ମୁମ୍ୱାଇ : ଶାହରୁଖ ଖାନଙ୍କର ଫିଲ୍ମ ‘ଯବାନ’ ରିଲିଜ୍‌ ହୋଇ ଯାଇଛି। ପ୍ରଶଂସକଙ୍କ ହଲ୍‌ରେ ଜମିଛି ଭିଡ଼। କିନ୍ତୁ ଏହି ଭିତରେ ଫିଲ୍ମକୁ ନେଇ ଏକ ଖରାପ ଖବର ସାମନାକୁ ଆସିଛି । ଫିଲ୍ମର ରିଲିଜ ପୂର୍ବରୁ ପ୍ରତି ଅଭିନେତା , ଫିଲ୍ମମେକରଙ୍କୁ ଯେଉଁ କଥାର ଡ଼ର ଥିଲା , ତାହା ଏବେ ହୋଇ ଯାଇଛି। ବାସ୍ତବରେ , ପ୍ରଥମ ଦିନ ଫିଲ୍ମ ରିଲିଜ ହେବା କ୍ଷଣି ଲିକ୍‌ ହୋଇ ଯାଇଛି , ଯେଉଁଥିରେ ଫିଲ୍ମ ମେକରଙ୍କର ଟେନସନ ବଢ଼ି ଯାଇଛି। ଯବାନ ଗୋଟିଏ ନୁହେଁ ଅନେକ ପାଇରେଟେଡ୍ ୱେବସାଇଟ୍‌ରେ ଲିକ୍‌ ହୋଇ ଯାଇଛି। ଫିଲ୍ମର ଲିକ୍‌ ହେବାରେ ତାର ଆୟ ଉପରେ ପ୍ରଭାବ ପଡ଼ିପାରେ।

‘ଯବାନ କମ୍ପ୍ୟୁଟର ଗେମ୍‌ ଭଳି କଚରା ଫିଲ୍ମ’ , ସେନ୍ସର ସ୍କ୍ରିନିଂ ପରେ କେଆରକେ ସେୟାର କଲେ ରିଭ୍ୟୁ ... 

ପ୍ରଥମ ଦିନର ଆୟ –

ବର୍ତ୍ତମାନ ଯେଉଁ ରିପୋର୍ଟ ସାମନାକୁ ଆସିଛି ଏହା ମୁତାବିକ ଫିଲ୍ମଟି ପ୍ରଥମ ଦିନ ଧମାକାପୂର୍ଣ୍ଣ ଆୟ କରିଛି। sacnilkର ରିପୋର୍ଟ ଅନୁସାରେ , ଫିଲ୍ମ ୭୫ କୋଟିର ଆୟ କରିଛି। ଏହି ଆୟ ସବୁ ଭାଷାରେ ରିଲିଜକୁ ମିଶାଇ ହୋଇଛି। ହିନ୍ଦିରେ ଫିଲ୍ମ ୬୫ ନେଟ୍‌ ଓ ୭୭ ଗ୍ରସ୍‌ ଆୟ କରିଛି। ତାମିଲରେ ୪ କୋଟି ନେଟ୍‌ , ୪.୭୫ କୋଟି ଗ୍ରସ୍ । ତେଲୁଗୁରେ ୪କୋଟି ନେଟ୍‌ ଓ ୪.୭୫ କୋଟି ଗ୍ରସ୍‌ ଆୟ କରିଛି। ଯଦି ଫିଲ୍ମକୁ ପଜିଟିଭ୍‌ ରେସ୍ପନ୍ସ ମିଳେ ତ ଆୟରେ ଜବରଦସ୍ତ ବୃଦ୍ଧି ଦେଖିବାକୁ ମିଳିବ। 

ଫିଲ୍ମ ଯବାନ ବିଷୟରେ ଯଦି କହିବା ତ ଏହି ଫିଲ୍ମର ଏଟଲି ନିର୍ଦ୍ଦେଶକ ଅଛନ୍ତି। ଏହା ପ୍ରଥମ ହିନ୍ଦି ଫିଲ୍ମ ଯାହାକୁ ଏଟଲି ନିର୍ଦ୍ଦେଶନା ଦେଇଛନ୍ତି। ସେପଟେ ନୟନତାରାଙ୍କର ଏହା ମଧ୍ୟ ପ୍ରଥମ ହିନ୍ଦି ଫିଲ୍ମ। ଫିଲ୍ମରେ ଦୀପିକାଙ୍କର ସ୍ପେଶାଲ ରୋଲ୍‌ ରହିଛି ଏବଂ ସୋସିଆଲ ମିଡ଼ିଆରେ ତାଙ୍କର ଖୁବ୍‌ ପ୍ରଶଂସା ବି କରାଯାଉଛି। ଫିଲ୍ମରେ ଶାହରୁଖ ଇଣ୍ଟେଲିଜେନ୍ସ ଅଫିସର ଓ ଚୋର ଚରିତ୍ରରେ ନଜର ଆସୁଛନ୍ତି। ଫିଲ୍ମର ସୁଟିଂ ପୁଣେ , ମୁମ୍ୱାଇ , ହାଇଦ୍ରାବାଦ , ଚେନ୍ନାଇ , ରାଜସ୍ଥାନରେ ହୋଇଛି ।