ନିଶ୍ଚିନ୍ତକୋଇଲି, ୨୧/୦୮ : ମାଂସରେ ବିଷ ଦେଇ ୮ ରୁ ୧୦ କୁକୁରଙ୍କୁ ମାରିଦେଲେ ଦୁର୍ବୃତ୍ତ। କଟକ ଜିଲ୍ଲା ନେମାଳ ଥାନା ନରେନ୍ଦ୍ରପୁର ଫାଣ୍ଡି ଅଧୀନସ୍ଥ ଖଣ୍ଡାୟତ ପଟକିରା ଗାଁରେ ଏଭଳି ନୃସଂଶ ଏବଂ ବର୍ବରୋଚିତ ଘଟଣା ଘଟିଛି। ଏହି ବିଷ ମିଶା ମାଂସ ଖାଇ ଆଉ କିଛି କୁକୁର ଏବେ ଗାଁରେ ପାଗଳ ହୋଇ ବୁଲୁଛନ୍ତି। ଯାହାଫଳରେ ସ୍ଥାନୀୟ ଲୋକେ ଆତଙ୍କିତ ଅବସ୍ଥାରେ ଅଛନ୍ତି।

ସୂଚନାନୁଯାୟୀ, ନରେନ୍ଦ୍ରପୁର ଫାଣ୍ଡି ଅଧୀନସ୍ଥ ଖଣ୍ଡାୟତ ପଟକିରା ପାଖ ଗାଁର ବୈକୁଣ୍ଠ ମଲ୍ଲିକ ଗତ ୧୯ ତାରିଖ ରାତି ଅଧରେ କିଛି ମାଂସ ଖଣ୍ଡରେ ବିଷ ମିଶାଇ ପୋଷା ଓ ବୁଲା କୁକୁରମାନଙ୍କୁ ଖାଇବାକୁ ଦେଇଥିଲେ। ଏହି ବିଷ ମିଶା ମାଂସ ଖାଇ ୮ ରୁ ୧୦ଟି କୁକୁର ଓ ୨ଟି ବିଲୁଆଙ୍କ ମୃତ୍ୟୁ ହୋଇଛି। ସେହିପରି ଆଉ କିଛି କୁକୁର ଏବେ ପାଗଳ ହୋଇ ଗାଁରେ ବୁଲୁଛନ୍ତି। ସେମାନେ ଗାଁ ଲୋକଙ୍କୁ ଆକ୍ରମଣ କରିବାର ଆଶଙ୍କା ରହିଛି। ତେଣୁ ଗ୍ରାମବାସୀମାନେ ଏବେ ଆତଙ୍କିତ ଅବସ୍ଥାରେ ଅଛନ୍ତି। ଏନେଇ ଥାନାରେ ଅଭିଯୋଗ ହୋଇଛି।