ନୂଆଦିଲ୍ଲୀ,୧୨।୮:  ବାଂଲାଦେଶରେ ରାଜନୈତିକ ଅସ୍ଥିରତାର ପ୍ରଭାବ ଭାରତରେ ମଧ୍ୟ ଦେଖିବାକୁ ମିଳିଛି। ଗୋଟିଏ ପଟେ ସୀମାରେ ଚ୍ୟାଲେଞ୍ଜ ବଢିଥିବା ବେଳେ ଅନ୍ୟ ପଟେ ଏହି ଘଟଣା ପରେ ଆତଙ୍କବାଦୀ ସଂଗଠନର ସକ୍ରିୟ ହେବାର ଆଶଙ୍କା ମଧ୍ୟ ବଢିଛି। ଏହା ଏଥିପାଇଁ କୁହାଯାଉଛି ଯେ ବାଂଲାଦେଶର ଶେଖ ହସିନା ସରକାରଙ୍କ ବିରୋଧରେ ଛାତ୍ରମାନେ ପରିବେଶ ସୃଷ୍ଟି କରିଛନ୍ତି। କିନ୍ତୁ ସମସ୍ତ ଗୁଇନ୍ଦା ରିପୋର୍ଟରେ ଜଣାଯାଇଛି ଯେ ଏହି ହିଂସା ପଛରେ ସକ୍ରିୟ ଆତଙ୍କବାଦୀ ସଂଗଠନ ଥିଲେ, ଯାହାର ଷଡଯନ୍ତ୍ର ବାଂଲାଦେଶୀ ହିନ୍ଦୁମାନଙ୍କ ବିରୁଦ୍ଧରେ ଥିଲା। 

ରିପୋର୍ଟ ଅନୁସାରେ, ପାକିସ୍ତାନ ସ୍ଥିତ ଲଶ୍କର-ଇ-ତୋଇବା (ଏଲଇଟି) ଭାରତର ପୂର୍ବତ୍ତର ରାଜ୍ୟରେ ଆତଙ୍କବାଦୀ ଆକ୍ରମଣ କରିବା ପାଇଁ ବାଂଲାଦେଶର ଅନସରୁଲ୍ଲା ବଙ୍ଗଳା ଦଳ (ଏବିଟି) ସହ ମିଶିଥିଲା। ଗୁଇନ୍ଦା ସୂଚନାରୁ ଜଣାପଡିଛି ଯେ, ପାକିସ୍ତାନର ଇଣ୍ଟର-ସର୍ଭିସେଜ୍ ଇଣ୍ଟେଲିଜେନ୍ସ(ଆଇଏସ୍ଆଇ)ବାଂଲାଦେଶରେ ହୋଇଥିବା ଏହି ପରିବର୍ତ୍ତନରେ ପାକିସ୍ତାନର  ଆଇଏସ୍ଆଇର ଏକ ପ୍ରମୁଖ ଭୂମିକା ରହିଛି। ଏଥିରେ ଜମାତ-ଇ-ଇସଲାମି ଏବଂ ଏବିଟି ସମେତ ଲସ୍କର ମଧ୍ୟରେ  ୨୦୨୨ ରେ ସହମତି ହୋଇଥିଲା। ଏହାର ଅର୍ଥ ଭାରତରେ ଆତଙ୍କବାଦୀ ଆକ୍ରମଣ କରିବା ଥିଲା।

ରିପୋର୍ଟରୁ ଜଣାପଡିଛି ଯେ, ତ୍ରିପୁରାରେ ମସଜିଦକୁ କ୍ଷତି କରିବାକୁ ଲସ୍କର ଓ ଏବିଟି ଏହି ମେଣ୍ଟ କରିଥିଲା।୨୦୨୨ ରେ ଗୁଇନ୍ଦା ଇନପୁଟ୍‌ରୁ ସଙ୍କେତ ମିଳିଥିଲା ଯେ, ପ୍ରାୟ ୫୦ ରୁ ୧୦୦ ଏବିଟି କ୍ୟାଡର ତ୍ରିପୁରାରେ ଅନୁପ୍ରବେଶ କରିବାର ଯୋଜନା କରୁଥିଲେ। କିନ୍ତୁ ଏଥିରୁ କିଛି ଲୋକଙ୍କୁ ଗିରଫ କରାଯାଇଥିଲା।