ନୂଆଦିଲ୍ଲୀ : ଦିଲ୍ଲୀ ଓ ମୁମ୍ୱାଇ ପୁଲିସର ୱେବସାଇଟ ହଠାତ୍ ଡାଉନ୍ ହୋଇ ଯାଇଥିଲା। କିଛି ସମୟ ପରେ ଦିଲ୍ଲୀ ପୁଲିସର ୱେବସାଇଟ୍ ପୂର୍ବଭଳି କାମ କରିବାକୁ ଲାଗିଲା , ଏହାସହ ମୁମ୍ୱାଇ ପୁଲିସର ଅଫିସିଆଲି ୱେବସାଇଟ୍ ଖବର ଲେଖିବା ବେଳକୁ ବି ଖୋଲି ନଥିଲା। ମୁମ୍ୱାଇ ପୁଲିସ ଏହି ମାମଲାରେ ବୟାନ ଜାରି କରି ୱେବସାଇଟ ଡାଉନ୍ ହେବାର କାରଣ କହିଛି।
ମୁମ୍ୱାଇ ପୁଲିସ କହିଛି , ତାଙ୍କର ଅଫିସିଆଲି ୱେବସାଇଟ୍ ସର୍ଭରର ସମସ୍ୟା କାରଣରୁ ଡାଉନ ଅଛି। ସେପଟେ ଦିଲ୍ଲୀ ପୁଲିସ ଏହି ମାମଲାରେ ବର୍ତ୍ତମାନ କୌଣସି ସୂଚନା ଦେଇ ନାହିଁ। ଉଭୟ ପୁଲିସର ୱେବସାଇଟ୍ ଏମିତି ସମୟରେ ଡାଉନ ହୋଇଛି , ଯେବେ ସାରା ବିଶ୍ୱର ଅନେକ ବଡ଼ ବଡ଼ ନେତା ମାନେ ଜି-୨୦ ସମ୍ମିଳନୀରେ ଯୋଗ ଦେବାକୁ ଦିଲ୍ଲୀରେ ପହଞ୍ଚୁଛନ୍ତି। 
ମାଇକ୍ରୋ ବ୍ଲଗିଂ ୱେବସାଇଟ୍ ଏକ୍ସ’ରେ ଅନେକ ଏକ୍ସପର୍ଟ୍ସ ଦାବି କରୁଛନ୍ତି କି, ଏମିତି ସାଇବର ଆଟାକ୍ କାରଣରୁ ହୋଇପାରେ। ଉଲ୍ଲେଖନୀୟ ଯେ, ଜି-୨୦କୁ ନେଇ ଭାରତରେ ସାଇବର ଆଟାକ୍ରୁ ରକ୍ଷା ପାଇବା ପାଇଁ ସ୍ୱତନ୍ତ୍ର ବନ୍ଦୋବସ୍ତ କରାଯାଇଛି। ସାଇବର ସିକ୍ୟୁରିଟି ବିଶେଷଜ୍ଞଙ୍କୁ ବିଶେଷ ସ୍ତରରେ ଏଥିରୁ ବର୍ତ୍ତିବା ପାଇଁ କୁହାଯାଇଛି। ଅନେକ ଥର ଏହିପରି ବଡ଼ ବଡ଼ ଇଭେଣ୍ଟ ବେଳେ ହ୍ୟାକରମାନେ ସାଇବର ଆଟାକ୍ କରି ଅନେକ ଜରୁରୀ ୱେବସାଇଟ୍କୁ ଅକାମୀ କରି ଦେଇଥାନ୍ତି।
ହେଲେ ଅଫିସିଆଲି ବୟାନରେ କୌଣସି ପ୍ରକାରର ସାଇବର ଆଟାକ୍ର କୌଣସି ସୂଚନା ଦିଆଯାଇ ନାହିଁ। କହି ରଖୁଛୁ କି , ଏହି ସମୟରେ ଦିଲ୍ଲୀ ଏକ ହଟ୍ ସ୍ପଷ୍ଟ ହୋଇ ଯାଇଛି। ପୁଲିସ ଚାରିଆଡ଼େ ମୁତୟନ ହୋଇଛନ୍ତି। ୯ ସେପ୍ଟେମ୍ୱର ଓ ୧୦ ସେପ୍ଟେମ୍ୱରରେ ହେବାକୁ ଥିବା ଜି-୨୦ ସମ୍ମିଳନୀରେ ବିଶ୍ୱର ୨୦ଟି ସବୁଠୁ ଶକ୍ତିଶାଳୀ ଦେଶର ନେତା ଯୋଗ ଦେଉଛନ୍ତି । ଭାରତ ମଣ୍ଡପମ୍ରେ ହେବାକୁ ଥିବା ଏହି ସମ୍ମିଳନୀକୁ ନେଇ ପୁଲିସ ପୂରା ସୁରକ୍ଷା ବ୍ୟବସ୍ଥା କଡା କରି କରିଛି।
