକାରୀ ବିଭାଗର ଫ୍ଲାଇଙ୍ଗ୍ ସ୍କ୍ଵାଡ ଗୁରୁବାର ରାତିରେ ଭାପୁର ବ୍ଲକ ଗୋବର୍ଦ୍ଧନ ପ୍ରସାଦ ଗାଁର ତପନ ସାହୁଙ୍କ ଘରେ ଚଢ଼ାଉ କରିଥିଲା। ଚଢ଼ାଉ ସମୟରେ ବିଭାଗ ପକ୍ଷରୁ ଦେଶୀ ମଦ ପାଉଚ ମେସିନ୍, ଦେଶୀ ମଦ, ଏକ ବୋଲେରୋ ଗାଡି, ଲକ୍ଷାଧିକ ତାଙ୍କର ଦେଶୀ ମଦ ଜବତ କରାଯାଇଛି। ଏଥିରେ ସମ୍ପୃକ୍ତ ୩ ଜଣଙ୍କୁ ଗିରଫ କରିଥିବା ସୂଚନା ମିଳିଛି। ଖଣ୍ଡପଡ଼ା ଅଞ୍ଚଳରେ ବ୍ୟାପକ ଦେଶୀ ମଦ ବେଆଇନ ଭାବେ ବିକ୍ରି ହେଉଥିବା ଅଭିଯୋଗ ହୋଇଆସୁଥିଲା।