ନୂଆଦିଲ୍ଲୀ, ୧୪/୦୯: କାର ଭିତରେ ୧୦ ମାସର ଶିଶୁ କନ୍ୟାକୁ ଛାଡ଼ି ଅନ୍ୟମନସ୍କରେ ବାହାରକୁ ଚାଲିଯାଇଥିଲେ । ହେଲେ ଫେରିବା ପରେ ଆଉ ନଥିଲା ଝିଅ । ନିବୁଜ କାର ଭିତରେ ଅଣନିଶ୍ବାସୀ ହୋଇ କୁନି ଝିଅର ଜୀବନ ଚାଲିଯାଇଥିଲା । ଏଭଳି ଏକ ଅଭାବନୀୟ ଘଟଣା ଘଟିଛି ପର୍ତ୍ତୁଗାଲରେ । ନିଜର ଭୁଲ ପାଇଁ ଶିଶୁ କନ୍ୟାର ମୃତ୍ୟୁ ପାଇଁ ଦାୟୀ ହେଲେ ଅଧ୍ୟାପକ ବାପ । 

ସବୁବେଳେ ଝିଅକୁ ନର୍ସରୀରେ ଛାଡ଼ି ସେ କାମରେ ଯାଆନ୍ତି । ହେଲେ ସେଦିନି ଭୁଲ ବଶତଃ କାରରେ ଝିଅକୁ ଛାଡ଼ି ଚାଲିଯାଇଥିଲେ । ଯେହେତୁ କାରଟି ବନ୍ଦ ଥିଲା ଏହା ଭିତରର ତାପାମତ୍ରା ବାହାର ତାପାମତ୍ରାଠୁ ଅଧିକ ଥିଲା । ଫଳରେ ଝିଅଟି ନିଦରୁ ଉଠିବା ପରେ କାନ୍ଦିଉଠିଥିଲା । କିନ୍ତୁ ବନ୍ଦ କାର ଭିତରୁ ତାର ଚିତ୍କାର କେହି ଶୁଣିପାରିନଥିଲେ । ଝିଅଟିର ବାପା ନୋ ନୋଭା ବିଶ୍ୱବିଦ୍ୟାଳୟ କ୍ୟାମ୍ପସରେ ଗାଡ଼ି ପାର୍କ କରି ଅଫିସକୁ ଚାଲିଯାଇଥିଲେ । 

ପ୍ରାୟ ୭ ଘଣ୍ଟା ପରେ ସେ ଫେରିବା ପରେ ଝିଅକୁ କାର୍ ଭିତରେ ଅଚେତ୍ ଅବସ୍ଥାରେ ଦେଖିବାକୁ ପାଇଥିଲେ। ବ୍ୟକ୍ତିଜଣଙ୍କ ଜରୁରୀକାଳୀନ ସେବାକୁ ଫୋନ୍ କରିଥିଲେ। l ତେବେ ଡାକ୍ତରୀ ଟିମ୍ ପିଲାକୁ ବଞ୍ଚାଇବା ପାଇଁ ଚେଷ୍ଟା କରିଥିଲେ ବି ବିଫଳ ହୋଇଥିଲେ । ସେପଟେ ଝିଅର ମୃତ୍ୟୁ ଖବର ଶୁଣି ଘଟଣାସ୍ଥଳରେ ତାର ମା’ ଆସି ପହଞ୍ଚିଥିଲେ । ହେଲେ ଝିଅର ମୃତଦେହ ଦେଖି ମା’ ନିଜର ମାନସିକ ଭାରସାମ୍ୟ ହରାଇଥିବା ଜଣାପଡ଼ିଛି ।  

You can also read: ହୃଦଘାତରେ ପରଲୋକ, ୭ ମିନିଟ୍‌ ପରେ ପୁର୍ନଜନ୍ମ: ମୃତ୍ୟୁ ପରବର୍ତ୍ତୀ ଅନୁଭବ ବଖାଣିଲେ ବ୍ୟକ୍ତି