କୋକସରା, ୧୦/୧୧ : କୋକସରା ଥାନା ଅନ୍ତର୍ଗତ କୋକସରା ଗାଁରେ ରହୁଥିବା ସୁଦର୍ଶନ ନାଏକଙ୍କ ବଡ଼ପୁଅ ଲବ ନାଏକଙ୍କ ଝୁଲନ୍ତା ମୃତଦେହ ଆରଆଇ ଅଫିସ ପଛପଟୁ ଉଦ୍ଧାର କରାଯାଇଛି । ସୂଚନା ଅନୁଯାୟୀ କୋକସରା ଆର ଆଇ ଅଫିସ ପଛପାଖରେ ରହୁଥିବା ସୁଦର୍ଶନ ନାଏକଙ୍କ ବଡ଼ପୁଅ ଲବ(୨୪) କୌଣସି କାରଣକୁ ନେଇ ଆତ୍ମହତ୍ୟା କରିଥିବା ଜଣାପଡ଼ିଛି । ସେ ସ୍ଥାନୀୟ ପଞ୍ଚାୟତରେ ସଫେଇ କର୍ମଚାରୀ ଭାବେ କାର୍ଯ୍ୟ କରୁଥିଲେ। ସେ ବିବାହିତ ହୋଇଥିବାବେଳେ ତାଙ୍କର ଦୁଇ ବର୍ଷର ଏକ ଶିଶୁପୁତ୍ର ରହିଛି । ତେବେ ଆଜି ମଧ୍ୟାହ୍ନରେ ଘର ନିକଟରେ ଥିବା ପିଜୁଳି ଗଛରେ ଏକ ଓଢଣୀରେ ଲବଙ୍କ ଝୁଲନ୍ତା ଶବ ରହିଥିବା ଦେଖି ପରିବାର ଲୋକେ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ କୋକସରା ଡାକ୍ତରଖାନାରେ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରି ଏକ ଅପମୃତ୍ୟୁ ମାମଲା କେଶ ନଂ୨୫/୨୩ରେ ରୁଜୁ କରି ଘଟଣାର ତଦନ୍ତ ଜାରି ରଖିଛି ।