କଟକରୋଡ,୨୯/୦୯: ରାଜଧାନୀର ଅଧିକାଂଶ ପୂଜା ମଣ୍ଡପ ସମ୍ମୁଖରେ ମୁଣ୍ଡ ଟେକିଲାଣି ସୁଉଚ୍ଚ ତୋରଣ । ଭଳିକି ଭଳି ତୋରଣ ନିର୍ମାଣ ବାବଦରେ ସ୍ମାର୍ଟସିଟି ବାସିନ୍ଦାଙ୍କ ଚର୍ଚ୍ଚା ଜୋର ଧରିଲାଣି । ଏଥିରେ ଯୋଡି ହୋଇଛି ବମିଖାଲ ଦୁର୍ଗାପୂଜା ସମିତି ।  ୬୧ ତମ ଦୁର୍ଗୋତ୍ସବ ପାଳନ ପାଇଁ କର୍ମକର୍ତ୍ତାଙ୍କ ଯଥାସମ୍ଭବ ଉଦ୍ୟମ ଆରମ୍ଭ  ହୋଇଛି । ତୋରଣରେ ‘ଫରାସୀ ଓ  ଭାରତୀୟ ସ୍ଥାପତ୍ୟ କଳା ମିଶ୍ରଣର ଏକ ଝଲକ କୁହାଯାଇପାରେ । ଜଗତଜୀତ ପ୍ୟାଲେସ ଅଥବା ଫ୍ରେଞ୍ଚ ପ୍ୟାଲେସ  ନାମରେ ଏହି ତୋରଣ ନାମିତ  ହୋଇଛି । ଯାହାକି ମୁଖ୍ୟ ଆକର୍ଷଣ  ପାଲଟିବ । ଜାତୀୟ ପକ୍ଷୀ ମୟୂରଙ୍କ ‘ଫଟୋ ଚିତ୍ରକୁ ତୋରଣରେ ଅଧିକ  ପ୍ରାଧାନ୍ୟ ଦେବେ ପୂଜା ସମିତି । ଏହାର  ଉଚ୍ଚତା ଓ ଓସାର ଯଥାକ୍ରମେ ୮୦ ଏବଂ  ୧୨୦ ଫୁଟ ରହିବ । ସେହିଭଳି ମେଢ  ସହ ମୂର୍ତ୍ତି ଉଚ୍ଚତା ୨୦ ଫୁଟ ରଖାଯିବ ବୋଲି କୁହାଯାଇଛି । ଜଗଦ୍ଧାତ୍ରୀଙ୍କ  ମଥାରେ ଝଲସିବ ୭ କେଜି ଓଜନର  ଚାନ୍ଦି ମୁକୁଟ । 

Durga Puja 2024: Get all updated News, Videos and Photos of Durga Puja

ଚଳିତବର୍ଷ ପୂଜା  ବଜେଟ ୫୦ ଲକ୍ଷ ଟଙ୍କା ରଖାଯାଇଥିବା  ସୂଚନା ଦିଆଯାଇଛି । ଷଷ୍ଠୀ ତିଥିରୁ  ମା’ଙ୍କ ନିକଟରେ ଅନ୍ନପ୍ରସାଦ ଓ  ଖେଚୁଡି ଭୋଗ ଲାଗିହେବ । ଅଷ୍ଟମୀ  ତିଥିରେ ମହିଳାଙ୍କ ବ୍ରତ ପୂଜାକୁ  ଗୁରୁତ୍ୱ ଦିଆଯାଇ ଶ୍ରଦ୍ଧାଳୁଙ୍କୁ ପ୍ରସାଦ  ବଣ୍ଟନ ବ୍ୟବସ୍ଥା ରହିଛି । ଉତ୍ସବ  ଆରମ୍ଭ ସଂନ୍ଧ୍ୟାରେ ଭଜନ ସହ  ଶେଷ ରାତି ପର୍ଯନ୍ତ  ମେଲୋଡି କାର୍ଯ୍ୟକ୍ରମ  ପରିବେଷଣ ହେବ ।  ପୂଜା ପେଣ୍ଡାଲ ଓ ଏହାର ନିକଟରେ ୧୨ ସିସିଟିଭି କ୍ୟାମେରା  ସହ ଭିଡ ନିୟନ୍ତ୍ରଣ  ଦାୟିତ୍ୱରେ ୬୦ ସଦସ୍ୟ ପୁଲିସ  ସହ ରହିବେ । ମେଲାଣି ଉତ୍ସବରେ  ପାରମ୍ପରିକ ନୃତ୍ୟକଳା ଓ ବାଦ୍ୟ ସହ  ରାଜଧାନୀ ଭସାଣ ଉତ୍ସବରେ ସାମିଲ  ହେବ ପୂଜା ସମିତି ।