ଲକ୍ଷ୍ନୌ, ୧୦।୬: ପବିତ୍ର ଶ୍ରୀ ରାମମନ୍ଦିରର ଭବ୍ୟ ଉଦ୍ଘାଟନ ପରେ ମଧ୍ୟ ବିଜେପି ଫୈଜାବାଦରୁ ନିର୍ବାଚନ ହାରିଛି । ସମାଜବାଦୀ ପାର୍ଟିର ଅବଧେସ ପ୍ରସାଦ ସିଂ ବିଜେପିର ଲାଲ୍ଲୁ ସିଂଙ୍କୁ ନିର୍ବାଚନରେ ହରାଇଛନ୍ତି । ଏଥିସହିତ ଅଯୋଧ୍ୟାର ଇ-ରିକ୍ସା ଚାଳକ ମନାଉଣା କରିଛନ୍ତି । ଏହାର କାରଣ ହେଉଛି ତାଙ୍କର କମ୍ ରୋଜଗାର । ରାମ ମନ୍ଦିରର ଉଦ୍ଘାଟନ ସମାବେଶର ୪ ମାସ ପରେ ମଧ୍ୟ ତାଙ୍କର ରୋଜଗାରରେ କୌଣସି ଉନ୍ନତି ଆସିନାହିଁ । ଲୋକସଭା ନିର୍ବାଚନର ଫଳାଫଳ ପ୍ରକାଶ ପାଇବା ପରେ ଅଯୋଧ୍ୟାରେ ପର୍ଯ୍ୟଟକଙ୍କ ସଂଖ୍ୟା କମିଛି । କାରଣ ରାମମନ୍ଦିରର ଲୋକାର୍ପଣ ଉତ୍ସବ ପରେ ମଧ୍ୟ ଫୈଜାବାଦରୁ ବିଜେପି ନିର୍ବାଚନ ହାରିଛି । ସରକାରଙ୍କର ଏଭଳି ଅବହେଳା ଯୋଗୁଁ ସଡ଼କଗୁଡ଼ିକ ବନ୍ଦ ଅଛି ଏବଂ ଅଯୋଧ୍ୟାର ଅବନତି ହେଉଛି । ଯଦି ଏଭଳି ସ୍ଥିତି ଲାଗି ରୁହେ ତେବେ ଅନ୍ୟ ସ୍ଥାନ ଗୁଡ଼ିକରେ ମଧ୍ୟ ଏହି ପରିସ୍ଥିତି ଉତ୍ପନ୍ନ ହେବ ବୋଲି ଇ-ରିକ୍ସା ଚାଳକମାନେ ମତ ପ୍ରକାଶ କରିଛନ୍ତି ।
ଅନେକ ଇରିକ୍ସା ଚାଳକ ଏଏନ୍ଆଇକୁ କହିଛନ୍ତି ଯେ "ଆମେ ବିଗତ ୧୦ ବର୍ଷରୁ ରିକ୍ସା ଚଳାଉଛୁ । ଅଯୋଧ୍ୟାକୁ ସୁନ୍ଦରତାର ସହ ବିକଶିତ ହେବାର ଦେଖିଛୁ । କିନ୍ତୁ, ବିଜେପି ସରକାର ବର୍ତ୍ତମାନ ବହୁତ କଠିନ ପରିସ୍ଥିତିର ସାମ୍ନା କରୁଛି ଏବଂ ଏଠାରେ ଅବନତି ହେଉଥିବାର ଦେଖାଯାଉଛି । ତେଣୁ ଏଥିପାଇଁ ବିଜେପି ହିଁ ଦାୟୀ କାରଣ ବିଜେପି ଆମ ସମସ୍ୟାକୁ ଗୁରୁତ୍ୱ ଦେଉ ନାହାନ୍ତି ଏବଂ ଧରାଛୁଆଁ ଦେଉନାହାନ୍ତି । ମନ୍ତ୍ରୀ ଅନେକ ଥର ଆସନ୍ତି କିନ୍ତୁ ସେ ସାଧାରଣ ଲୋକଙ୍କ ସହ ଆଲୋଚନା କରନ୍ତି ନାହିଁ । ମନ୍ତ୍ରୀ ଆସନ୍ତି, ରାଲି କରନ୍ତି ଏବଂ ଗରିବ ଜନତାଙ୍କୁ ଅଣଦେଖା କରି ଫେରିଯାଆନ୍ତି ।"
ସେମାନେ ଆହୁରି କହିଛନ୍ତି "ଯଦି ଏହା କ୍ରମାଗତ ଭାବେ ଲାଗି ରୁହେ ତେବେ ଅଯୋଧ୍ୟାର ଅନ୍ୟ ସ୍ଥାନମାନଙ୍କରେ ମଧ୍ୟ ଏହିପରି ସମସ୍ୟା ଉପୁଜିବ । ଇ-ରିକ୍ସା ଚାଳକଙ୍କ ରୋଜଗାର ବହୁତ ମାତ୍ରାରେ ହ୍ରାସ ପାଇଛି । ପୂର୍ବରୁ ସେମାନେ ୫୦୦ ରୁ ୮୦୦ ଟଙ୍କା ରୋଜଗାର କରୁଥିଲେ କିନ୍ତୁ, ୪ ତାରିଖରେ ନିର୍ବାଚନର ଫଳାଫଳ ପ୍ରକାଶ ପାଇବ ପରେ ୨୫୦ ଟଙ୍କା ବି ରୋଜଗାର କଷ୍ଟକର ହେଉଛି ବୋଲି କହିଛନ୍ତି ଇ-ରିକ୍ସା ଚାଳକ । ମାତ୍ର, ଦୁଇ ଦିନରେ ଏଭଳି ଖରାପ ସ୍ଥିତି ଦେଖାଦେଇଛି ।
ବର୍ତ୍ତମାନ ହୋଇଥିବା ଲୋକସଭା ନିର୍ବାଚନର ପରିଣାମ ସେମାନଙ୍କର ରୋଜଗାରରେ ଗ୍ରହଣ ଲଗାଇଦେଇଛି । ରାମମନ୍ଦିର ଥିବା ଫୈଜାବାଦରୁ ବିଜେପିର ହାର୍ ପରେ ସହରର ପରିବେଶ ସମ୍ପୂର୍ଣ୍ଣ ଭାବେ ବଦଳିଯାଇଛି । ନିଜ ରିକ୍ସା ଠିଆ କରି, ସେଠାରେ ଠିଆ ହୋଇ ତୀର୍ଥଯାତ୍ରୀ ଏବଂ ପର୍ଯ୍ୟଟକଙ୍କର ସଂଖ୍ୟା କମୁଥିବାର ଦେଖି ଇରିକ୍ସା ଚାଳକ ଦୁଃଖ ପ୍ରକାଶ କରିଛନ୍ତି । ଆଗନ୍ତୁକଙ୍କ ଅନୁପସ୍ଥିତିର ସିଧାସଳଖ ପ୍ରଭାବ ରିକ୍ସାଚାଳକଙ୍କ ରୋଜଗାର ଉପରେ ପଡ଼ିଛି ।
