ପ୍ରମୁଖ ଖବର
  • ଚଣ୍ଡିଗଡ଼ ମେୟର ନିର୍ବାଚନ: ଆପ୍‌ ପ୍ରାର୍ଥୀ ବିଜୟୀ , ଫଳାଫଳ ଘୋଷଣା କଲେ ସୁପ୍ରିମକୋର୍ଟ
  • ||
  • ଭାରତ-ଇଂଲଣ୍ଡ ଚତୁର୍ଥ ଟେଷ୍ଟ: ଇଣ୍ଡିଆନ୍ ସ୍କ୍ବାର୍ଡକୁ ଫେରିବେ କେ.ଏଲ୍‌ ରାହୁଲ
  • ||
  • କଣ୍ଟାବାଞ୍ଜି ବିଧାୟକଙ୍କୁ ହତ୍ୟା ଧମକ ଘଟଣା, ନଗର କଂଗ୍ରେସ କମିଟି ପକ୍ଷରୁ ୧୨ ଘଣ୍ଟିଆ ବନ୍ଦ ପାଳନ
  • ||
  • ମଙ୍ଗଳବାର ଦିନିକିଆ ସମ୍ବଲପୁର ଗସ୍ତରେ ଆସୁଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଲୋକାର୍ପଣ ହେବ ସ୍କିଲ୍‌ ଇଣ୍ଡିଆ ସେଣ୍ଟର
  • ||
  • ମାଟ୍ରିକ୍ ପରୀକ୍ଷା ପୂର୍ବରୁ ଝୁଲିପଡିଲେ ଛାତ୍ର, ମୃତ୍ୟୁର କାରଣ ଅସ୍ପଷ୍ଟ
  • ||
  • ଶ୍ରୀମନ୍ଦିର ପ୍ରଶାସନ ପକ୍ଷରୁ ୨୦୨୪-୨୫ ପର୍ବପର୍ବାଣୀ ତାଲିକା ପ୍ରକାଶ: ଜୁନ୍‌ ୨୨ରେ ସ୍ନାନ ଯାତ୍ରା, ଜୁଲାଇ ୭ରେ ଶ୍ରୀଗୁଣ୍ଡିଚା
  • ||
  • ରାଜ୍ୟର ୯୬ ଲକ୍ଷ ପରିବାରକୁ ମିଳିବ ହଜାରେ ଲେଖାଏଁ, ଆଜି ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ବୁର୍ଜା ଛକ ନିକଟରେ ଦୁଇ ବାଇକ୍ ମୁହାଁମୁହିଁ ଧକ୍କା: ଚାଲିଗଲା ଦୁଇ ଜୀବନ, ୨ ଆହତ
  • ||
  • ମଙ୍ଗଳବାର ବରଗଡ଼ ଗସ୍ତରେ ଯିବେ ମୁଖ୍ୟମନ୍ତ୍ରୀ, ଗଙ୍ଗାଧର ସେଚ ପ୍ରକଳ୍ପର କରିବେ ଲୋକାର୍ପଣ
  • ||
  • ମାଘରେ ବଢ଼ୁଛି ତାତି: ଟିଟଲାଗଡ଼ ପାଲଟିଲାଣି ତତଲା ସହର, ୩୬ ଡିଗ୍ରୀ ପାର୍ ତାପମାତ୍ରା, ୨୪ରୁ ଘଡଘଡି ସହ ବର୍ଷା ସମ୍ଭାବନା
  • ||
  • ମଙ୍ଗଳବାରଠୁ ମାଟ୍ରିକ ପରୀକ୍ଷା: ୫ଲକ୍ଷ ୫୧ ହଜାର ୬୨୧ଛାତ୍ରଛାତ୍ରୀ ଦେବେ ପରୀକ୍ଷା, କପି ଜଗିବ AI କ୍ୟାମେରା
  • ||

ଉତ୍ତରାଖଣ୍ଡରେ ଖୁବଶୀଘ୍ର ଲାଗୁ ହେବ ୟୁସିସି, ଫେବ୍ରୁଆରୀ ୨ରେ ରାଜ୍ୟ ସରକାରଙ୍କୁ ରିପୋର୍ଟ ଦେବ ସ୍ୱତନ୍ତ୍ର କମିଟି

ଡେରାଡୁନ,୩୦/୦୧: ଉତ୍ତରାଖଣ୍ଡରେ ସମାନ ନାଗରିକ ସଂହିତା (ୟୁସିସି) ଲାଗୁ ପାଇଁ ସମୟ ପାଖେଇ  ଆସୁଛି । ୟୁସିସି ପାଇଁ ଗଠନ ହୋଇଥିବା ସ୍ୱତନ୍ତ୍ର କମିଟି  ଆସନ୍ତା ଫେବ୍ରୁଆରୀ ୨ ତାରିଖରେ ତାଙ୍କ ରିପୋର୍ଟ ରାଜ୍ୟ  ସରକାରଙ୍କୁ ପ୍ରଦାନ କରିବେ । ମୁଖ୍ୟମନ୍ତ୍ରୀ ପୁଷ୍କର ସିଂହ  ଧାମି  ସୋମବାର ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏହି  ସୂଚନା ଦେଇଛନ୍ତି । ସେ କହିଛନ୍ତି କମିଟି ଠାରୁ ଚିଠା ପ୍ରସ୍ତାବ  ମିଳିବା ପରେ ସରକାର ୟୁସିସି ଉପରେ ବିଧାନସଭାରେ ବିଲ୍‌ ଆଣିବେ ଓ ତାକୁ ଶୀଘ୍ର କାର୍ଯ୍ୟକାରୀ କରିବେ । 

ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ଭାବେ ଦ୍ୱିତୀୟଥର ପାଇଁ  ଶପଥ ନେବା ପରେ ଧାମି ରାଜ୍ୟରେ ୟୁସିସି ଲାଗୁ କରିବାକୁ  ପ୍ରତିଶ୍ରୁତି ଦେଇଥିଲେ । ୨୦୨୨ ମାର୍ଚ୍ଚ ୨୩ରେ କ୍ୟାବିନେଟର  ପ୍ରଥମ ବୈଠକରେ ସେ ଏହି ଘୋଷଣା କରିଥିଲେ । ଏଥିସହ  ୟୁସିସି ଉପରେ ଅନୁଧ୍ୟାନ କରିବା ଲାଗି ୨୦୨୨ ମେ ୨୭ରେ  ଏକ ବିଶେଷଜ୍ଞ କମିଟି ଗଢ଼ିଥିଲେ । ସୁପ୍ରିମକୋର୍ଟର ପୂର୍ବତନ  ବିଚାରପତି ରଞ୍ଜନା ପ୍ରକାଶ ଦେଶାଇଙ୍କ ଅଧ୍ୟକ୍ଷତାରେ ୫  ଜଣିଆ କମିଟି ଗଢ଼ାଯାଇଥିଲା । କମିଟିରେ ଦିଲ୍ଲୀ ହାଇକୋର୍ଟର  ବିଚାରପତି ପ୍ରମୋଦ କୋହଲି, ରାଜ୍ୟର ପୂର୍ବତନ ମୁଖ୍ୟ ସଚିବ  ଶତ୍ରୁଘ୍ନ ସିଂହ, ଡୁନ ବିଶ୍ୱବିଦ୍ୟାଳୟ କୁଳପତି ପ୍ରଫେସର ସୁକେଶ  ଡଙ୍ଗୱାଲ ଓ ସାମାଜିକ କର୍ମୀ ମନୁ ଗୌର ସଦସ୍ୟ ରହିଥିଲେ । 

ୟୁସିସି ହେଉଛି ଭାରତରେ ବସବାସ କରୁଥିବା  ଜାତି, ଧର୍ମ, ବର୍ଣ୍ଣ ନିର୍ବିଶେଷରେ ସମସ୍ତଙ୍କ ପାଇଁ ଗୋଟିଏ  ଆଇନ କାର୍ଯ୍ୟକାରୀ ହେବା । ବର୍ତ୍ତମାନ ବିଭିନ୍ନ ଧର୍ମ ଓ  ଜାତି ପାଇଁ ଭିନ୍ନ ଭିନ୍ନ ଆଇନ ରହିଛି । ବିବାହ, ବିଚ୍ଛେଦ  ଓ ଅନ୍ୟ କେତେକ ବ୍ୟକ୍ତିଗତ ମାମଲାରେ ଏହି ଆଇନ  କାର୍ଯ୍ୟକାରୀ ହେଉଛି । ୟୁସିସି ଲାଗୁ ହେବା ପରେ ବିବାହ  ପଞ୍ଜିକରଣ, ବିବାହ ବିଚ୍ଛେଦ, ପୋଷ୍ୟ ସନ୍ତାନ ଗ୍ରହଣ ଓ  ସମ୍ପତ୍ତି ଅଧିଗ୍ରହଣ ଆଦି କ୍ଷେତ୍ରରେ ସବୁ ଜାତି ଓ ଧର୍ମର  ଲୋକଙ୍କ ପାଇଁ ସମାନ ଆଇନ କାର୍ଯ୍ୟକାରୀ ହେବ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.