ମାଲକାନଗିରି,୨୮/୨ :ରାଜ୍ୟ ସରକାରଙ୍କ ସ୍ୱାସ୍ଥ୍ୟ ବିଭାଗର କାୟାକଳ୍ପ ଟିମ ଜିଲ୍ଲାର ବିଭିନ୍ନ ସ୍ବାସ୍ଥ୍ୟକେନ୍ଦ୍ର ପରିଦର୍ଶନ କରି ସ୍ୱାସ୍ଥ୍ୟ ବ୍ୟବସ୍ଥା ପରଖିବା ସହିତ ରୋଗୀସେବା ଠାରୁ ଅନ୍ୟାନ ଉନ୍ନୟନମୂଳକ କାର୍ଯ୍ୟ ତଦାରଖ କରିଛନ୍ତି । ରାଜ୍ୟ ସ୍ୱାସ୍ଥ୍ୟ ବିଭାଗ ସହକାରୀ ନିର୍ଦ୍ଦେଶକ ଡା. ପ୍ରମୋଦ କୁମାର ଦେଙ୍କ ନେତୃତ୍ବରେ ଡା. ବିଜୟ କୁମାର, ଡା ହୃଷୀକେଶ ସାହୁଙ୍କ ସହିତ ସ୍ୱାସ୍ଥ୍ୟ ବିଭାଗର ସ୍ୱତନ୍ତ୍ର ଟିମ ଆଜି ମାଲକାନଗିରି ଜିଲ୍ଲା ହସ୍ପିଟାଲ, ଚିତ୍ରକୋଣ୍ଡା ଓ ମାଥିଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରିଦର୍ଶନ କରିଛନ୍ତି।
ହସ୍ପିଟାଲର ମୂଖ୍ୟ ୮ଟି ବିଭାଗ ସହିତ ଅନ୍ୟାନ ବିଭାଗ ଉପରେ ଏହି ଟିମ୍ ତର୍ଜମା କରି ନିଜର ରେଟିଂ ପଏଣ୍ଟ ପ୍ରଦାନ କରିବା ପାଇଁ ହସ୍ପିଟାଲର ସ୍ବଚ୍ଛତା, ରୋଗୀ ସେବା, ପରିବେଶ ଉପରେ ଏହି ଟିମ୍ ଗୁରୁତ୍ବାରୋପ କରିଥିଲେ । ଏହି ଟିମ୍ ସ୍ବାସ୍ଥ୍ୟକେନ୍ଦ୍ରର ବିଭିନ୍ନ ୱାର୍ଡ, କାର୍ଯ୍ୟାଳୟ, ଶୌଚାଳୟ ସହ ବିଭିନ୍ନ ବିଭାଗ ବୁଲି ତଦାରଖ କରିଥିଲେ । ଏଥି ସହ ରୋଗୀମାନଙ୍କ ସହିତ ଆଲୋଚନା କରିଥିଲେ । ଜିଲ୍ଲା ମୂଖ୍ୟ ସ୍ୱାସ୍ଥ୍ୟ ଅଧିକାରୀ ଡାକ୍ତର ପ୍ରଫୁଲ କୁମାର ନନ୍ଦ, ଜିଲ୍ଲା ହସ୍ପିଟାଲ ଏଡିଏମଓ ଡାକ୍ତର ଅନିଲ ମିଶ୍ର ଓ ଅନ୍ୟାନ ଡାକ୍ତର ସ୍ୱାସ୍ଥ୍ୟ କର୍ମୀ ଙ୍କ ସହିତ ଏହି ଟିମ୍ ବିଭିନ୍ନ ବିଷୟରେ ଆଲୋଚନା କରିଥିଲେ। ଏହି ଅବସରରେ ଅନ୍ୟାନ ମାନଙ୍କ ମଧ୍ୟରେ ଅଙ୍କିତ ଜୈନ, ସଚୀନ ଗୌଡ଼, ହରିବନ୍ଧୁ ଦେଶିଆନାୟକ,ସୁଶାନ୍ତ ବିଶ୍ୱାଳ ପ୍ରମୁଖ ଉପସ୍ଥିତ ଥିଲେ ।