ଖପ୍ରାଖୋଲ, ୨୦/୧୧ : ଟ୍ରାକ୍ଟର ଚକ ତଳେ ଚାପି ହୋଇ ଶିଶୁ ମୃତ। ବଲାଙ୍ଗିର ଜିଲ୍ଲା ବେଲାପଡ଼ା ବ୍ଲକ ଖପ୍ରାଖୋଲ ଥାନା ଅନ୍ତର୍ଗତ କନ୍ଧେନଝୁଲ ଗ୍ରାମର କଣ୍ଟାବାଞ୍ଜିଆ ପଡ଼ାରେ ଏଭଳି ହୃଦୟବିଦାରକ ଘଟଣା ଘଟିଛି। ଏହି ଦୁର୍ଘଟଣା ପରେ ଗ୍ରାମରେ ଶୋକାକୂଳ ପରିବେଶ ସୃଷ୍ଟି ହୋଇଛି।
ସୂଚନା ଅନୁସାରେ, କଣ୍ଟାବାଞ୍ଜିଆ ପଡ଼ାର ମାୟାଧର ମାଝୀଙ୍କ ଝିଅ ଜୋତ୍ସ୍ନା ମାଝୀ (୩ ବର୍ଷ) ନିଜ ଘରୁ ବାହାରି ଖେଳୁଥିବା ସମୟରେ ଟ୍ରାକ୍ଟର ଚକ ତଳେ ଚାପି ହୋଇଯାଇଥିଲେ। ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି। ଘଟଣା ବିଷୟରେ ଖପ୍ରାଖୋଲ ଥାନା ଅଧିକାରୀ ରମାକାନ୍ତ ସାହୁ ଖବର ପାଇ ଶିଶୁର ମୃତଦେହକୁ ଜବତ କରି ଘଟଣାର ତଦନ୍ତ କରୁଥିବା ସୂଚନା ମିଳିଛି।
