ଖଲ୍ଲିକୋଟ, ୨୪/୫ :  ଖଲ୍ଲିକୋଟ ଥାନାରେ ଦୁଇଟି ମାମଲାରେ ଆଜି ୨ ଜଣଙ୍କୁ ଗିରଫ କରି ପୋଲିସ କୋର୍ଟ ଚାଲାଣ କରିଛି । ଖଲ୍ଲିକୋଟରେ ସର୍ବସାଧାରଣରେ ଖଣ୍ଡା ବୁଲାଇ ଆତଙ୍କ ସୃଷ୍ଟି କରୁଥିବା ଅଭିଯୋଗରେ ଆଜି ଖଲ୍ଲିକୋଟ ବଡଦାଣ୍ଡ ସାହିର ଭୀମ ପ୍ରଧାନ (୪୨)ଙ୍କୁ ପୋଲିସ ଗିରଫ କରିଥିଲା। ଏ ସମ୍ପର୍କରେ ଖଲ୍ଲିକୋଟ ଥାନା କେସ ନମ୍ବର ୪୩୫/୨୪ରେ ମାମଲା ରୁଜୁ ହୋଇଛି । 

ଅନ୍ୟ ଏକ ମାମଲାରେ ସ୍ତ୍ରୀକୁ ବାଡେଇବା ଅଭିଯୋଗରେ ଖଲ୍ଲିକୋଟ ଥାନା ଅନ୍ତର୍ଗତ ସୋଲବନ୍ଧ ଗ୍ରାମର କୁନାଲ ନାୟକକୁ ପୋଲିସ ଗିରଫ କରିଛି । ସ୍ତ୍ରୀଙ୍କୁ ସବୁବେଳେ ପିଟୁଥିବା ନେଇ କୁନାଲଙ୍କ ବିରୋଧରେ ଗତ ୭ତାରିଖରେ ଥାନାରେ ଅଭିଯୋଗ କରିଥିଲେ ପତ୍ନୀ । ଅଭିଯୋଗକୁ ଭିତ୍ତି କରି ଖଲ୍ଲିକୋଟ ଥାନା କେସ ନମ୍ବର ୪୦୦/୨୪ ଅନୁଯାୟୀ ମାମଲା ରୁଜୁ କରି ଆଜି କୁନାଲ ନାୟକକୁ ଗିରଫ କରି କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ନରେଶ ସାହୁ ସୂଚନା ଦେଇଛନ୍ତି।