ଭଦ୍ରକ, ୦୯/୦୯ : ପୂର୍ବ ଶତ୍ରୁତାକୁ ନେଇ ଘରେ ନିଆଁ ଲଗାଇଦେଲେ ଗାଁ ଲୋକ। ଭଦ୍ରକ ଗ୍ରାମାଞ୍ଚଳ ଥାନା ଅଧିନ ତଳାଙ୍ଗ ଗାଁର ଗୋବିନ୍ଦ ଜେନାଙ୍କ ଘରେ ନିଆଁ ଲଗାଇ ଦେଇଥିବା ଅଭିଯୋଗ ହୋଇଛି।

ଅଭିଯୋଗକାରୀ ଗୋବିନ୍ଦ ଜେନାଙ୍କ କହିବାନୁଯାୟୀ, ଗତ ଦୁଇ ଦିନ ତଳେ ଉକ୍ତ ଗ୍ରାମର ଜେନା ସାହିର କିଛି ବ୍ୟକ୍ତିଙ୍କ ସହ ପାଟିତୁଣ୍ଡ ହୋଇଥିଲା । ଏନେଇ ଉଭୟ ପକ୍ଷ ଥାନାରେ ଏତଲା ଦେଇଥିଲେ । ଉଭୟଙ୍କ ଏତଲା ପରେ ବୁଝାମଣା ପାଇଁ କିଛି ଦିନ ସମୟ ଥାନାରୁ ନେଇଥିଲେ । କିନ୍ତୁ ହଠାତ୍ ବିଳମ୍ବିତ ରାତିରେ ଉକ୍ତ ଗ୍ରାମର ଅପରପକ୍ଷର କିଛି ଯୁବକ ଆସି ଗୋବିନ୍ଦ ଜେନାଙ୍କ ଘର କବାଟ ବାଡ଼େଇ ଘରୁ ବାହାରିବାକୁ କହିଥିଲେ । ପରେ ଗୋବିନ୍ଦ ଘରୁ ବାହାରିବା ପରେ ମାଡ଼ ମାରି ଘରେ ନିଆଁ ଲଗେଇ ଦେବା କଥା କହିଛନ୍ତି ଅଭିଯୋଗକାରୀ ।