କଟକ ୦୮/୦୨: ବହୁ ଚର୍ଚ୍ଚିିିତ ସାଂସଦ ତଥା ଅଭିନେତା ଅନୁଭବ ମହାନ୍ତି ଓ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ବିବାହ ବିଚ୍ଛେଦ ମାମଲାରେ ଅନ୍ତ। ଦୀର୍ଘ ଦିନ ଧରି ଚାଲିଥିବା ବିବାଦରେ ପଡିଲା ପୂର୍ଣ୍ଣଚ୍ଛେଦ । ୧୦ ବର୍ଷର ସଂପର୍କ ଘଟିଲା ଅନ୍ତ । ଓଲିଉଡ୍ ଷ୍ଟାର ଦମ୍ପତିଙ୍କର ଛାଡପତ୍ର ହୋଇଛି । ବିବାହ ବିଚ୍ଛେଦ ସମ୍ପର୍କରେ ସୋସିଆଲ୍ ମିଡିଆ ଏକ୍ସରେ ସାଂସଦ ଅନୁଭବ ମହାନ୍ତି ସୂଚନା ଦେଇଛନ୍ତି।
Thanks all who prayed for me & my family’s peace🙏🏻
— Anubhav Mohanty (@AnubhavMohanty_) February 7, 2024
Got my decree of divorce today, which is just a day before the completion of 10 worthless/meaningless/heartless/painful & above all, false marital years of my false marriage! I pray for her happiness.
No Offence.#HappyRoseDay pic.twitter.com/EAEH5IY8qm
ବିବାହର ୧୦ ବର୍ଷ ପୂର୍ତ୍ତି ଆଗରୁ ଏହି ବିବାହ ବିଚ୍ଛେଦ ହୋଇଥିବା ଅନୁଭବ ଲେଖିଛନ୍ତି । ପତ୍ନୀ ବର୍ଷା ପ୍ରିୟଦର୍ଶୀନିଙ୍କ ଠାରୁ ଛାଡପତ୍ର ପାଇଁ କୋର୍ଟଙ୍କ ମଞ୍ଜୁର ମିଳିଛି । ଗୁରୁବାର ବର୍ଷା-ଅନୁଭବଙ୍କ ବିବାହକୁ ୧୦ ବର୍ଷ ପୁରୁଛି । ତେବେ ଏହାକୁ ୧୦ ବର୍ଷର ଯନ୍ତ୍ରଣାଦାୟକ, ହୃଦୟହୀନ, ଅର୍ଥହୀନ ଏବଂ ମିଥ୍ୟା ବିବାହ ସମ୍ପର୍କ ବୋଲି ଅନୁଭବ ଉଲ୍ଲେଖ କରିଛନ୍ତି । ମୋ ପାଇଁ ଏବଂ ମୋ ପରିବାର ପାଇଁ ପ୍ରାର୍ଥନା କରିଥିବା ସମସ୍ତଙ୍କୁ ଧନ୍ୟବାଦ ଦେଉଛି ବୋଲି ଅନୁଭବ ଲେଖିଛନ୍ତି । ଏହାସହ ବର୍ଷାଙ୍କ ଖୁସି ପାଇଁ ପ୍ରାର୍ଥନା କରିଛନ୍ତି ଅନୁଭବ ।