ଭୁବନ, ୨୫।୩ : ବାଇକର ପଛପଟୁ ପିଟିହେଲା ଆଉ ଏକ ବାଇକ। ଏଥିରେ ଦୁଇ ବାଇକ ଚାଳକ ଗୁରୁତର ହୋଇଛନ୍ତି । ଏପରି ଘଟଣା ଢେ଼ଙ୍କାନାଳ ଜିଲ୍ଲା ଭୁବନ ଥାନା ଅନ୍ତର୍ଗତ ଜାତୀୟ ରାଜପଥ ୫୩ ବାଟ ତାରିଣୀଛକ ନିକଟରେ ଘଟିଛି ।
ଭୁବନ ବ୍ଲକ ଅନ୍ତର୍ଗତ ଓଡିଶ ଗ୍ରାମର କ୍ଷେତ୍ରବାସୀ ଷଣ୍ଢ ( ୬୮) ଙ୍କୁ ତାଙ୍କ ସହକର୍ମୀ ରଙ୍ଗିଲା ହୋଟେଲ ପାଖରେ ଦେଖା କରିବାକୁ ଡାକିଥିଲେ । ମାତ୍ର କ୍ଷେତ୍ରବାସୀ ରଙ୍ଗିଲା ହୋଟେଲ ଜାଣି ନପାରି ସାମାନ୍ୟ ଆଗକୁ ପଳାଇଯାଇଥିଲେ। ଆଗକୁ ପଳାଇଯିବାର ଦେଖି ତାଙ୍କ ସହକର୍ମୀ ତାଙ୍କୁ ଫୋନ୍ କରି କହିଥିଲେ । କ୍ଷେତ୍ରବାସୀ ହଠାତ୍ ଗାଡିକୁ ବାଟତାରିଣି ଛକ ନିକଟରେ ବୁଲାଇ ଦେଇଥିଲେ । ଏହି ସମୟରେ ପଛପଟରୁ ଭୁବନ ବ୍ଲକ ଅନ୍ତର୍ଗତ ଜୀରାଳ ଗ୍ରାମର ରାକେଶ ସାହୁ (୩୨) ବ ଡ଼ୁବୁରୀ ଟାଟା ଷ୍ଟିଲରୁ ଡ୍ୟୁଟି ସାରି ଫେରିବା ସମୟରେ କ୍ଷେତ୍ରବାସୀଙ୍କ ଗାଡିକୁ ନିଜ ବାଇକରେ ଧକ୍କା ଦେଇଥିଲେ ।ଘଟଣା ସ୍ଥଳରେ ଦୁଇଜଣ ଗାଡିରୁ ଛିଟିକି ପଡିଥିଲେ । ତେବେ ସ୍ଥାନୀୟ ଲୋକେ ଭୁବନ ଦମକଳ ବାହିନୀକୁ ଖବର ଦେବାରୁ ଦମକଳ ଗାଡି ଘଟଣାସ୍ଥଳରେ ପହଞ୍ଚି କ୍ଷେତ୍ରବାସୀ ଏବଂ ରାକେଶକୁ ଉଦ୍ଧାର କରି ଭୁବନ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଇଥିଲେ। ରାକେଶ ଙ୍କର ସ୍ୱାସ୍ଥ୍ୟବସ୍ଥା ସ୍ଥିର ଥିବାବେଳେ କ୍ଷେତ୍ରବାସୀଙ୍କ ସ୍ୱାସ୍ଥ୍ୟବସ୍ଥା ସଙ୍କଟାପନ୍ନ ଥିବା ଜଣାପଡିଛି ।
ଆହୁରି ପଢନ୍ତୁ : ହୋଲିରେ ଅଘଟଣ ରୋକିବାକୁ ପଦକ୍ଷେପ, ଭୁବନେଶ୍ୱର ଉପକଣ୍ଠ ନଦୀ ତୁଠରେ ରହିବେ ଅଗ୍ନିଶମ କର୍ମଚାରୀ
