ନୂଆଦିଲ୍ଲୀ,୨୬।୮: ଭାରତୀୟ ତଟରକ୍ଷୀ ବାହିନୀ(ଆଇସିଜି)ର କମାଲ। ରାତିର ଅନ୍ଧାରରେ ବଙ୍ଗୋପ ସାଗରରୁ ଉଦ୍ଧାର କରିଛି ଏକ ମାଲବାହୀ ଜାହାଜ ଏହା ସହ ପାଣି ଭିତରୁ ୧୧ ଜଣଙ୍କ ଜୀବନ ବଞ୍ଚାଇବାରେ ହୋଇଛି ସଫଳ। ଏହି ଅଭିଯାନ ଆଇସିଜି ପାଇଁ ଖୁବ୍ ଚ୍ୟାଲେଞ୍ଜିଂ ଥିଲା, ତେବେ ସଫଳତାର ସହ ପୁରା କରିପାରିଛି।

ଜଣେ ଅଧିକାରୀଙ୍କ ସୂଚନା ଅନୁସାରେ, ମୁମ୍ବାଇରେ ପଞ୍ଜିକୃତ ଏକ ମାଲବାହୀ ଜାହାଜ କୋଲକାତାର ପୋର୍ଟ ବ୍ଲେୟାର ଯାଉଥିଲା। ଏହି ସମୟରେ ପଶ୍ଚିମବଙ୍ଗର ସାଗର ଦ୍ବୀପରୁ ପ୍ରାୟ ୯୦ ସମୁଦ୍ର ମାଇଲ ଦକ୍ଷିଣରେ ବୁଡି ଯାଇଥିଲା। କୋଲକାତାରେ ଆଇସିଜିର ଆଞ୍ଚଳିକ ମୁଖ୍ୟାଳୟ(ଉତ୍ତର ପୂର୍ବ) ତୁରନ୍ତ ଦୁଇଟି ଆଇସିଜି ଜାହାଜ ଓ ଏକ ଡୋର୍ନିୟର ବିମାନକୁ ଘଟଣାସ୍ଥଳକୁ ପଠାଇଛି। ଉନ୍ନତ ରାତ୍ରିକାଳୀନ  ସେନ୍ସର ଥିବା ଡୋର୍ନିୟର ବିମାନ ସଙ୍କଟଗ୍ରସ୍ତ ଚାଳକ ଦଳର ଗ୍ରୀନ୍‌ ସିଗନାଲ ଦେଖିଥିଲା। 

ପାଗ ଖରାଥିଲେ ମଧ୍ୟ ଆଇସିଜିର ଜାହାଜ ସାରଙ୍ଗ ଓ ଅମୋଘ ଡୋର୍ନିୟର ବିମାନ ସହ ମିଶି ସମନ୍ବିତ ଜଳମାର୍ଗ ଓ ଆକାଶ ମାର୍ଗରେ ଉଦ୍ଧାର କାର୍ଯ୍ୟ କରିଥିଲା। ଯାହାଫଳରେ ରବିବାର ବିଳମ୍ବିତ ରାତି ଓ ସୋମବାର ଭୋର ଭୋର ସମୟରେ ମାଲବାହୀ ଜାହାଜ ସହ ଚାଳକ ଦଳର ସମସ୍ତଙ୍କୁ ସୁରକ୍ଷିତ ଭାବରେ ଉଦ୍ଧାର କରିଥିଲା ଆଇସିଜି।