ନୂଆଦିଲ୍ଲୀ : ବ୍ରାଜିଲରେ ଗତକାଲି( ଶୁକ୍ରବାର) ଏକ ବଡ଼ ବିମାନ ଦୁର୍ଘଟଣା ଘଟିଛି। ବ୍ରାଜିଲ୍ର ସାଓ ପାଉଲୋ ନିକଟରେ ୬୨ ଲୋକଙ୍କୁ ନେଇ ଯାଉଥିବା ଏକ ବିମାନ ଦୁର୍ଘଟଣାଗ୍ରସ୍ତ ହୋଇ ଯାଇଥିଲା। ଏଥିରେ ବସି ଥିବା ସବୁ ଲୋକଙ୍କ ମୃତ୍ୟୁ ହୋଇଛି। ବ୍ରାଜିଲର କ୍ଷେତ୍ରୀୟ ଏୟାରଲାଇନ ଭୋଏପାସ୍ ଏକ ବୟାନରେ ଏହି ସୂଚନା ଦେଇଛି। ବିମାନ ସାଓ ପାଉଲୋ ରାଜ୍ୟର ଭିନହେଡୋରେ ଦୁର୍ଘଟଣାଗ୍ରସ୍ତ ହୋଇ ଏକ ରେସିଡେନ୍ସିଆଲ ଏରିଆରେ ଖସି ପଡ଼ିଥିଲା।
ଯେମିତି ଏକ କଥା ଅଛି, ଯାହାକୁ ରଖିବେ ହରି ତାକୁ କେ ପାରିବ ମାରି ...ଅର୍ଥାତ୍ ଯାହାର ମୃତ୍ୟୁ ସମୟ ଆସି ନାହିଁ ତାର ମୃତ୍ୟୁ ଆସିବ ନାହିଁ ଏବଂ ସବୁ ସ୍ଥିତିରେ ଭଗବାନ ତାଙ୍କୁ ରକ୍ଷା କରିବେ। ଏମିତି ହିଁ କିଛି ହୋଇଛି ଦୁର୍ଘଟଣାଗ୍ରସ୍ତ ହୋଇଥିବା ଏହି ବିମାନର ସେହି ଯାତ୍ରୀଙ୍କ ସହ, ଯିଏ ଟିକେଟ୍ ତ ନେଇ ଥିଲେ, ହେଲେ ବିମାନରେ ଚଢି ପାରି ନଥିଲେ। ଆଡ୍ରିଆନୋ ଆସିସ ନାମକ ଏହି ବ୍ୟକ୍ତି କହିଛନ୍ତି କି, କାହିଁକି ସେ ଟିକେଟ୍ ନେବା ସତ୍ତ୍ୱେ ବିମାନରେ ଚଢି ନଥିଲେ।
ବ୍ରାଜିଲିଆନ୍ ନ୍ୟୁଜ୍ ଆଉଟଲେଟ୍ ଟିଭି ଗ୍ଲୋବୋ ସହ ଏକ ସାକ୍ଷାତକାରରେ, ଆଡ୍ରିୟାନୋ ଅସିସ କହିଛନ୍ତି , ତାଙ୍କୁ ଏୟାରଲାଇନ୍ର ଜଣେ କ୍ରୁ ବିମାନରେ ଯିବାକୁ ରୋକି ଦେଇ ଥିଲେ , କାରଣ ସେ ବିଳମ୍ୱରେ ଥିଲେ। ତାଙ୍କର ବୋର୍ଡିଂ ଗେଟ୍ରେ ଥିବା ବ୍ୟକ୍ତିଙ୍କ ସହ ଯୁକ୍ତିତର୍କ ହୋଇଥିଲା, ତଥାପି ତାଙ୍କୁ ଫ୍ଲାଇଟ୍ରେ ବସିବାକୁ ଦେଇ ନଥିଲେ , ସେ ଖୁବ୍ ବିରକ୍ତ ହୋଇ ଯାଇଥିଲେ। କିନ୍ତୁ ବିମାନ ଦୁର୍ଘଟଣାଗ୍ରସ୍ତ ହେବା କଥା ଶୁଣି ସେ ସେହି କ୍ରୁ ମେମ୍ୱରଙ୍କୁ କୁଣ୍ଡେଇ ପକାଇ ଥିଲେ , ଯିଏ ତାଙ୍କୁ ବିମାନରେ ଯିବାକୁ ରୋକି ଥିଲେ।
ସୋସିଆଲ ମିଡ଼ିଆରେ ଅସିସ୍ଙ୍କ ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ସେ ପୂରା ଘଟଣା ବିଷୟରେ କହୁଛନ୍ତି। ଅସିସ୍ ଆଉଟଲେଟକୁ କହିଛନ୍ତି , ଯେବେ ସେ ବିମାନବନ୍ଦରରେ ପହଞ୍ଚିଲେ, ବୋର୍ଡିଂ ଆନାଉନ୍ସମେଣ୍ଟର ଅପେକ୍ଷାରେ ଥିଲି , ହେଲେ ତାଙ୍କୁ କୌଣସି ଆନାଉମେଣ୍ଟ ଶୁଣାଗଲା ନାହିଁ। ପରେ ତାଙ୍କୁ ଅନୁଭବ ହେଲା କି, କିଛି ଗଡ଼ବଡ ହୋଇଛି। ସେ ଦୌଡ଼ିଯାଇ ବୋର୍ଡିଂ ଗେଟ୍ରେ ପହଞ୍ଚି ଜାଣିଲେ ବୋର୍ଡିଂ ଟିକେ ପୂର୍ବରୁ ହୋଇ ସାରିଛି। ଏଠାରେ କ୍ରୁ ସହ ଯୁକ୍ତିତର୍କ , ଝଗଡ଼ା ସବୁ ହେଲା ଏବଂ ଫ୍ଲାଇଟ୍ ବି ପଳାଇ ଗଲା, କିନ୍ତୁ କିଛି ସମୟ ପରେ ପ୍ଲେନ କ୍ରାସ୍ ହେବାର ଖବର ଶୁଣି ସେ ଆତଙ୍କିତ ହୋଇଗଲେ।
ଅସିସି ସାକ୍ଷାତକାରରେ ଏହା ମଧ୍ୟ କହିଛନ୍ତି କି, ଏବେ ସେ ଏହି ବ୍ୟକ୍ତିଙ୍କୁ ଧନ୍ୟବାଦ ଦେଇଛନ୍ତି , ଯିଏକି ତାଙ୍କୁ ଯିବାରେ ରୋକି ଥିଲେ। କହି ରଖୁଛୁ କି ଅସିସ କେବଳ ଏକା ନୁହଁନ୍ତି ଯାହାଙ୍କର ଫ୍ଲାଇଟ୍ ମିସ୍ ହୋଇଥିଲା , ଅନ୍ୟ ଜଣେ ଯାତ୍ରୀ ମଧ୍ୟ ଏହି ଭୁଲ୍ରେ ଫ୍ଲାଇଟ୍ ମିସ କରି ଦେଇ ଥିଲେ।
