ପ୍ରମୂଖ ଖବର
  • T-20 ବିଶ୍ୱକପ୍ ସୁପର ୮ ରାଉଣ୍ଡ, ୨୧ ରନ୍‌ରେ କଙ୍ଗାରୁ ବାହିନୀ ଚିତ୍ ପଟାଙ୍ଗ, ଆଫଗାନିସ୍ତାନ ପ୍ରଥମ ବିଜୟ
  • ||
  • ଯୌନ ନିର୍ଯାତନା ମାମଲା, ପ୍ରଜ୍ବଳଙ୍କ ଭାଇ ସୂରଜ ରେଭାନ୍ନାକୁ ବାନ୍ଧିଲା ପୋଲିସ
  • ||
  • ମାଲକାନଗିରି ସହରର ଡିଏନ୍‌କେ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଜଣେ ମହିଳା ମୃତ
  • ||
  • ସାଲେପୁର: ବାଇକ୍‌ ସହ ପୋଲରୁ ଖସି ପଡ଼ିଲେ ୨ ଆରେହୀ, ଜଣେ ମୃତ ,ଜଣେ ଗୁରୁତର
  • ||
  • ରବିବାରଠୁ ୨ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ମା’ ତାରିଣୀଙ୍କୁ ଦର୍ଶନ ପରେ ଜନସମାବେଶରେ ହେବେ ସାମିଲ
  • ||
  • ଶ୍ରୀମନ୍ଦିରରେ ପଟିଦିଅଁ ବିଜେ, ଜ୍ୱରରୁ ମୁକ୍ତି ପାଇଁ ମହାପ୍ରଭୁଙ୍କ ଗୁପ୍ତ ଅନବସର ସେବା ଆରମ୍ଭ
  • ||
  • ଆସନ୍ତା ଦୁଇ ଦିନ ବିକ୍ଷିପ୍ତ ସ୍ଥାନରେ ବର୍ଷା ସମ୍ଭାବନା, ୨୫ରୁ ରାଜ୍ୟରେ ପ୍ରବଳ ଛେଚିବ
  • ||

ବାଲେଶ୍ଵର ଜିଲ୍ଲା ମୁଖ୍ୟ ଚିକିତ୍ସାଳୟରୁ ଚୋରି ହୋଇଥିବା ଶିଶୁପୁତ୍ର ଉଦ୍ଧାର, ଜଣେ ଆଶାକର୍ମୀ ଅଟକ

ବାଲେଶ୍ଵର, ୧୦/୦୬ : ବାଲେଶ୍ଵର ଜିଲ୍ଲା ମୁଖ୍ୟ ଚିକିତ୍ସାଳୟରୁ ଚୋରି ହୋଇଥିବା ଶିଶୁପୁତ୍ର ଉଦ୍ଧାର। ଜଳେଶ୍ଵର ଅଞ୍ଚଳରୁ ପୋଲିସ ଶିଶୁପୁତ୍ରକୁ ଉଦ୍ଧାର କରିଛି। ଏହି ଘଟଣାରେ ସଂପୃକ୍ତ ଥିବା ଜଣେ ଆଶାକର୍ମୀ ଅଟକ ଅଛନ୍ତି। ଏହା ସହ ଶିଶୁକୁ ଚୋରି କରିଥିବା ମହିଳାଙ୍କ ଭିଡିଓ ହସ୍ପିଟାଲ ସିସି କ୍ୟାମେରାରୁ ଜବତ କରି ପୋଲିସ ଫଟୋ ଜାରି କରିଛି। ଖୁବ୍‌ଶୀଘ୍ର ଉକ୍ତ ମହିଳାଙ୍କୁ ଗିରଫ କରାଯିବ। ଏସ୍‌ପିଙ୍କ ନିର୍ଦ୍ଦେଶରେ ଡିଏସ୍‌ପି ଡା. ଶଶାଙ୍କ ଶେଖର ବେଉରା ଏବଂ ସହଦେବଖୁଣ୍ଟା ଥାନା ଅଧିକାରୀ ପ୍ରଜ୍ଞା ମହାନ୍ତିଙ୍କ ନେତୃତ୍ଵରେ ଏକ ଟିମ୍ ଗଠନ ହୋଇ ଛାନଭିନ୍ ଜାରି ରଖିଛନ୍ତି। 

ସୂଚନା ଅନୁଯାୟୀ, ବାଲେଶ୍ୱର ଜିଲ୍ଲା ବାଲିଆପାଳ ବ୍ଲକ୍‌ କୁହ୍ଲାଚଡ଼ ଅଞ୍ଚଳର ପୂର୍ଣ୍ଣଚନ୍ଦ୍ର ଦଣ୍ଡପାଟଙ୍କ ପତ୍ନୀ ଅନିତା ଦଣ୍ଡପାଟ ଶନିବାର ବିଳମ୍ବିତ ରାତିରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିଲେ । ସାଙ୍ଗରେ ଅନିତାଙ୍କ ଶାଶୂ, ସ୍ଥାନୀୟ ଆଶାକର୍ମୀ ସନ୍ଧ୍ୟାରାଣୀ ଜେନା ଥିଲେ । ରାତି ପ୍ରାୟ ୧୨ଟାରେ ଅନିତା ଏକ ଶିଶୁପୁତ୍ରକୁ ଜନ୍ମ ଦେଇଥିଲେ । ରବିବାର ସକାଳେ ଏକ ଅଜଣା ମହିଳା ପହଞ୍ଚି ଅନିତାଙ୍କ ସହ କଥାବାର୍ତ୍ତା କରିବା ସହିତ ତାଙ୍କ ପିଲାକୁ ଧରିଥିଲେ । ପରେ ଆଶାକର୍ମୀ ସନ୍ଧ୍ୟାରାଣୀଙ୍କ ସହ କଥାବାର୍ତ୍ତା କରିଥିଲେ । କିଛି ସମୟ ପରେ ଆଶା କର୍ମୀ ଓ ଅନିତାଙ୍କ ଶାଶୂ ୱାର୍ଡରେ ନ ଥିବା ବେଳେ ଉକ୍ତ ମହିଳା ଶିଶୁକୁ ପୋଲିଓ ଦେବା କଥା କହି ନେଇଯାଇଥିଲେ । ଅନିତାଙ୍କ ଶାଶୂ ଆସି ପିଲା ନ ଥିବା ଦେଖି ପଚାରିବାରୁ ଅନିତା ସବୁ କଥା ଜଣାଇଥିଲେ । ଏହାରି ଭିତରେ ଅନେକ ସମୟ ବିତିଯାଇଥିଲେ ମଧ୍ୟ ଉକ୍ତ ଅଜଣା ମହିଳା ଶିଶୁକୁ ନେଇ ଫେରି ନ ଥିଲେ । ଖୋଜାଖୋଜି ପରେ ଅନିତାଙ୍କ ଶାଶୂଘର ଲୋକେ ହସ୍ପିଟାଲ ଫାଣ୍ଡିରେ ପିଲା ଚୋରି ହୋଇଥିବା ଅଭିଯୋଗ କରିଥିଲେ । ଏନେଇ ଟାଉନ୍‌ ଥାନା ଆଇଆଇସି ବାରିଣି ଦାସ ତଦନ୍ତ ଆରମ୍ଭ କରିଥିଲା । ପୁଲିସ୍‌, ଡାକ୍ତରଖାନା କର୍ତ୍ତୃପକ୍ଷ ମିଳିତ ଭାବେ ହସ୍ପିଟାଲ ସିସି କ୍ୟାମେରା ଯାଞ୍ଚ କରିଥିଲେ । ଏଥି ସହ ଆଶାକର୍ମୀ ଓ ହସ୍ପିଟାଲ୍‌ ସୁରକ୍ଷାକର୍ମୀଙ୍କୁ ଅଟକ ରଖି ପଚରାଉଚରା କରିଛି । ସହଦେବଖୁଣ୍ଟା ଥାନା ଅଧିକାରିଣୀ ପ୍ରଜ୍ଞା ମହାନ୍ତିଙ୍କ ନେତୃତ୍ୱରେ ଏକ ପୁଲିସ୍‌ ଟିମ୍‌ ତଦନ୍ତ କରି ଶିଶୁପୁତ୍ରକୁ ଠାବ କରିଥିବା ଜଣାପଡ଼ିଛି । ବସ୍ତା ଥାନା ଅନ୍ତର୍ଗତ ଅମର୍ଦ୍ଦା ଅଞ୍ଚଳର ଜଣେ ମହିଳା ନବଜାତ ଶିଶୁଟିକୁ ଚୋରି କରିଥିବା ସୂଚନା ମିଳିଛି । ଡାକ୍ତରଖାନାର ଅଧିକାଂଶ ସିସିଟିଭି ଅଚଳ ଥିବାରୁ ସହରରେ ଲାଗିଥିବା ବିଭିନ୍ନ ସିସିଟିଭି ଯାଞ୍ଚ କରି ଶିଶୁକୁ ଠାବ କରାଯାଇଥିବା ଥାନା ଅଧିକାରିଣୀ ଶ୍ରୀମତି ମହାନ୍ତି ସୂଚନା ଦେଇଛନ୍ତି ।  ସୂଚନା ଥାଉକି, ବାଲେଶ୍ୱର ଡାକ୍ତରଖାନାରୁ ୨ ମାସ ପୂର୍ବରୁ ଅର୍ଥାତ୍‌ ଏପ୍ରିଲ ୪ରେ ଏକ ଶିଶୁପୁତ୍ର ଚୋରି ହୋଇଥିଲା । ପୁନର୍ବାର ଶିଶୁପୁତ୍ର ଚୋରି ହେବା ଘଟଣା ସମସ୍ତଙ୍କୁ ଚକିତ କରିଛି । ଡାକ୍ତରଖାନାର ସୁରକ୍ଷା ବ୍ୟବସ୍ଥା ଉପରେ ରୋଗୀ ସମ୍ପର୍କୀୟ ପ୍ରଶ୍ନ ଉଠାଇଛନ୍ତି ।


  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.