ଭୁବନେଶ୍ୱର, ୨୫/୦୨: ସ୍ୱଳ୍ପରୁ ମଧ୍ୟମଧରଣର ବର୍ଷା ସହ ଘଡ଼ଘଡ଼ି ନେଇ ପାଣିପାଗ ବିଭାଗ ଆଲର୍ଟ ଜାରି କରିଛି । କଟକ ଓ ଭୁବନେଶ୍ୱର ଟ୍ୱିନ୍ ସିଟି ସହ ରାଜ୍ୟର ୧୪ ଜିଲ୍ଲାକୁ ୟେଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ଆଗାମୀ ୩ ଘଣ୍ଟା ପାଇଁ ୟେଲୋ ଆଲର୍ଟ ଜାରି କରାଯାଇଛି ।

Light to moderate Rain/Thundershower very likely over DEOGARAH,ANGUL,DHENKANAL,KEONJHAR,KHANDAMAL,BOUDH,GANJAM,NAYAGARAH,CUTTACK , KHURDA, SUNDERGARAH,SAMBALPUR,PURI & JAGATSINGPUR in next 3Hrs
People are advised to keep a watch on the weather &accordingly move to safer places pic.twitter.com/8gz6wBd9Jf

— Meteorological Centre, Bhubaneswar (@mcbbsr) February 25, 2024

ଦେବଗଡ଼, ଅନୁଗୁଳ, ଢେଙ୍କାନାଳ, କେନ୍ଦୁଝର, କନ୍ଧମାଳ, ବୌଦ୍ଧ, ଗଞ୍ଜାମ, ନୟାଗଡ଼, କଟକ (କଟକ ସହର), ଖୋର୍ଦ୍ଧା (ଭୁବନେଶ୍ୱର ସହର), ସୁନ୍ଦରଗଡ଼, ସମ୍ବଲପୁର, ପୁରୀ ଏବଂ ଜଗତସିଂହପୁର ଜିଲ୍ଲାକୁ ସନ୍ଧ୍ୟା ସାଢ଼େ ୫ଟା ପର୍ଯ୍ୟନ୍ତ ସତର୍କତା ଜାରି କରାଯାଇଛି ।

ପାଗକୁ ଦେଖି ଘରୁ ବାହାରକୁ ବାହାରିବା ଲାଗି ଲୋକଙ୍କୁ ପରାମର୍ଶ ଦେଇଛି ପାଣିପାଗ ବିଭାଗ । ଗତ ୨୪ ଘଣ୍ଟାରେ ଖୋର୍ଦ୍ଧାର ବାଣପୁରରେ ସର୍ବାଧିକ ୧୦୫ ମିଲିମିଟର ବର୍ଷା ରେକର୍ଡ କରାଯାଇଛି । ଗଞ୍ଜାମର ବେଲଗୁଣ୍ଠାରେ ୯୬ ମିଲିମିଟର ବର୍ଷା ହୋଇଛି । ରାଜ୍ୟର କିଛି ଜିଲ୍ଲାରେ ୨୭ ତାରିଖ ପର୍ଯ୍ୟନ୍ତ ବର୍ଷା ଲାଗି ରହିବ ।

ଏବେ ନିମ୍ନ ଚାପ ରେଖା ଛତିଶଗଡ଼ରୁ ବାହାରି କର୍ଣ୍ଣାଟକ ପର୍ଯ୍ୟନ୍ତ ଲମ୍ବିଛି । ବାୟୁମଣ୍ଡଳର ଉପର ଭାଗରେ ପଶ୍ଚିମାବାୟୁର ନିମ୍ନ ଚାପ ରେଖା ରହିଛି । ଫଳରେ ଜଳୀୟ ବାଷ୍ପ ପୂର୍ଣ୍ଣ ବାୟୁ ବଙ୍ଗୋପସାଗରରୁ ଓଡ଼ିଶା ମଧ୍ୟକୁ ଆସୁଛି । ତେଣୁ ବର୍ଷା ହେବ, ୨୯ ତାରିଖ ପର୍ଯ୍ୟନ୍ତ ତାପମାତ୍ରାରେ ବିଶେଷ ପରିବର୍ତ୍ତନ ହେବ ନାହିଁ । ୨୯ ତାରିଖରୁ ତାପମାତ୍ରା ଧିରେ ଧିରେ ବଢ଼ିବା ସହ ପାଗ ବଦଳିବାର ସମ୍ଭାବନା ରହିଛି ।